Agenda a Chofnodion

None

Ni chafwyd yr un datganiad o fuddiant.

Derbyniwyd y cofnodion a’r llythyr a oedd yn deillio o’r cyfarfod a gynhaliwyd ar 19 Mehefin 2023.

Cyfarwyddwr Arweiniol a Swyddog Arweiniol Partneriaeth

Amlinellodd y Cyfarwyddwr Arweiniol, Helen Morgan-Rees, yr eitemau ar agenda Cyd-bwyllgor Partneriaeth a gynhaliwyd ar 23 Mehefin 2023. Nodwyd y pwyntiau canlynol:

 

Byddai Cyd-bwyllgor Partneriaeth yn cwrdd deirgwaith y flwyddyn. Byddai'r canlynol yn cael eu trafod yn y cyfarfod nesaf:

Y llythyr gan Gadeirydd Grŵp Cynghorwyr Craffu Partneriaeth ar 13 Chwefror 2023.

Cyllideb ddrafft Partneriaeth ar gyfer 2023-24 a chynllun ariannol tymor canolig drafft ar gyfer 2023-24 i 2026-27

Perfformiad partneriaeth 2022-23

Cynllun Strategol/Cynllun Busnes Partneriaeth 2023-24; a

Chofrestr Risg Partneriaeth

Mae'r Cytundeb Cyfreithiol yn nodi y dylai Cyfarwyddwyr Addysg pob un o'r

Cynghorau fynychu gyda'i gilydd unwaith y flwyddyn, ac y dylai Cadeirydd y Cyd bwyllgor fynychu o leiaf unwaith y flwyddyn, a hynny i'r diben o geisio sicrwydd ac i ystyried a yw Partneriaeth yn gweithredu'n unol â'r Cytundeb Cyfreithiol a'i

Gynllun Busnes, a bod ei amserlen yn cael ei rheoli mewn modd effeithiol.

Gwneir hyn fel a ganlyn:

1. Cadeirydd Cyd-bwyllgor Partneriaeth i roi barn ar y modd y mae pethau'n

mynd rhagddynt yn ei farn ef, ac yna i drafod a darparu sicrwydd bod

Partneriaeth yn gweithredu'n unol â'r Cytundeb Cyfreithiol a'i Gynllun Busnes,

a bod ei amserlen yn cael ei rheoli mewn modd effeithiol.

2. Cyfarwyddwr o bob awdurdod lleol i roi barn ar y modd y mae pethau’n

mynd rhagddynt o ran ei Gyngor ef a beth yw’r heriau allweddol i'r Cyngor,

ynghyd â cheisio sicrwydd gan bob Cyngor ei fod yn credu bod Partneriaeth yn gweithredu'n unol â’r Cytundeb Cyfreithiol a'i Gynllun Busnes, a bod ei

amserlen yn cael ei rheoli mewn modd effeithiol.

Roedd Cytundeb Cyfreithiol Partneriaeth yn pennu y dylai Cadeirydd y Cyd-bwyllgor a’r tri Chyfarwyddwr Addysg fod yn bresennol yng Ngrŵp Cynghorwyr Craffu Partneriaeth o leiaf unwaith y flwyddyn. 

 

Rhoddodd y Panel groeso i'r Cynghorydd Darren Price, Cadeirydd Cyd-bwyllgor Partneriaeth, i’r cyfarfod. Roedd y Cynghorydd Price hefyd yn siarad ar ran Gareth Morgans, Cyfarwyddwr Addysg Sir Gaerfyrddin, yn ei absenoldeb. Diolchwyd hefyd i Helen Morgan-Rees, Cyfarwyddwr Addysg Abertawe, a Steven Richard-Downes, Cyfarwyddwr Addysg Sir Benfro, am fod yn bresennol.

 

Cadeirydd Cyd-bwyllgor Partneriaeth

 

Yn y lle cyntaf, rhoddodd y Panel wahoddiad i'r Cynghorydd Price roi barn ar y modd y mae'n gweld pethau’n dod yn eu blaen, ac i drafod a rhoi sicrwydd i’r Grŵp Cynghorwyr fod Partneriaeth yn gweithredu'n unol â’r Cytundeb Cyfreithiol a'i Gynllun Busnes, a bod ei amserlen yn cael ei rheoli mewn modd effeithiol. Dywedodd y Cynghorydd Price y canlynol:

 

•         Cyn datblygu Partneriaeth, bu’r partneriaethau rhanbarthol yn rhai cymhleth ac anghyson. Yn y gorffennol, roedd Llywodraeth Cymru wedi gofyn am gydweithio ar draws awdurdodau lleol, a arweiniodd at fodel rhanbarthol. Er hynny, roedd Llywodraeth Cymru wedi datgan y byddai'r haen ganol o wasanaethau cymorth ar gyfer addysg yn cael ei hadolygu’n genedlaethol cyn bo hir ac y byddai Partneriaeth yn rhan o hynny.

•         Datblygwyd y Cynllun Busnes a'r chwe blaenoriaeth cyfredol ar y cyd, ac felly roeddent yn seiliedig ar amcanion lleol.

•         Byddai'r Cynllun Busnes newydd yn cael ei gymeradwyo gan y Cyd-bwyllgor ar 23 Mehefin, a byddai gan hwn bedair blaenoriaeth allweddol a fyddai hefyd yn seiliedig ar amcanion lleol.

•         Roedd y Gofrestr Risg yn cael ei hadrodd i'r Cyd-bwyllgor a'r Grŵp Cynghorwyr Craffu ar ffurf eitem sefydlog.

•         Roedd y Cynghorydd Price felly'n hyderus bod Partneriaeth yn gweithredu'n unol â'r Cytundeb Cyfreithiol a'i Gynllun Busnes, a'i fod yn cyflawni'n unol â'i amserlen. Ond byddai yna bob amser le i wella a hoffai weld y canlynol yn cael eu datblygu:

­         Mesur effaith Partneriaeth, a fyddai'n dangos allbwn a gwerth am arian yn eglur.

­         Bod ysgolion yn cael y cyfle i fynegi eu barn ar ei effeithiolrwydd. Hynny wedyn i gael ei ddefnyddio wrth gynllunio ar gyfer y dyfodol.

 

Y Cyfarwyddwyr Addysg

Gofynnwyd i bob Cyfarwyddwr roi ei farn ar y modd yr oedd pethau'n mynd o ran ei Gyngor a pha heriau y mae'n eu hwynebu, a gofynnwyd am sicrwydd gan bob Cyngor ei fod yn credu bod Partneriaeth yn gweithredu'n unol â’r Cytundeb Cyfreithiol a'i Gynllun Busnes, a bod ei amserlen yn cael ei rheoli mewn modd effeithiol.

 

Helen Morgan-Rees (Cyfarwyddwr Addysg Abertawe)

Roedd yr heriau o safbwynt Abertawe yn cynnwys y canlynol:

•         Y modd i wneud y defnydd gorau o'r cyllid a ddeuai i mewn, gan gynnwys rhannu adnoddau fel nad oedd yna unrhyw danwariant.

•         Gwerthuso perfformiad fel bod yr effaith a'r allbwn yn cael eu nodi.

•         Dwyn pawb ynghyd.

•         Llythrennedd a rhifedd: yr angen i ystyried pecyn cynhwysfawr cynhwysol i wella’r sgiliau hyn.

•         Cael barn cwsmeriaid a defnyddio hynny i gynllunio ar gyfer y dyfodol.

 

Roedd o'r farn bod y Cynllun Busnes newydd yn gliriach; bod iddo lai o flaenoriaethau ond bod y rheiny'n rhai priodol, ac y byddai'n cydblethu’n dda â gwaith yr awdurdodau lleol. Roedd yn hapus o weld Partneriaeth yn datblygu ac yn gwrando ar farn pob rhanddeiliad. O safbwynt Abertawe, roedd Partneriaeth yn gweithredu'n unol â'r Cytundeb Cyfreithiol, ei Gynllun Busnes a'i amserlen.

 

Steven Richard-Downes (Cyfarwyddwr Addysg Sir Benfro)

Roedd Sir Benfro yn wynebu llawer o heriau tebyg i Abertawe, ond soniodd hefyd am y canlynol:

•         Bod yr ystod o gymorth a gynigid yn ddefnyddiol ond bod angen mireinio’r arlwy hwnnw ymhellach.

•         Bod datblygiad pellach mewn perthynas â llythrennedd a rhifedd yn faes allweddol.

•         Bod 'annibyniaeth disgyblion a gwerthuso eu gwaith eu hunain' wedi bod yn thema mewn arolygiadau diweddar gan Estyn, ac felly ei bod yn ofynnol i ni blethu hynny i'r Cynllun Busnes.

•         Bod yn rhaid gwneud yn siŵr bod cyllid yn cael ei ddefnyddio'n dda ac er lles gorau ysgolion. Roedd yn ofynnol datrys unrhyw faterion o ran dyblygu adnoddau.

•         Bod y Cwricwlwm newydd yn her barhaus.

•         Yr holl amrywiaeth o fentrau a oedd ar gael a'r ymdrech ddi-baid ar gyfer Llywodraeth Cymru mewn perthynas â'r mentrau hynny. Roedd yn rhaid i hyn gael ystyriaeth ofalus neu byddem yn parhau i gael problemau llwyth gwaith.  Roedd yn ofynnol ystyried y modd yr oeddem yn rheoli’r hyn a ddeuai dros y gorwel o du Llywodraeth Cymru yn ystod y cyfnod hwn, cyfnod a oedd eisoes wedi gweld newid enfawr, fel na fyddai ysgolion yn cael eu gorlwytho.

•         Ei bod yn ofynnol mesur effeithiolrwydd ac effaith Partneriaeth yn uniongyrchol yn yr ystafell ddosbarth.

Cytunai fod y Cyd-gytundeb yn gweithio'n dda a bod Partneriaeth yn gwneud y pethau iawn ar gyfer ysgolion.

 

Roedd y Grŵp Cynghorwyr yn falch o glywed bod gan bawb ddarlun cadarnhaol o Partneriaeth ar y pryd, ond gan hefyd gydnabod bod llawer o heriau'n dal i fodoli i Partneriaeth a phob un o'r tri awdurdod lleol. O'r drafodaeth hon, roedd y Cynghorwyr yn teimlo'n dawel eu meddwl fod Partneriaeth yn gweithredu'n unol â'r Cytundeb Cyfreithiol a'i Gynllun Busnes, a bod ei amserlen yn cael ei rheoli mewn modd effeithiol.

Cyfarwyddwr Arweiniol a Swyddog Arweiniol Partneriaeth

Amlinellodd y Cyfarwyddwr Arweiniol, Helen Morgan-Rees, yr eitemau ar agenda Cyd-bwyllgor Partneriaeth a gynhaliwyd ar 23 Mehefin 2023. Nodwyd y pwyntiau canlynol:

 

Byddai Cyd-bwyllgor Partneriaeth yn cwrdd deirgwaith y flwyddyn. Byddai'r canlynol yn cael eu trafod yn y cyfarfod nesaf:

Y llythyr gan Gadeirydd Grŵp Cynghorwyr Craffu Partneriaeth ar 13 Chwefror 2023.

Cyllideb ddrafft Partneriaeth ar gyfer 2023-24 a chynllun ariannol tymor canolig drafft ar gyfer 2023-24 i 2026-27

Perfformiad partneriaeth 2022-23

Cynllun Strategol/Cynllun Busnes Partneriaeth 2023-24; a

Chofrestr Risg Partneriaeth

Y Cyfarwyddwr Arweiniol, y Swyddog Arweiniol a'r Ymgynghorwyr Strategol perthnasol

 

Yn rhan o'i raglen waith, cytunodd y Grŵp Cynghorwyr i edrych ar berfformiad un flaenoriaeth wahanol o blith chwe blaenoriaeth wreiddiol Partneriaeth ym mhob cyfarfod. O ganlyniad, rhoddodd y Grŵp Cynghorwyr groeso i Gwennan Schiavone, Ymgynghorydd Strategol Partneriaeth, i'r cyfarfod. Cyflwynwyd adroddiad a oedd yn amlinellu’r cynnydd o ran Blaenoriaeth 2: Datblygu darpariaeth addysg o safon uchel – gwella'r addysgu a'r dysgu yn ein hysgolion.

 

Ymdriniwyd â’r pwyntiau canlynol yn y drafodaeth:

·       Dysgu proffesiynol, ymholi ac ymchwil i wireddu’r cwricwlwm a bod dan arweiniad yr ysgol.

·       Dysgu proffesiynol ar gyfer datblygu ymarfer a myfyrdod.

·       Y grant llythrennedd a rhifedd/Cynllun Llafaredd Cynradd i Gymru.

·       Cymorth rhanbarthol ar gyfer ieithoedd modern/i feithrin gallu yn y sector cynradd.

·       Y Fframwaith Cymhwysedd Digidol/sgiliau codio a digidol.

·       Y Gymraeg mewn Addysg.

·       Gwelliant ôl-16.

 

Mynegodd y Grŵp Cynghorwyr y pwyntiau a ganlyn:

·       Hanfod y Prosiectau Ymholiad Proffesiynol Cenedlaethol (NPEP). Clywodd y Cynghorwyr mai ysgolion yn gwneud eu darn eu hunain o ymchwil, gan weithio gyda'r Prifysgolion a Partneriaeth, oedd y prosiectau hyn.  Roedd canlyniad y rhain hefyd yn cael ei rannu ar Hwb fel y gellid sicrhau budd ehangach. Gofynnodd y Grŵp Cynghorwyr am gael gweld rhai o’r rhain, a byddent yn cael eu cynnwys yn rhaglen waith y Grŵp Cynghorwyr o fis Chwefror 2024 ymlaen.

 

 

 

 

I'w chytuno gan y Grŵp Cynghorwyr Craffu

Cytunodd Grŵp Cynghorwyr Craffu Partneriaeth ar ei gynllun gwaith ar gyfer y 12 mis canlynol, ynghyd â’r diwygiadau i’w gysoni â blaenoriaethau Cynllun Busnes newydd Partneriaeth, a chytunodd i brosiect ymchwil ac ymholi NPEP gael ei gynnwys ym mhob cyfarfod.

I'w chytuno gan y Grŵp Cynghorwyr Craffu

26             Trafod y pwyntiau ar gyfer y llythyr at Gadeirydd Cyd-bwyllgor Partneriaeth a fyddai'n deillio o'r cyfarfod hwn

 

Cytunodd y Grŵp Cynghorwyr Craffu i gynnwys eu barn ar yr eitemau a drafodwyd yn y cyfarfod hwn mewn llythyr at Gadeirydd Cyd-bwyllgor Partneriaeth.

 

 

Daeth y cyfarfod i ben am 11.00 am