Agenda, decisions and minutes

www.abertawe.gov.uk/DatgeluCysylltiadau

Yn unol â'r Côd Ymddygiad a fabwysiadwyd gan Ddinas a Sir Abertawe, ni ddatganwyd unrhyw fuddiannau.

Cymeradwyo a llofnodi, fel cofnod cywir, gofnodion y cyfarfod(ydd) blaenorol.

Cymeradwywyd.

Penderfynwyd cymeradwyo cofnodion y Pwyllgor Trawsnewid Gwasanaethau Newid yn yr Hinsawdd ac Adfer Natur a gynhaliwyd ar 3 Mawrth 2024 a'u llofnodi fel cofnod cywir.

Nodwyd.

Darparodd Mark Barber, Swyddog yr Amgylchedd Naturiol a Bioamrywiaeth/Cydlynydd y Bartneriaeth Natur Leol gyflwyniad ar Raglen Lleoedd Lleol ar gyfer Natur - Grant Partneriaeth Natur Leol 2023-25. Roedd y manylion a ddarparwyd yn cynnwys y canlynol: -

·       Nodau'r cynllun.

·       Nod y Rhaglen Lywodraethu - Ehangu trefniant i greu mannau gwyrdd neu eu gwella'n sylweddol.

·       Gweithredu Adfer Natur Abertawe (Canolbwyntio ar Isadeiledd Gwyrdd).

·       Gweithredu Adfer Natur Abertawe - amlinell ariannol.

·       Mapiau crynhoi.

·       Lleoedd Lleol ar gyfer Natur 2023-25.

Ø   Gardd law Burrows Road.

Ø   Isadeiledd gwyrdd - Cynllun Cylchfan Townhill.

Ø   Isadeiledd gwyrdd - Prosiect Mannau Gwyrdd Cymunedol/Dysglau Plannu ar Balmant Canolfan yr Amgylchedd.

Ø   Gwelliannau mannau gwyrdd/cynefinoedd - pyllau dŵr.

Ø   Gwelliannau mannau gwyrdd/cynefinoedd - Glaswelltir calaminaraidd, glaswelltir corsiog, glaswelltir calchfaen yr arfordir, gwella prysgwydd.

Ø   Prosiectau Bywyd Gwyllt Eraill - Blychau Ystlumod ac Adar ag Inswleiddiad Waliau Allanol.

Ø   Prosiectau Bywyd Gwyllt Eraill - plannu coed - 171 o goed safonol o 58 rhywogaeth/amrywiaeth wedi'u plannu ar draws 31 o safleoedd yn Abertawe.

Ø   Prosiectau Partner Gwella Bywyd Gwyllt/Cynefin - prosiect gwella llygod y dŵr Penllergaer/prosiect mynediad a phwll dŵr Amaethyddiaeth â Chymorth y Gymuned Cae Felin/Ymddiriedolaeth Afonydd Gorllewin Cymru - ailgysylltu afonydd Abertawe/Prosiect Coridor i Fywyd Gwyllt Coed Lleol Hillside/Fferm Gymunedol Abertawe/Blychau Bywyd Gwyllt Prifysgol Abertawe/Prosiect Orchard/Tyfu Cymunedol - Canolfan Gymunedol Parc Sgeti/Ymddiriedolaeth Natur De a Gorllewin Cymru - Natur Drws Nesaf

·       Lleiafswm o 358 o wirfoddolwyr a 719 o oriau gwirfoddoli.

·       Cronfa Her Lleoedd Lleol ar gyfer Natur.

Trafododd y pwyllgor y canlynol: -

·       Manylion cynlluniau ar draws Abertawe.

·       Prosiectau ar St Helen's Road, Abertawe.

·       Trafodaethau ynghylch darparu rheilffordd uchel.

·       Cynyddu nifer y rhandiroedd a'r problemau a gafwyd pan gyflwynwyd hunanreoli/cyfleoedd ar gyfer tyfu cymunedol a darparu'r diweddaraf yn ystod cyfarfod yn y dyfodol.

·       Y gwelliannau cadarnhaol yng Nghoedwig Penllergaer, yr angen am gyllid ychwanegol/gwirfoddolwyr ac ailgyflwyno llwybr ceffylau o bosib.

·       Yr effaith gadarnhaol ar y gymuned o ganlyniad i'r Fferm Gymunedol.

·       Cynllun Prosiect Orchard - coed yn Dove Road a'i effaith gadarnhaol.

·       Gweithio mewn partneriaeth nodedig ar draws Abertawe.

·       Y cydbwysedd da rhwng lleoliadau cefn gwlad a chanol y ddinas.

·       Defnyddio ardaloedd bach o dir i adeiladu isadeiledd gwyrdd/llwybrau bioamrywiaeth o fewn ardaloedd mwy poblog a phwysigrwydd cysylltedd ar draws Abertawe.

·       Cynllun Burrows Road - yn enwedig ei effaith mewn perthynas â llifogydd a mesur ei effaith wrth symud ymlaen.

·       Cynnwys y cyhoedd, yn enwedig grwpiau/unigolion â gwybodaeth leol, yn y gwaith parhaus sy'n mynd rhagddo, fel gwefan 'Wild about Swansea'.

·       Faint o'r safleoedd hyn fyddai'n cael eu rheoli'n well drwy bori yn hytrach na defnyddio peiriannau.

Diolchodd Andrew Stevens, Aelod y Cabinet dros yr Amgylchedd ac Isadeiledd am eu cyflwyniad a thynnodd sylw at y gwaith parhaus gwych yn safleoedd fel y Fferm Gymunedol ac Ymddiriedolaeth Cwm Penllergaer, yn enwedig eu gwaith wrth wella bioamrywiaeth.

Diolchodd y Cadeirydd i'r swyddogion am ddarparu cyflwyniad diddorol iawn llawn gwybodaeth.

Nodwyd.

Cyflwynodd y Cadeirydd gynllun gwaith wedi'i ddiweddaru ar gyfer 2024/25.

Penderfynwyd nodi cynnwys yr adroddiad.