Agenda, decisions and minutes

www.abertawe.gov.uk/DatgeluCysylltiadau

 

Yn unol â'r Côd Ymddygiad a fabwysiadwyd gan Ddinas a Sir Abertawe, ni ddatganwyd unrhyw fuddiannau.

 

Cymeradwyo a llofnodi cofnodion y cyfarfod(ydd) blaenorol fel cofnod cywir.

Penderfynwyd cymeradwyo a llofnodi cofnodion Pwyllgor Datblygu Corfforedig yr Economi ac Isadeiledd a gynhaliwyd ar 26 Ionawr 2023 fel cofnod cywir.

 

Cyfeiriodd y Prif Reolwr Adfywio at yr adroddiad a gyflwynwyd i Bwyllgor Datblygu Corfforedig yr Economi ac Isadeiledd (PDC) ym mis Rhagfyr 2022 a oedd yn nodi'r cyd-destun polisi cynllunio ar gyfer ardal datblygu strategol Glannau Afon Tawe a’r Hafod-Morfa, ac a oedd yn adlewyrchu ar y gwaith a wnaed ar Strategaeth Glannau Afon Tawe ddrafft (2019).  Er bod y ddogfen strategaeth ddrafft wedi arwain datblygiad a buddsoddiad anffurfiol yn yr ardal, cytunwyd y byddai adroddiad pellach yn cael ei gyflwyno i'r PDC yn ystod gwanwyn 2023 i ystyried blaenoriaethau, cyfleoedd ariannu, cyflwyniad a chamau nesaf mewn perthynas â chamau gweithredu tymor hwy. 

 

Roedd y prosiectau a nodwyd yn y Strategaeth Glannau Afon Tawe ddrafft wedi'u cynnwys yn y cais Codi'r Gwastad llwyddiannus ar gyfer Cwm Tawe Isaf yn 2023. Mae'r ail adroddiad diweddaru hwn felly yn amlinellu'r prosiectau allweddol a gynhwysir yn y cais ariannu hwnnw, ynghyd â chynnydd hyd yma gyda chynlluniau adfywio eraill yng nghoridor yr afon Tawe. Bwriedir i'r adroddiad fod yn adroddiad dros dro gydag adolygiad pellach o gamau gweithredu a rhaglenni maes o law, ar ddyddiad i'w gytuno.

 

Cyflwynodd y Prif Reolwr Archwilio, gyda chymorth y Rheolwr Datblygu Economaidd a Chyllid Allanol, luniau a chynlluniau mewn perthynas ag:

 

·       Ardal Adfywio Strategol Glannau Afon Tawe.

·       Cais 2023 i Gronfa Codi'r Gwastad mewn perthynas â Chwm Tawe Isaf (prosiectau 1, 2 a 3).

·       Prosiect 1A Gwaith Copr yr Hafod-Morfa: Melin Rholio.

·       Prosiect 1B - Y Labordy.

·       Prosiect 1C - Tai Injan Musgrove a Vivian.

·       Prosiect 2 - Hygyrchedd Mannau Cymunedol a Dŵr

·       Pontynau newydd yn y Morfa a Morfa Road/Glan yr Afon.

·       Prosiect 2 - Bwâu Y Strand

·       Prosiect 3 - Amgueddfa Abertawe

 

Cyfeiriodd y Rheolwr Datblygu Economaidd a Chyllid Allanol at yr amserlenni a manylodd ar y buddion i'r ddinas o ganlyniad i'r cais Codi'r Gwastad.

 

Manylodd y Prif Reolwr Adfywio ar raglen ehangach Gwaith Copr yr Hafod-Morfa a oedd yn cynnwys y cynnig hamdden Ceir Llusg Skyline, Pontŵn yr afon, Ardal Adfywio Morfa Road a Rhodfa Newydd Glan yr Afon, Cwm Tawe Isaf a Llwybrau Treftadaeth yr Hafod-Morfa.

 

Nododd y byddai cyllid Codi'r Gwastad yn rhoi hwb sylweddol i gymorth yn y camau adfywio nesaf ar gyfer nifer o brosiectau ar hyd coridor yr afon. Byddai'r prosiectau hynny'n gweithredu fel catalydd ar gyfer datblygiad ac adfywio pellach yn y man wrth i ni weithio tuag at yr amcan o ddarparu cyrchfan newydd yar gyfer glannau afon Abertawe.

 

        O ran y camau nesaf ar gyfer y prosiect a nodwyd yn y cais Codi'r Gwastad, byddai adnoddau'n cael eu dyrannu i greu dyluniadau a dichonoldeb lle bo angen a byddai rhaglenni'n cael eu datblygu i sicrhau y gellir cyflawni hyn. Roedd y rhain yn feysydd gwaith sylweddol gyda dyddiad gorffen rhagweledig o 31 Mawrth 2025.

 

Roedd angen gwaith pellach i ddatblygu a mireinio'r uwchgynllun ar gyfer Gwaith Copr yr Hafod-Morfa, i ymateb i'r allbynnau o astudiaethau technegol a chynnwys nifer o ofynion datblygu a oedd yn dod i'r amlwg ar gyfer y safle. Byddai'r cyngor yn parhau i weithio gyda phrosiect ceir llusg Skyline ac Urban Splash i sicrhau bod y cynllun yn cyd-fynd ag amcanion cynllunio strategol a chreu lleoedd ac yn ymateb i ymgynghoriad cynlluniedig ac adborth gan randdeiliaid a chymunedau.

 

        Nodwyd nifer o brosiectau eraill yn y Strategaeth Glannau Afon Tawe ddrafft (2019) y gellir eu harchwilio ymhellach, a gall fod mentrau newydd eraill y gellir eu hychwanegu at y cynigion a'r camau gweithredu hyn. Fodd bynnag, byddai problemau adnoddau ac ariannu sy'n golygu y byddai angen ystyried blaenoriaethau cyffredinol ar gyfer y Tîm Adfywio a Chyllid Allanol, a fyddai'n arwain ar gyflwyno nifer o'r rhain ynghyd â'r ymrwymiadau a fydd yn ymddangos o'r cais diweddar a gymeradwywyd gan Gronfa Codi'r Gwastad.

 

        Byddai adroddiad arall yn cael ei gyflwyno i'r PDC yn hwyrach yn y gwanwyn i werthuso'r cwmpas ar gyfer prosiectau eraill ac adrodd yn ôl ar gynnydd gyda phrosiectau Codi'r Gwastad Cwm Tawe Isaf ac adfywio safleoedd allweddol.

 

Roedd trafodaethau'r aelodau'n canolbwyntio ar:

 

·      Lwybr Cerdded Ochr Orllewinol Glan yr Afon - mae gwaith yn parhau mewn perthynas ag ymchwilio'r safle, gwaith dichonoldeb, dyluniadau, caniatâd cynllunio posib, cyllid (wedi'i gynnwys yn Adran 106), gyda thendrau a gwaith adeiladu ar ddiwedd y flwyddyn nesaf.  Bydd Swyddogion yn rhoi'r diweddaraf i'r Pwyllgor maes o law.

·      Llwybr Cerdded Glan yr Afon/ymgynghoriad llwybrau cerdded natur/ymgysylltu â grwpiau buddiant lleol ac ysgolion.

·      Potensial i gynhyrchu refeniw o ganlyniad i brydlesu man masnachol yn yr adeiladau arfaethedig.

·      Cyllid mewn perthynas â'r cynllun Skyline.

·      Y gwaith sensitif o ehangu cyfleusterau storio a mannau arddangos yn Amgueddfa Abertawe i sicrhau bod yr adeilad yn cadw ei swyn wreiddiol.

·      Cyfleoedd i grwpiau buddiant lleol ymgymryd â phrosiectau adfywio ar gyfer darnau o gyfarpar sydd mewn man storio ar hyn o bryd (e.e. peirannau locomotif etc.) 

 

Diolchodd y Cadeirydd i'r Swyddogion am eu cyflwyniad addysgiadol.

 

Penderfynwyd:

 

·       y dylid nodi'r adroddiad; ac

·       y bydd Swyddogion yn datblygu cynllun gweithredu mewn perthynas â blaenoriaethau/gwelliannau a chyfleoedd grant yn y dyfodol.

 

The Chair introduced the ‘for information’ Economy & Infrastructure CDC Work Plan 2022-2023.

 

The topics for discussion at the following meeting were noted:-

 

·       23 March 2023 – Introduction to Swansea Bay Strategy.