Agenda a Chofnodion

www.abertawe.gov.uk/DatgeluCysylltiadau

Yn unol â’r Côd Ymddygiad a fabwysiadwyd gan Ddinas a Sir Abertawe, datganwyd y buddiannau canlynol:

1)             Datganodd y Cynghorydd R V Smith gysylltiad personol a rhagfarnol â Chofnod 60 "Penodiadau Llywodraethwyr Awdurdod Lleol", a dywedodd ei fod wedi cael gollyngiad gan y Pwyllgor Safonau i aros a siarad, ond i beidio â phleidleisio ar faterion yn ymwneud â phenodi llywodraethwyr awdurdod lleol.

2)             Datganodd y Cynghorydd E J King gysylltiad personal a rhagfarnol â chofnod 60 “Penodiadau Llywodraethwyr Awdurdod Lleol” a gadawon y cyfarfod cyn ei ystyried.

3)             Datganodd y Cynghorwyr R Francis-Davies, A S Lewis a R C Stewart gysylltiad personol â chofnod 60 “Penodiadau Llywodraethwyr Awdurdod Lleol”.

Cymeradwyo a llofnodi cofnodion y cyfarfod(ydd) blaenorol fel cofnod cywir.

Penderfynwyd cymeradwyo a llofnodi cofnodion y cyfarfod(ydd) a restrir isod fel cofnod cywir:

1)             Y Cabinet a gynhaliwyd ar 19 Medi 2023.

Ni wnaed unrhyw gyhoeddiadau gan Arweinydd y Cyngor.

Gellir cyflwyno cwestiynau’n ysgrifenedig i’r Gwasanaethau Democrataidd Democratiaeth@abertawe.gov.uk hyd at ganol dydd y diwrnod cyn y cyfarfod. Bydd cwestiynau ysgrifenedig yn cael eu blaenoriaethu.Gall y cyhoedd ddod a gofyn cwestiynau’n uniongyrchol os bydd amser. Rhaid i gwestiynau fod yn berthnasol i’r eitemau ar ran agored yr agenda ac ymdrinnir â nhw o fewn cyfnod o 10 munud.

Ni ofynnwyd unrhyw gwestiynau.

Ni ofynnwyd unrhyw gwestiynau.

Cyflwynodd y Cynghorydd P M Black yr adborth craffu cyn penderfynu.

Penderfynwyd ar y canlynol:

1)              Nodi cynnwys yr adborth ar graffu cyn penderfynu.

Cyflwynodd Aelod y Cabinet dros Drawsnewid Gwasanaethau ddiweddariad ar ddiwedd gweithrediad y system Oracle Fusion. Mae'r system bellach yn fyw felly bydd y prosiect yn cau cyn bo hir ac yn trosglwyddo i'r model gweithredu Oracle newydd cyn bo hir.

Penderfynwyd:

1)    cymeradwyo'r gyllideb wrth gefn o £500,000 i'r prosiect aros yn y Gronfa Oracle Wrth Gefn a glustnodwyd, i'w defnyddio ar gyfer y ceisiadau newid sydd ar ddod gan wasanaethau ac unrhyw gostau trwydded ychwanegol yn ystod y flwyddyn yn dilyn adolygiad.

2)    nodi'r gweithgareddau Oracle sy'n trosglwyddo o'r prosiect i'r model gweithredu parhaol newydd.

Cyflwynodd Aelod y Cabinet dros Wasanaethau Corfforaethol a Pherfformiad adroddiad a oedd yn ceisio cefnogaeth y Cabinet o'r Cynllun Gweithredu Adfer Natur Lleol drafft ar gyfer Abertawe.

Penderfynwyd:

1)    Cymeradwyo'r Cynllun Gweithredu Adfer Natur Lleol (CGANLl) ar gyfer Abertawe a nodi ei bwysigrwydd fel fframwaith partneriaeth hollgynhwysol i fynd ati i Adfer Natur.

Cyflwynodd Aelod y Cabinet dros Fuddsoddi, Adfywio, Digwyddiadau a Thwristiaeth y Cynllun Rheoli Cyrchfannau (CRhC) 2023-2026 ar gyfer Abertawe.

Penderfynwyd:

1)             Cymeradwyo Cynllun Rheoli Cyrchfannau Abertawe ar gyfer y cyfnod 2023-2026.

Cyflwynodd Grŵp Penodi Llywodraethwyr yr Awdurdod Lleol adroddiad a oedd yn ceisio cymeradwyaeth ar gyfer yr enwebiadau a gyflwynwyd i lenwi swyddi gwag Llywodraethwyr yr Awdurdod Lleol (ALl) ar gyrff llywodraethu ysgolion.

Penderfynwyd:

1)             Cymeradwyo'r enwebiadau canlynol a argymhellwyd gan y Cyfarwyddwr Addysg ar y cyd ag Aelod y Cabinet dros Addysg a Dysgu:

Cyflwynodd Aelodau’r Cabinet dros Fuddsoddi, Adfywio, Digwyddiadau a Thwristiaeth a Gwasanaethau Corfforaethol a Pherfformiad adroddiad a oedd yn ceisio cymeradwyo, mewn egwyddor, drosglwyddo asedau cyfleusterau Chwaraeon a Hamdden, gan gynnwys unrhyw dir hamdden ac adeiladau cysylltiedig, i sefydliadau, clybiau a chymdeithasau cymunedol yn unol â Pholisi Trosglwyddo Asedau Cymunedol y cyngor, am bris llai na'r gorau er mwyn galluogi buddsoddiad, gwelliant a chynaliadwyedd tymor hir

Penderfynwyd:

1)    cymeradwyo'r trosglwyddiadau arfaethedig o'r lleiniau a restrir yn 2.4 -Tabl 1 dan Bolisi Trosglwyddo Asedau Cymunedol y Cyngor 2021 mewn egwyddor.

2)    Dirprwyo awdurdod i'r Cyfarwyddwr Lleoedd gymeradwyo prydlesi hir am gyfnodau priodol yn unol â'r egwyddorion a nodwyd ym mharagraff 2.3, (mewn perthynas â'r lleiniau a restrir yn Adran 2.4 - Tabl 1) i'r lesddalwyr arfaethedig am y rhesymau arfaethedig fel y nodir yn y tabl, ar yr amod bod Pennaeth y Gwasanaethau Eiddo wedi ystyried pob un o'r trosglwyddiadau arfaethedig dan Reolau Gweithdrefnau Gwerthu a Phrynu Tir y cyngor a'i fod yn argymell cymeradwyo pob trosglwyddiad. Cymeradwyo'r prydlesi am bris llai na'r gorau yn unol â Pholisi Trosglwyddo Asedau Cymunedol y cyngor

3)    Dirprwyo awdurdod i'r Cyfarwyddwr perthnasol mewn ymgynghoriad â Phennaeth y Gwasanaethau Eiddo ac Aelod o'r Cabinet benderfynu ar y llwybr adrodd priodol i ystyried yn llawn unrhyw wrthwynebiadau a dderbynnir drwy'r Hysbysiad Gwaredu Mannau Agored, yn unol ag adran 6 o'r adroddiad hwn.

4)    Dirprwyo awdurdod i Bennaeth y Gwasanaethau Eiddo drafod a phenderfynu ar delerau'r prydlesi arfaethedig (ac unrhyw Weithredoedd Amrywio angenrheidiol wedi hynny) a dirprwyo awdurdod i'r Prif Swyddog Cyfreithiol gwblhau'r ddogfennaeth gyfreithiol angenrheidiol i amddiffyn buddiannau'r cyngor.

Adroddodd y Swyddog Adran 151 am fonitro cyllidebau refeniw a chyfalaf 2023/24 yn ariannol, gan gynnwys cyflwyno arbedion cyllidebol.

Penderfynwyd:

1)    nodi'r sylwadau a'r amrywiadau, gan gynnwys yr ansicrwydd materol uwch, a nodwyd yn yr adroddiad a'r camau gweithredu sydd ar y gweill er mwyn mynd i'r afael â'r rhain.

2)    cymeradwyo'r trosglwyddiadau a'r defnydd o'r gronfa wrth gefn fel y nodir yn 3.2 a'r ddarpariaeth chwyddiant fel y nodir yn 4.3 yn amodol ar unrhyw gyngor pellach gan y Swyddog A.151 yn ystod y flwyddyn.

3)    Mae angen i bob Cyfarwyddwr barhau i leihau gwariant gwasanaethau yn ystod y flwyddyn, gan gydnabod bod y gyllideb yn gyffredinol yn cael ei chydbwyso ar hyn o bryd dim ond drwy ddibynnu ar ad-daliad tebygol yn y dyfodol (ond ymhell o fod yn gwbl sicr) gan Lywodraeth Cymru, cyllidebau wrth gefn a ddelir yn ganolog ac atgyfnerthu cronfeydd wrth gefn.

4)    Nodi'r gorwario dangosol ym mharagraff 6.1 yr adroddiad gyda chamau gweithredu pellach i'w cadarnhau yn y chwarteri dilynol unwaith y bydd rhagor o wybodaeth am gost derfynol debygol y codiad cyflog yn yr arfaeth.

Cyflwynodd Aelod y Cabinet dros Drawsnewid Gwasanaethau Lythyr Blynyddol Ombwdsmon Gwasanaethau Cyhoeddus Cymru 2022-23 ar gyfer Cyngor Abertawe, er gwybodaeth.

Cyflwynodd Aelodau'r Cabinet dros yr Economi, Cyllid a Strategaeth a'r Amgylchedd ac Isadeiledd adroddiad a oedd yn ceisio cymeradwyaeth ar gyfer cronfeydd ychwanegol i barhau â'r cynnig parcio cyfredol (1,2,3,4,5) am gyfnod cyfyngedig hyd at 31 Mawrth 2024.

Penderfynwyd:

Cymeradwyo'r cronfeydd untro ychwanegol o £850,000 i barhau â'r cynnig parcio cyfredol (1,2,3,4,5) am gyfnod cyfyngedig hyd at 31 Mawrth 2024 a nodi'r risgiau i'r cynorthwywyr a amlygwyd yn benodol gan y Swyddog A151.