Agenda, decisions and minutes

www.swansea.gov.uk/disclosuresofinterests

Dim

Yn unol â'r Côd Ymddygiad a fabwysiadwyd gan Ddinas a Sir Abertawe, ni ddatganwyd unrhyw fuddiannau.

 

Cymeradwyo a llofnodi, fel cofnod cywir, gofnodion y cyfarfod blaenorol.

Cymeradwywyd

Penderfynwyd cymeradwyo cofnodion y Pwyllgor Trawsnewid Gwasanaethau Addysg a Sgiliau a gynhaliwyd ar 17 Ebrill ac 16 Mai 2024 a'u llofnodi fel cofnod cywir.

 

Er gwybodaeth

Cyfeiriodd y Cadeirydd at y Cylch Gorchwyl a ddosbarthwyd i'r Pwyllgorau Trawsnewid Gwasanaethau, a ddarparwyd 'er gwybodaeth'.

 

Cymeradwywyd

Dywedodd y Cadeirydd ei fod wedi cyfarfod ag Aelod y Cabinet a'r Cyfarwyddwr ac wedi cael trafodaeth ynghylch cynllun gwaith drafft ar gyfer y pwyllgor ar gyfer 2024/25 a chyfeiriodd at yr eitemau canlynol posib fel pynciau i'w hystyried yn ystod y flwyddyn ddinesig sydd i ddod – Cynnydd Dysgwyr a datblygu set o 'Egwyddorion Abertawe' a Chefnogi Ymddygiad Cadarnhaol mewn Ysgolion.

 

Cefnogwyd y ddau bwnc gan Aelod y Cabinet a chyfeiriodd at y cysylltiad rhwng presenoldeb ac ymddygiad, effaith y Cwricwlwm newydd i Gymru a pholisïau Llywodraeth Cymru yn Abertawe ac amlinellodd y dylai'r pwyllgor ganolbwyntio ar wella canlyniadau i bobl ifanc ar draws y ddinas.

 

Rhoddodd David Thomas gyflwyniad llafar i'r pwyllgor yn ymwneud â datblygiad posib cyfres o 'Egwyddorion Abertawe'. Cafodd y meysydd canlynol eu cynnwys yn y cyflwyniad:

·        atebolrwydd a bod y broses i gadarnhau gwerthuso a chynnydd yn digwydd mewn ysgolion,

·    dylai'r system atebolrwydd gefnogi gweithgareddau gwella ysgolion nid eu gyrru

·        dylai systemau atebolrwydd allu nodi a datrys problemau'n gynnar,

·        mae rôl y corff llywodraethu mewn ysgolion yn fater allweddol, mae pob ysgol yn wahanol felly gall help a chefnogaeth fod ar wahanol ffurfiau,

·        mae trefniadau craffu lleol a rhanbarthol ar waith ac mae mewnbwn o bob rhan o Gymru gan Estyn a gweithdrefnau ar waith i gefnogi ysgolion,

·        gwerthuso cynnydd disgyblion drwy asesiadau,

·        caniatáu i bobl ifanc wneud cynnydd a datblygu ar eu cyflymder eu hunain,

·        profiadau meysydd dysgu,

·        dealltwriaeth gyffredin o gynnydd ar draws y system,

·        mae asesu'n broses barhaus ac yn rhan o ddysgu ac addysgu,

·        mae disgyblion yn cymryd rhan weithredol yn y broses asesu,

·        mae asesu ac asesiadau'n bethau gwahanol,

·        mae asesu'n ymwneud â'r cynnydd y mae pobl ifanc yn ei wneud ac mae'n cynnwys amrywiaeth o randdeiliaid o bobl ifanc, ysgolion, rhieni etc.

·        tair prif reol asesiadau,

·        diffiniad o gynnydd – sut mae dysgwr yn datblygu ac yn gwella'i wybodaeth a'i sgiliau dros amser,

 

Trafododd aelodau'r pwyllgor y meysydd a gafwyd yn y cyflwyniad gan wneud sylwadau a gofyn cwestiynau i'r swyddog, a ymatebodd yn briodol.

 

Ymatebodd Aelod y Cabinet a'r Cyfarwyddwr hefyd i'r materion a godwyd yn ystod y cyflwyniad gan nodi y gallai ymagwedd fwy penodol a symlach fod o fudd i ysgolion.

 

Rhoddodd Kate Phillips gyflwyniad Powerpoint i'r pwyllgor ar faterion yn ymwneud ag ymddygiad disgyblion mewn ysgolion.

 

Cafodd y meysydd canlynol eu cynnwys yn y cyflwyniad:

·        diffiniad o ymddygiad,

·        y sefyllfa a'r cyd-destun presennol,

·        ymagwedd a mentrau presennol Cyngor Abertawe sy'n ceisio cefnogi pobl ifanc,

·        cynnydd cyson mewn gwaharddiadau cyfnod penodol a pharhaol dros yr ychydig flynyddoedd diwethaf,

·        y sefyllfa bresennol sy'n dangos mwy o alw am faterion fel amserlenni diwygiedig a darpariaeth arbenigol – y cynnydd yng nghostau hyn i'r Adran,

·        newid amgylchedd mewn ysgolion a chymdeithas - mwy o ofynion ADY a niwroamrywiaeth, goblygiadau ar ôl COVID, effaith y cyfryngau cymdeithasol ar bobl ifanc,

·        materion lleferydd, iaith a chyfathrebu,

·        rhwymedigaethau cyfreithiol a'r hyn y mae'n rhaid i'r awdurdod ei ddarparu - cyfle i adolygu polisïau nawr,

·       y camau nesaf.

 

Diolchodd y Cadeirydd i'r ddau swyddog am eu cyflwyniadau manwl a llawn gwybodaeth.

 

Amlinellodd fod llawer o feysydd a ffactorau'n effeithio ar gynnydd pobl ifanc.

 

Amlinellodd Aelod y Cabinet, yn dilyn y cyfarfod, y byddai'n trefnu cyfarfod gyda'r Cadeirydd a'r Swyddogion i drafod syniadau a meysydd pwnc ynghylch yr wybodaeth a ddarparwyd iddynt yn y cyflwyniad, ac yn adrodd yn ôl i'r cyfarfod nesaf.

 

24 July 2024	18 September 2024	23 October 2024
4 December 2024	15 January 2025	19 February 2025
9 April 2025	All at 4pm

 

Cymeradwywyd

Cyfeiriodd y Cadeirydd at ddyddiadau'r cyfarfodydd yn y dyfodol a ddarparwyd ar yr agenda.

 

Penderfynwyd y bydd pob cyfarfod yn y dyfodol yn 2024/25 yn dechrau am 4pm.