Agenda, decisions and minutes

www.abertawe.gov.uk/DatgeluCysylltiadau

Dim.

Yn unol â'r Côd Ymddygiad a fabwysiadwyd gan Ddinas a Sir Abertawe, ni ddatganwyd unrhyw fuddiannau.

Cymeradwyo a llofnodi, fel cofnod cywir, gofnodion y cyfarfod blaenorol.

Cymeradwywyd.

Penderfynwyd cymeradwyo cofnodion y Pwyllgor Trawsnewid Gwasanaethau Gofal Cymdeithasol a Threchu Tlodi a gynhaliwyd ar 10 Mehefin 2024 a'u llofnodi fel cofnod cywir.

Er gwybodaeth

Cyflwynodd y Rheolwr Datblygu Trechu Tlodi adroddiad “er gwybodaeth” er mwyn rhoi'r wybodaeth ddiweddaraf i'r Pwyllgor Trawsnewid Gwasanaeth Gofal Cymdeithasol a Threchu Tlodi am ddatblygiad Polisi Gwirfoddoli Cyngor Abertawe.

Mae polisi Gwirfoddoli drafft presennol Cyngor Abertawe sy'n atodedig yn Atodiad A yn ystyried arfer gorau fel y nodwyd gan Gefnogi Trydydd Sector Cymru ac mae'n diffinio gwirfoddoli, yn nodi safonau ac ymrwymiadau i rolau a chyfrifoldebau, recriwtio a dethol, sefydlu a hyfforddi a chefnogi a goruchwylio.

Roedd Polisi Gwirfoddoli Drafft Cyngor Abertawe yn cyfeirio at Becyn Cymorth i Reolwyr a Llawlyfr i Wirfoddolwyr, a oedd yn elfennau allweddol i gefnogi cyflwyno'r Polisi Gwirfoddoli. Byddai'r Pecyn Cymorth i Reolwyr yn cynnwys yr adnoddau y mae eu hangen i alluogi gwasanaethau i annog gwirfoddolwyr i gyflawni'r ymrwymiad polisi. Byddai'r Llawlyfr i Wirfoddolwyr yn cynnwys gwybodaeth a fyddai'n berthnasol i'r gwirfoddolwr.

Amlinellodd y Rheolwr Datblygu Trechu Tlodi'r cynnydd ers mis Medi 2023 a hysbyswyd y Pwyllgor am y camau nesaf.

Gan fod hon yn ddogfen waith “fyw”, roedd yn destun diwygiadau pellach a byddai'n cael ei chyflwyno yn ôl i'r Pwyllgor maes o law.

Er gwybodaeth.

Cyflwynodd Rheolwr Trawsnewid y Gwasanaethau i Oedolion adroddiad “er gwybodaeth” i roi diweddariad ar Dechnoleg Gynorthwyol a gweithgaredd arfaethedig y  Gwasanaethau i Oedolion.

Roedd yr adroddiad yn rhoi gwybodaeth am 'gynnig' technoleg gynorthwyol presennol y Gwasanaethau i Oedolion, sut roedd y gwasanaeth yn cefnogi'r amcanion trawsnewid adrannol a chorfforaethol, cyflawniadau hyd yma a gweithgareddau a gynlluniwyd ar gyfer barn ac adborth y Pwyllgor.

Eglurodd y Rheolwr Trawsnewid fod strategaeth Technoleg Gynorthwyol yn rhan o Raglen Trawsnewid y Gwasanaethau i Oedolion ar gyfer 2024/25, gan gefnogi’n benodol y flaenoriaeth o ‘Hyrwyddo Annibyniaeth’.

Aeth ati i egluro'r gweithgarwch diweddar o ran y Gwasanaeth Technoleg Gynorthwyol yn ogystal â'r gwelliannau sylweddol a wnaed gan gynyddu'r defnydd o dechnoleg gynorthwyol ymhlith timau asesu a rheoli gofal yn y Gwasanaethau i Oedolion a'r camau nesaf ar gyfer technoleg gynorthwyol yn Abertawe.

Gofynnodd y pwyllgor gwestiynau amrywiol, ac atebodd y swyddog yn briodol iddynt.

Roedd gan y Pwyllgor ddiddordeb mawr mewn gweld yr ystafell ‘Cartref Clyfar’ newydd sy’n defnyddio technoleg gynorthwyol unwaith y bydd yn cael ei lansio ym mis Medi 2024. Gwnaethant hefyd awgrymu digwyddiad ar ffurf ‘sioe deithiol’ mewn amrywiol ganolfannau cymunedol a allai gynorthwyo preswylwyr a’u teuluoedd i ymgysylltu â’r opsiynau amrywiol sydd ar gael.

Cymeradwywyd.

Cyflwynodd y Cadeirydd y Cynllun Gwaith drafft ar gyfer 2024-2025.

Penderfynwyd cymeradwyo'r Cynllun Gwaith Drafft ar gyfer 2024-2025.