Agenda, penderfyniadau a cofnodion drafft

www.abertawe.gov.uk/DatgeluCysylltiadau

Yn unol â'r Côd Ymddygiad a fabwysiadwyd gan Ddinas a Sir Abertawe, ni ddatganwyd unrhyw fuddiannau.

Cymeradwyo a llofnodi cofnodion y cyfarfod(ydd) blaenorol fel cofnod cywir.

Penderfynwyd cymeradwyo a llofnodi cofnodion cyfarfod y Pwyllgor Trawsnewid Gwasanaethau'r Economi ac Isadeiledd a gynhaliwyd ar 29 Chwefror 2024 fel cofnod cywir.

Cyflwynodd y Rheolwr Adfywio Economaidd Strategol adroddiad dros dro am y cynnydd a wnaed mewn perthynas â Chynllun Gweithredu Glannau Afon Tawe.

Nododd yr aelodau gyd-destun ardal Glannau Afon Tawe, Cais Ffyniant Bro Cwm Tawe 2023, yr Achos Economaidd ac Effaith y Cais Ffyniant Bro, rhaglen ehangach Gwaith Copr yr Hafod-Morfa a'r camau nesaf a'r ffordd ymlaen.

Roedd cwestiynu a thrafodaethau'r Pwyllgor yn canolbwyntio ar y canlynol:

1.      Pontynau a'r defnydd o dacsis afon.

2.      Hygyrchedd yr amgueddfa ar gyfer storio arteffactau.

3.      Datblygu'r llwybr beiciau/llwybr cerdded a defnyddiau masnachol posib eraill ar gyfer yr ardal.

4.     Datblygu defnyddiau preswyl dan y CDLl.

5     Cynnydd o ran yr Uwchgynllun.

6.     Adfer y Bont Wrthbwys.

Diolchodd y Cadeirydd i'r Rheolwr Adfywio Economaidd Strategol am ei adroddiad llawn gwybodaeth.

Penderfynwyd:

1.     Cyflwyno adroddiad pellach i gyfarfod o'r Pwyllgor Trawsnewid Gwasanaethau yn y dyfodol er mwyn gwerthuso'r cwmpas ar gyfer prosiectau pellach ac adrodd yn ôl am gynnydd gyda phrosiectau Ffyniant Bro Cwm Tawe Isaf ac adfywio safleoedd allweddol.

Cyflwynodd y Pennaeth Cynllunio ac Adfywio'r Ddinas Adroddiad Blynyddol Pwyllgor Trawsnewid Gwasanaethau'r Economi ac Isadeiledd 2023-2024 'er gwybodaeth.'

Roedd yr adroddiad yn crynhoi canlyniadau ac allbynnau rhaglen waith y Pwyllgor Trawsnewid Gwasanaethau'r Economi ac Isadeiledd yn 2023/24.

Byddai'r adroddiad yn cael ei uno â'r adroddiadau blynyddol ar gyfer y 4 Pwyllgor Trawsnewid Gwasanaethau eraill a'i gyflwyno i'r Cyngor maes o law.

Nododd y Cadeirydd fod y Pwyllgor bellach wedi gorffen ei gynllun gwaith ar gyfer Blwyddyn Ddinesig 2023-2024 a diolchodd i aelodau'r pwyllgor a swyddogion am eu cyfraniad.