Lleoliad: O bell drwy Microsoft Teams. Cyfarwyddiadau
Cyswllt: Liz Jordan 01792 637314
Rhif | Eitem |
---|---|
Datgeliadau o fuddiannau personol a rhagfarnol Cofnodion: Ni ddatgelwyd unrhyw fuddiannau. |
|
Gwahardd pleidleisiau Chwip a Datgan Chwipiau'r Pleidiau Cofnodion: Ni wnaethpwyd unrhyw ddatganiadau. |
|
Cwestiynau gan y cyhoedd Rhaid cyflwyno cwestiynau’n ysgrifenedig, cyn hanner dydd ar y diwrnod gwaith cyn y cyfarfod fan bellaf. Rhaid i gwestiynau ymwneud ag eitemau ar yr agenda. Ymdrinnir â chwestiynau o fewn cyfnod 10 munud. Cofnodion: Ni chyflwynwyd unrhyw gwestiynau. |
|
Adroddiad y GWEITHLU PDF 296 KB Gwahoddwyd: David Hopkins, Aelod y Cabinet - Cyflawni
a Gweithrediadau (Y Ddirprwy
Arweinydd) Clive Lloyd, Aelod y Cabinet - Gofal
Cymdeithasol i Oedolion a Gwasanaethau Iechyd Cymunedol Andrea Lewis, Aelod y Cabinet - Cartrefi,
Ynni a Thrawsnewid Gwasanaethau (Y Ddirprwy Arweinydd) Andrew Stevens, Aelod y Cabinet - Trawsnewid
Busnes a Pherfformiad Adam Hill, Cyfarwyddwr Adnoddau Sarah Lackenby, Prif Swyddog Trawsnewid Geoff Bacon, Pennaeth Gwasanaethau Eiddo
Adrian Chard, Rheolwr Adnoddau Dynol Strategol a Datblygu Sefydliadol Cofnodion: Roedd Andrea Lewis, Aelod y Cabinet dros Gartrefi, Ynni a Thrawsnewid
Gwasanaethau a Clive Lloyd, Aelod y Cabinet dros Ofal Cymdeithasol i Oedolion a
Gwasanaethau Iechyd Cymunedol yn bresennol ar gyfer yr eitem hon, ynghyd â
swyddogion perthnasol. Rhoddwyd diweddariad byr gan Sarah Lackenby, y Prif Swyddog
Trawsnewid. Ymatebodd aelodau'r Cabinet a swyddogion i gwestiynau a ddarparwyd gan
aelodau'r gweithgor cyn y cyfarfod ac i gwestiynau pellach a godwyd yn y
cyfarfod. Trafodwyd y prif faterion canlynol: ·
Teimlai'r panel fod mapio'n bwysig a gofynnodd am ddata
gwaelodlin a gwybodaeth gymharol am y 3 blynedd diwethaf, i weld a oedd mwy neu
lai o staff at ei gilydd a lle mae'r newidiadau wedi digwydd. Bydd swyddogion
yn ei ddosbarthu i'r panel. ·
Mae'n ymddangos bod lefelau salwch wedi gostwng. Gwneir rhagor o waith er mwyn ymchwilio i hyn
ymhellach. ·
Llawer o weithgarwch ar gyfer Profi, Olrhain a Diogelu
(POD) a gwirfoddoli. Mae ymateb y
gweithlu i'r argyfwng wedi bod yn wych. Bu’r staff yn awyddus i ymwneud â hyn a
helpu lle’r oeddent yn gallu mewn banciau bwyd etc. ·
Mae Iechyd a Diogelwch wedi
darparu llawer o gymorth er lles y gweithlu.
Anogwyd staff i gymryd gwyliau, yn enwedig o'r haf ymlaen ac mae hyn yn
parhau. Os na all staff gymryd gwyliau gallant gario hyd at 20 diwrnod o wyliau
blynyddol i'w cymryd yn ystod y ddwy flynedd nesaf. ·
Holodd y panel ynghylch ymgysylltiad â'r Undebau Llafur
a’u mewnwelediadau. Nodwyd y cynhaliwyd cyfarfodydd gydag undebau bob wythnos
yn ystod anterth y pandemig ac maent bellach yn cael eu cynnal bob pythefnos.
Codwyd unrhyw faterion ac aethpwyd i'r afael â hwy yn y cyfarfodydd. Daeth
Cyfarwyddwr y Gwasanaethau Cymdeithasol i’r 10 munud cyntaf i ateb cwestiynau
uniongyrchol am y Gwasanaethau Cymdeithasol.
·
Holodd y panel a yw'r staff wedi ei chael hi'n anoddach
gweithio gartref wrth i amser fynd heibio. Nodwyd bod canlyniadau'r arolwg yn
gadarnhaol iawn. Dywedodd 87% eu bod yn
hoffi gweithio gartref. Y bwriad yw mynd ar drywydd hyn gydag arolwg staff
arall ymhen ychydig fisoedd, gan fod cyfyngiadau bellach yn cael eu codi ·
Gofynnodd y panel am y camau y dylai staff eu cymryd os
nad ydynt yn cael cymorth. Nodwyd yn yr arolwg fod 77% o'r staff yn teimlo eu
bod yn gwybod lle i fynd i gael help. Mae ffyrdd gwahanol ar gael. Teimlai
swyddogion y dylai aelodau staff siarad â'u rheolwr llinell yn y lle cyntaf,
neu os ydynt yn teimlo na allant wneud hynny, dylent siarad ag is-adran
Adnoddau Dynol neu gallant gyfeirio'n uniongyrchol at y Gwasanaeth Cymorth
Seicolegol (Cymorth Cyntaf Seicolegol) a chyrchu gwybodaeth ar-lein. ·
Roedd y panel yn pryderu ynghylch a yw staff am weithio
gartref am ei fod yn eu gwneud yn hapus ac yn gyfleus ar gyfer eu ffordd o fyw
neu am fod arnynt ofn mynd allan. Mae'r panel yn teimlo y dylai'r holl staff
gael rhywfaint o gyswllt wyneb yn wyneb â chydweithwyr/rheolwyr a gofynnwyd a
yw hyn yn digwydd. Cadarnhaodd
swyddogion fod 84% wedi dweud yn yr arolwg yr hoffent weithio dau ddiwrnod neu
fwy o gartref ar ôl y pandemig; dywedodd 85% eu bod yn teimlo'n fwy cynhyrchiol
pan maent yn gweithio gartref. Dywedodd swyddogion nad oeddent wedi clywed am
staff hyd yn hyn sy'n ofni mynd allan. Archwilir i hyn yn yr arolwg dilynol. Os
oes yn rhaid i staff fynd i mewn i'r swyddfa, rhaid sicrhau bod ganddynt
amgylchedd diogel. ·
Gofynnodd y panel pryd y bydd swyddfeydd yn ailagor a
chyfarfodydd wyneb yn wyneb yn dechrau eto. Gofynnwyd beth oedd y teimlad cyffredinol
am straen ar staff a phryder ynghylch cyfarfod wyneb yn wyneb, yn enwedig
gyda'r cyhoedd. Cadarnhaodd swyddogion eu bod yn ceisio asesu pa risgiau fydd
yn bodoli ac y byddant yn rhoi mesurau priodol ar waith i sicrhau bod gan staff
gyfarpar priodol a sicrhau y gellir cadw pellter cymdeithasol rhwng yr aelod o
staff a'r cyhoedd. Cofnodir hyn i gyd mewn asesiadau risg a bydd rheolwyr yn
gweithio gyda thimau ar hyn. ·
Trafodwyd straen a phryderon staff ac a yw'r awdurdod yn
cyflogi seicolegwyr yn y Tîm Lles. Teimlai swyddogion ei fod yn rhywbeth y mae
angen ei adolygu ar ôl y pandemig, o dan Gynllunio'r Gweithlu. Mae staff rheng
flaen wedi dweud ei fod yn amhrisiadwy. Mae swyddogion yn credu bod yr awdurdod
yn cyflogi Therapyddion Siarad (nid seicolegwyr) a byddant yn cadarnhau eu rôl
dechnegol y tu allan i'r cyfarfod. Cadarnhaodd swyddogion ei bod yn glir i
reolwyr fod yn rhaid iddynt fod yn ymwybodol o effeithiau posib COVID ar
iechyd, ac os ydynt yn nodi unrhyw broblem bosib, yna dylid ei chyfeirio at iechyd
galwedigaethol fel mater sy'n gysylltiedig â straen. Mae canllawiau hefyd yn
egluro bod angen i reolwyr sicrhau eu bod yn siarad â staff yn rheolaidd. ·
O safbwynt y Gwasanaethau i Oedolion a'r Gwasanaethau
Plant a Theuluoedd, gall y Gwasanaethau Iechyd Galwedigaethol a Chorfforaethol
gynnal Cymorth Cyntaf Seicolegol, a gynigir i staff rheng flaen ym maes gofal
cymdeithasol. Mae'r gyfarwyddiaeth hefyd yn gweithio gyda Chymdeithas y
Gweithwyr Cymdeithasol i lunio pecyn cymorth lles a seicolegol ehangach y gall
staff ei ddefnyddio ar-lein pan fydd angen. ·
O ran brechiadau, cadarnhaodd swyddogion fod staff rheng
flaen mewn meysydd allweddol wedi cael cynnig y brechlyn. Staff Gofal
Cymdeithasol i Oedolion oedd y brif garfan ym mlaenoriaeth dau; Mae 89% wedi derbyn
y dos cyntaf, a 74% wedi derbyn yr ail ddos. Ym maes Addysg, ychwanegwyd staff
ysgol arbenigol at y garfan hon. Dim ond nifer bach iawn sy'n tueddu i beidio â
chael eu brechu. ·
Gofynnodd y panel am staff a
oedd yn cyflawni rôl wyneb yn wyneb â'r cyhoedd cyn y pandemig, a sut mae hyn
yn gweithio nawr gan fod staff yn gweithio gartref. Nodwyd bod hyn yn ddarlun
cymysg. Mae rhai rolau wyneb yn wyneb yn parhau lle mae eu hangen. Cynhelir
asesiadau risg ar gyfer y rhain. Mae
rolau eraill wedi symud i gymorth dros y ffôn ac e-bost lle na all pobl fynd
ar-lein. ·
Holodd aelodau’r panel hefyd
am yr effaith y mae staff sy'n gweithio gartref wedi'i chael ar y cyhoedd gan
eu bod yn teimlo nad oes gan lawer o aelodau'r cyhoedd sgiliau cyfrifiadurol
da. Fe’u hysbyswyd fod Cydlynwyr Ardaloedd Lleol a'r Trydydd Sector wedi gwneud
rhywfaint o waith i roi cefnogaeth uniongyrchol i bobl a oedd yn gorfod symud i
sianeli ar-lein ac yr oedd angen help arnynt. Mae lefelau cynhwysiad digidol yn
eithaf uchel yn Abertawe. Ar ôl y pandemig, mae swyddogion yn gobeithio y bydd
yn ddefnyddiol i bobl hŷn gael gafael ar fwy o wasanaethau dros y
ffôn/ar-lein. ·
Caeodd y Swyddfeydd Tai
Rhanbarthol yn ystod pandemig. O ganlyniad, roedd mwy o breswylwyr yn cysylltu
â'r adran ar-lein. Roedd yr awdurdod yn
gobeithio y byddai hyn yn digwydd. Mae Aelod y Cabinet yn credu ei fod yn
llwyddiant. ·
Mae gan yr awdurdod bolisi
gweithio gartref annibynnol. Caiff ei ddosbarthu i'r panel yn dilyn y cyfarfod.
·
Roedd y panel o'r farn y
gallai llawer o'r staff a oedd yn parhau i weithio drwy'r pandemig fod wedi bod
yn staff asiantaeth neu'n staff ar gontract allanol a gofynnodd a fyddwn yn dod
â'r staff a'r gwasanaethau hynny'n fewnol. Bydd awgrym y panel i gyflogi staff
asiantaeth a fu’n gweithio fel casglwyr sbwriel ac ati yn cael ei drosglwyddo
i'r adran briodol i'w ystyried. ·
Bydd cyflwyno gweithio ystwyth
yn parhau gyda thrafodaethau pellach ar agweddau arno. Mae'r polisi gweithio
ystwyth yn y dyfodol yn mynd y tu hwnt i'r pandemig. ·
Teimlai'r panel yr eir â
hyblygrwydd gweithio gartref weithiau'n rhy bell a bod y cartref yn dod yn lle
gwaith yn lle bod yn gartref. Cadarnhaodd swyddogion y byddai gweithio gartref
yn y dyfodol yn ddewisol. Y cynllun yw cynnig gweithio hyblyg; un o'r lleoliadau
fyddai gweithio gartref. Mae'n benodol i'r swydd; mewn rhai swyddi, nid yw
gweithio gartref yn briodol, oherwydd bod angen cefnogaeth tîm i wneud eu gorau
dros breswylwyr Abertawe. ·
Holodd y panel sut y bydd
staff yn cael eu hannog i gwblhau'r arolwg nesaf ac a fydd yn ddienw er mwyn
galluogi arfarniad da. Cadarnhaodd swyddogion fod yr arolwg cyntaf yn ddienw ac
byddai'r ail un yn dilyn yr un drefn. Roedd yr ymateb yn eithriadol, a chafwyd
llawer o adborth cadarnhaol am weithio gartref. Bydd canlyniadau'r arolwg
nesaf, a gynhelir tua mis Mai, yn cael eu dadansoddi i weld a yw'r farn wedi
newid. |
|
Trafodaeth a Chwestiynau Gofynnir i Gynghorwyr drafod y
casgliadau sy'n codi o'r sesiwn hon i'w cynnwys yn llythyr y Cynullydd at Aelod
y Cabinet: a)
Beth hoffech ei ddweud am y mater hwn wrth
Aelod y Cabinet yn llythyr y Cynullydd (beth yw'ch
casgliadau sy'n codi o'r sesiwn hon)? b)
Oes gennych unrhyw argymhellion sy'n codi o'r
sesiwn hon i Aelod y Cabinet? c)
Oes unrhyw faterion eraill sy'n codi o'r
sesiwn hon yr hoffech dynnu sylw Pwyllgor y Rhaglen Graffu atynt? Cofnodion: Trafododd y gweithgor gynnydd a daeth
at y casgliadau canlynol: 1.
Hoffem ddiolch i a chydnabod gwaith caled ac
ymrwymiad yr holl staff, yr uwch-dîm rheoli a phawb yn y sefydliad, sydd wedi
gweithio mor galed i wneud eu gwaith a chefnogi pobl Abertawe yn ystod cyfnod
anodd iawn. 2.
Roedd y sesiwn friffio'n llawn gwybodaeth ac fe'n sicrhawyd bod yr awdurdod yn gwneud yr hyn a all ei
wneud i gefnogi’i weithlu yn ystod ac ar ôl y pandemig. 3.
Teimlwn fod mapio'n bwysig a gofynnwn i'r
data atodol a'r wybodaeth gymharol y gofynnwyd amdani cyn y cyfarfod gael eu
darparu i'r panel. 4.
Roeddem yn falch o glywed am y gwaith
ymgysylltu helaeth â'r undebau llafur a gobeithiwn y bydd hyn yn parhau yn y
dyfodol. 5.
Rydym yn cefnogi'r ymagwedd o gael polisi
gweithio hyblyg a strategaeth lleoliadau sy'n fwy hyblyg ac sy'n darparu
cydbwysedd gwaith/bywyd, ond sy'n parhau i ddiwallu anghenion preswylwyr
Abertawe. 6.
Rydym yn argymell bod cymorth ar gyfer iechyd
a lles staff yn rhan o weithio gartref a gofynnwn am gopi o'r polisi gweithio
gartref annibynnol. 7.
Rydym wedi awgrymu a hoffem gael sicrwydd y
bydd gweithwyr asiantaeth sydd wedi gweithio drwy'r pandemig
yn cael cynnig swydd gyda'r awdurdod. 8.
O ran cymorth iechyd meddwl, hoffem gael
eglurhad o'r weithdrefn gywir y mae angen i staff ei dilyn, y gwasanaethau y gallant eu defnyddio i gael help a beth sy'n digwydd ar ôl
y cyswllt cychwynnol. Hoffem hefyd weld data ar a) diwrnodau salwch a gymerwyd
am y rheswm hwn, b) a yw pobl yn credu eu bod wedi derbyn cymorth a c) y
gwasanaethau a ddefnyddiwyd ganddynt i gael y cymorth hwn. Nid ydym yn teimlo y
bydd yr arolwg dilynol yn ymdrin â hyn. 9.
Hoffem gael cadarnhad o'r teitl cywir ar
gyfer 'Therapyddion Siarad', os cânt eu cyflogi gan yr awdurdod, ac am eu rôl. 10. Hoffem
gael sicrwydd, os cymerir ymagwedd gymysg, y bydd aelodau o'r cyhoedd nad oes
ganddynt sgiliau cyfrifiadurol da neu sy'n agored i niwed yn cael y cymorth y
mae ei angen arnynt ac y bydd problemau’n cael eu datrys, er enghraifft, bod
galwadau'n cael eu hateb neu'n cael eu trosglwyddo at rywun arall; a bod
problemau ran lanlwytho ffotograffau ar gyfer
deiliaid bathodynnau glas yn cael eu datrys.
11. Byddwn
yn argymell i Bwyllgor y Rhaglen Graffu y cynhelir cyfarfod dilynol o'r
gweithgor hwn ymhen chwe mis, pan fydd canlyniadau'r arolwg dilynol wedi'u
dadansoddi ac y byddwn yn deall yn well yr hyn yw dyfodol yr awdurdod a'i
weithlu.
Yn dilyn y cyfarfod hwn: Caiff llythyr ei ysgrifennu oddi wrth gynullydd y gweithgor
at aelodau'r Cabinet, sy'n crynhoi'r drafodaeth ac yn amlinellu meddyliau ac
argymhellion y gweithgor. |
|
Llythyr at Aelod y Cabinet (cyfarfod 29 Mawrth 2021) PDF 370 KB |
|
Ymateb gan Aelod y Cabinet (cyfarfod 29 Mawrth 2021) |