Manylion y mater

Ar 15 Rhagfyr 2016 cymeradwyodd y Cabinet gynlluniau Cyngor Dinas a Sir Abertawe i adnewyddu ei holl wasanaeth EOTAS yn sylweddol i ddarparu arfer sy'n arwain y sector. Y nod yw ail-lunio'r gwasanaeth er mwyn datblygu arfer da presennol, a thrawsnewid y ddarpariaeth i gefnogi plant diamddiffyn a'u teuluoedd ac i fodloni'r gofyn i ddarparu addysg amser llawn addas yn brydlon i'r plant a'r bobl ifanc y mae angen iddynt gael addysg mewn lleoliad heblaw'r ysgol. Mae'n rhaid ystyried hyn hefyd yng nghyd-destun y polisi cenedlaethol sy'n datblygu, gan gynnwys yr adroddiad diweddar gan Estyn (Mehefin 2016) yn ogystal â phwysau cyllidebol cenedlaethol a lleol.

Roedd argymhellion a gyflwynwyd ym mis Rhagfyr 2016 yn cynnwys cynnig i ailstrwythuro Uned Atgyfeirio Disgyblion Abertawe'n dri llinyn (ABC), er mwyn cyflwyno addysg mewn awyrgylch dysgu sy'n addas at y diben.

Cymeradwywyd datblygiad cynllun am Uned Atgyfeirio Disgyblion newydd ar dir yn Heol y Cocyd a chyflwyniad cais cynllunio manwl gan y Cabinet ym mis Gorffennaf 2017.

Cymeradwywyd caniatâd cynllunio ar gyfer dymchwel 3 adeilad ar y safle ac adeiladu cyfleuster pwrpasol 3500m² ym mis Mawrth 2018.

Cymeradwywyd dyfarniad contract gan y Cabinet ar 18 Hydref 2018 yn unol â CPR 13.10.

Ar 15 Mawrth 2019 aeth y contractwr a benodwyd, Dawnus Construction Ltd i ddwylo'r gweinyddwyr ac ni allai gyflawni ymrwymiadau'r contract mwyach.

Ar 15 Mawrth 2019, roedd datblygiad y safle wedi dechrau a'r cyfnod dymchwel wedi'i gwblhau, ond er bod y gwaith cyn adeiladu yn mynd rhagddo, nid oedd y prif gam adeiladu wedi dechrau ac roedd yn amodol ar y contractiwr yn cwblhau elfennau o ddylunio technegol.

Mae'r adroddiad hwn yn ceisio cymeradwyaeth ar gyfer dyfarnu contract newydd a dewis/penodi contractiwr.