Agenda, penderfyniadau a cofnodion drafft

www.abertawe.gov.uk/DatgeluCysylltiadau

Dim

Yn unol â'r Côd Ymddygiad a fabwysiadwyd gan Ddinas a Sir Abertawe, ni ddatganwyd unrhyw fuddiannau.

Cymeradwyo a llofnodi cofnodion y cyfarfod(ydd) blaenorol fel cofnod cywir.

Cymeradwywyd

Penderfynwyd cymeradwyo a llofnodi cofnodion cyfarfod y Pwyllgor Trawsnewid Gwasanaethau Addysg a Sgiliau a gynhaliwyd ar 16 Mehefin 2024 fel cofnod cywir.

Er Gwybodaeth

 Rhoddodd Kate Phillips gyflwyniad PowerPoint i'r Pwyllgor o'r enw “What do we do about ’behaviour’ in schools”.

Roedd y cyflwyniad yn rhoi'r wybodaeth ddiweddaraf am y camau nesaf y cytunwyd arnynt ers y cyfarfod diwethaf.  Amlinellodd yr elfennau sy'n cael eu datblygu ar hyn o bryd a oedd yn cynnwys gwaith partneriaeth, gweithdai a holiadur ar gyfer ysgolion. 

Cynhaliwyd gweithdy ar 9 Gorffennaf 2024 yng Ngwesty'r Towers gyda thua 60 o gynrychiolwyr o amrywiaeth o'r gwahanol asiantaethau yn bresennol.  Ystyriodd y gweithdy'r canlynol:

·               Nodau ac amcanion y gweithdy;

·               Y 5 maes trafod;

·               Y materion sy'n wynebu'r gwahanol asiantaethau/sefydliadau;

·               Pa ddulliau oedd eu hangen;

·               Yr hyn y gallai'r asiantaethau ei gynnig;

·               Sut y gallant weithio gyda'i gilydd;

·               Camau nesaf

Eglurodd nad oedd pob asiantaeth wedi gallu mynd i'r gweithdy, felly trefnwyd ail ddigwyddiad ar gyfer 17 Medi 2024.

Trafododd yr Aelodau'r cyflwyniad PowerPoint a gofynnwyd cwestiynau amrywiol ynghylch y materion a'r pynciau a nodir ynddo.

Ymatebodd Aelod y Cabinet a'r swyddog yn briodol.

Diolchodd y Cadeirydd i'r swyddog am y cyflwyniad manwl ac addysgol.

Er Gwybodaeth

Rhoddodd David Thomas ddiweddariad llafar i'r pwyllgor mewn perthynas â dylunio set o egwyddorion ar gyfer Abertawe i ddeall sut i ddehongli cynnydd disgyblion ar draws ein hysgolion a'n lleoliadau o fewn yr Awdurdod Lleol.

Dywedodd fod dilyniant cyffredinol mewn dysgu'n broses o ddatblygu gwybodaeth, sgiliau a dealltwriaeth dros amser.

Un o'r gofynion ar gyfer pob ysgol a lleoliad oedd bod yn rhaid iddynt gyhoeddi eu trefniadau ar gyfer y cwricwlwm ac asesu trwy eu cyrff llywodraethu. Dylai asesu parhaus fod ar waith ar gyfer pob dysgwr ac roedd asesu'n ymwneud â chynnydd disgyblion. 

Amlinellodd fanylion rhaglen a gychwynnwyd 2 flynedd ôl gan yr Awdurdod Lleol, a hwylusir gan weithiwr addysgol proffesiynol enwog i ddatblygu dealltwriaeth gyffredin o gynnydd llinol o 3-16 oed.  O ganlyniad, roedd mapiau cwricwlwm a oedd yn cefnogi gwell golwg ar y sgiliau, yr wybodaeth a'r ddealltwriaeth sydd eu hangen mewn cyd-destun penodol bellach yn cael eu defnyddio (model clwstwr/ysgolion sy'n bwydo).  Fodd bynnag, nid oedd y rhaglen yn cefnogi golwg unigol ar ddyluniad cwricwlwm ysgol o'r egwyddorion dilyniant y mae'n seiliedig arnynt.  Felly, gwnaeth y Tîm Gwella Ysgolion ddatblygu'r pwyntiau gwerthuso canlynol:

1)    Trosolwg;

2)     Sut i nodi materion ansawdd;

3)    Canllawiau ymarferol i gefnogi gwell golwg ar y daith Gwella Ysgolion a'r hunanarfarniad (archwiliad manwl);

4)    Cefnogi gwell golwg ar gynnydd cyffredinol disgyblion unigol (archwiliad mwy manwl).

Eglurodd y swyddog bod cyllid drwy grant i Awdurdodau Lleol ers mis Ebrill 2024 wedi arwain at gyflogi swyddog arweiniol ar gyfer y cwricwlwm, dysgu ac addysgu.  Roedd y Bartneriaeth Gwella Ysgolion wedi derbyn y gwaith o dderbyn ceisiadau neu fodelau busnes gan ysgolion a phartneriaethau clwstwr i ddatblygu rhywfaint o waith gyda'i gilydd.

Amlinellodd opsiynau amrywiol sydd ar gael i ddarparu egwyddorion ac arweiniad ymarferol i ysgolion a lleoliadau er mwyn datblygu'r darn hwn o waith.

Gwnaeth y Pwyllgor sylwadau a gofynnodd gwestiynau ac ymatebodd y Prif Swyddog iddynt yn briodol.

Er Gwybodaeth

Amlinellodd y Cadeirydd gynllun gwaith y pwyllgor ar gyfer gweddill 2024/2025.

Codwyd amrywiaeth o opsiynau ychwanegol i gynorthwyo'r cynllun gwaith, a fyddai'n cael eu trafod ymhellach gyda swyddogion ac Aelod y Cabinet dros Addysg a Dysgu.