Agenda a Chofnodion

www.abertawe.gov.uk/DatgeliadauBuddiannau

Nid oedd unrhyw ddatgeliadau o fuddiannau personol a rhagfarnol.

Dim.

Derbyn nodiadau’r cyfarfod(ydd) blaenorol a chytuno eu bod yn gofnod cywir.

Cytunwyd ar gofnodion y cyfarfodydd blaenorol..

Gellir cyflwyno cwestiynau’n ysgrifenedig i’r adran graffu craffu@abertawe.gov.uk tan ganol dydd ar y diwrnod gwaith cyn y cyfarfod. Cwestiynau ysgrifenedig sy’n cael blaenoriaeth. Gall y cyhoedd ddod i’r cyfarfod a gofyn cwestiynau’n bersonol os oes digon o amser. Mae’n rhaid bod cwestiynau’n berthnasol i eitemau ar ran agored yr agenda a byddwn yn ymdrin â hwy o fewn cyfnod o 10 munud.

Ni chafwyd unrhyw gwestiynau gan y cyhoedd.

Y Cynghorydd David Hopkins - Aelod y Cabinet dros Wasanaethau Corfforaethol a Pherfformiad

Rachael Davies – Pennaeth y Ganolfan Gwasanaethau ac Adnoddau Dynol

Cyflwynodd David Hopkins, Rachael Davies a Non Jenkins o Archwilio Cymru yr adroddiad. Nodwyd y canlynol:

·       Ar y cyfan, roedd yr adroddiad yn gadarnhaol gyda rhai meysydd ar gyfer datblygu yn canolbwyntio ar gynllunio ar gyfer y dyfodol, adnoddau a meincnodi.

·       Gwnaeth Archwilio Cymru sylw ar ystyriaeth y cyngor o gynlluniau'r gweithlu cyn y pandemig a bod cynlluniau priodol ar waith ar gyfer monitro trefniadau'r gweithlu.

·       Mae amcanion o flwyddyn gyntaf strategaeth y gweithlu ar y trywydd iawn ac mae gwaith bellach yn canolbwyntio ar yr ail flwyddyn gymaint â phosib tra bod adnoddau ar gael. Recriwtio yw'r flaenoriaeth ar gyfer yr ail flwyddyn.

·       Mae'r cyngor yn cynnal dadansoddiad o anghenion datblygu a fydd yn nodi bylchau sgiliau, gydag ymyriadau wedi'u cynllunio i fynd i'r afael â'r bylchau hynny.

·       Rhoddwyd diweddariad ar y Cynllun Cydraddoldeb Strategol sydd ag amcanion ynghylch y gweithlu presennol ac a fydd yn adeiladu rhwydweithiau staff o wahanol nodweddion gwarchodedig.

·       Cyhoeddir cynllun cyffredinol y gweithlu'n ddiweddarach eleni.

Y Cynghorydd David Hopkins - Aelod y Cabinet dros Wasanaethau Corfforaethol a Pherfformiad

Ian Davies - Rheolwr Datblygu

Tom Evans - Rheolwr Creu Lleoedd a Chynllunio Strategol

Roedd y Cynghorydd David Hopkins ac Ian Davies yn bresennol i roi trosolwg.

·       Roedd meincnodi cynghorau Abertawe yn erbyn awdurdodau eraill Cymru'n gadarnhaol.

·       Ar hyn o bryd mae ffïoedd cynllunio'n cael eu hadolygu gan Lywodraeth Cymru gan nad yw'r ffïoedd wedi cynyddu ers 2020.

·       Mae'r Adran Adnoddau wedi bod dan bwysau ac mae ôl-groniad o'r pandemig yn dal i fodoli a swyddogion gorfodi'n cael eu hadleoli i brosesu ceisiadau cynllunio pan fo angen.

·       Gall apeliadau gorfodi i Lywodraeth Cymru fod yn broses hir ac mae'r ôl-groniad cwynion hefyd wedi achosi oedi o ran gweithredu a blaenoriaethu.

·       Mae canran y penderfyniadau a wnaed gan aelodau sy'n groes i gyngor swyddogion wedi gostwng. Mae'n debygol bod hyn yn ymwneud â cheisiadau sy'n fwy cydnaws â'r cynllun datblygu lleol a gostyngiad mewn ceisiadau sylweddol sy'n fwy ac yn ddadleuol. Trafodwyd cytundebau A106, gan gynnwys y system sydd ar waith i gyhoeddi anfonebau a monitro'r gwaith cyflawni. Ni fu unrhyw newidiadau diweddar yn y gyfraith ynghylch buddion cymunedol mewn cytundebau adran 106 ac fe'u hasesir fesul achos.

·       Mae ffi monitro wedi'i chynnwys fel rhan o gytundebau adran 106 ond nid oes ffi monitro am wirio cydymffurfiaeth â chynlluniau neu amodau cymeradwy er y gellir codi hyn fel rhan o broses ymgynghori ffïoedd cynllunio ehangach Llywodraeth Cymru.

Gofynnodd y Panel am ychwanegu'r adroddiad monitro datblygu ac adfywio rheolaidd fel eitem ar yr agenda unwaith neu ddwywaith y flwyddyn.

Holodd y Panel ynghylch cyllid bargen canol y ddinas a gofynnwyd am ragor o wybodaeth.

Gwaharddwyd y cyhoedd o’r cyfarfod am y rheswm y byddai’n cynnwys y tebygolrwydd o ddatgelu gwybodaeth eithriedig fel y’i nodir ym Mharagraff 14 Adran 12A o Ddeddf Llywodraeth Leol 1972 fel y’i diwygiwyd gan Orchymyn Llywodraeth Leol (Mynediad at Wybodaeth) (Amrywiad) (Cymru) 2007.

Y Cynghorydd Robert Francis-Davies – Aelod y Cabinet dros Fuddsoddi, Adfywio, Digwyddiadau a Thwristiaeth

Phillip Holmes - Pennaeth Cynllunio ac Adfywio'r Ddinas

Paul Relf – Rheolwr Datblygu Economaidd a Chyllid Allanol

Elliott Williams - Uwch-reolwr Adfywio Economaidd