Agenda, decisions and minutes

www.abertawe.gov.uk/DatgeluCysylltiadau

Yn unol â'r Côd Ymddygiad a fabwysiadwyd gan Ddinas a Sir Abertawe, ni ddatganwyd unrhyw fuddiannau.

Cymeradwyo a llofnodi cofnodion y cyfarfod(ydd) blaenorol fel cofnod cywir.

Penderfynwyd cymeradwyo a llofnodi cofnodion cyfarfod y Pwyllgor Datblygu Polisi Pobl a gynhaliwyd ar 17 Mawrth 2022 a 24 Mai 2022 fel cofnod cywir.

Nodwyd.

Cyflwynodd Pennaeth Cynllunio ac Adfywio'r Ddinas adroddiad a oedd yn rhoi'r wybodaeth ddiweddaraf i'r Pwyllgor am gynnydd diweddar o ran Amcanion Lles Corfforaethol 'Trawsnewid ein Heconomi a'n Hisadeiledd'.

Nododd yr Aelodau'r cefndir, cyflawni adferiad economaidd tymor hwy a chyflwyno rhaglenni a phrosiectau sy'n ymwneud â'r economi ac isadeiledd.  

Mewn ymateb i gwestiynau'r Aelodau, dywedodd Pennaeth Cynllunio ac Adfywio'r Ddinas,

1)    Mabwysiadwyd y Cynllun Datblygu Economaidd Rhanbarthol yn ddiweddar gan y cyngor a'r cyd-bwyllgor, felly does dim cynlluniau di-oed i gynnal adolygiad.  Mae'r cynllun yn ddogfen 'fyw' a all fod yn ymatebol a hyblyg.

2)    Mae'r cynllun yn adlewyrchu prosiectau sy'n ymwneud â buddsoddwyr mawr.

Penderfynwyd ar y canlynol:

1)    Nodi'r adroddiad.

2)    Datblygu blaengynllun ar gyfer gweithgarwch ar gyfer 2022-2023 i gyd-fynd â chyflawni’r Amcan Lles Corfforaethol.

Trafododd yr Aelodau eitemau posib i'w cynnwys yng nghynllun gwaith 2022-23;

1)    Safleoedd Hydro.

2)    Strategaeth y Bae.

3)    Cynllun Adfer Economaidd Rhanbarthol ac a oedd cynllun yn benodol i Abertawe.

4)    Fferm Drydan/Rhwydweithiau Gwefru.

5)    Cerbydlu Gwyrdd/Cerbydlu Llwyd.

6)    Rhagor o Gartrefi a Datgarboneiddio.

7)    Eiddo Gwag.

8)    Defnydd o oleuadau LED ar gyfer goleuadau stryd.

9)    Y Fargen Ddinesig

10) Lleoedd gwaith a rennir.

11) Economi dim gwastraff.

Dywedodd y Cadeirydd y gall rhai eitemau fod yn gyfrifoldeb ar Bwyllgorau Datblygu Corfforaethol eraill a'i bod yn bwysig osgoi dyblygu.

Penderfynwyd y bydd y Cadeirydd yn trafod yr eitemau posib ymhellach gyda'r Swyddogion a'r Aelodau Cabinet perthnasol.

Nodwyd dyddiadau ac amserau cyfarfodydd y dyfodol.