Agenda a Chofnodion

www.abertawe.gov.uk/DatgeluCysylltiadau

Yn unol â'r Côd Ymddygiad a fabwysiadwyd gan Ddinas a Sir Abertawe, ni ddatganwyd unrhyw fuddiannau.

Yn unol â Mesur Llywodraeth Leol (Cymru) 2011, ni ddatganwyd pleidleisiau chwip na chwipiau'r pleidiau.

Derbyn nodiadau’r cyfarfod(ydd) blaenorol a chytuno eu bod yn gofnod cywir.

Cytunwyd bod cofnodion cyfarfodydd Panel Craffu Perfformiad yr Amgylchedd Naturiol, a gynhaliwyd ar 25 Medi 2019 a 22 Hydref 2019, yn gofnodion cywir.

Rhaid i gwestiynau ymwneud â materion yn rhan agored agenda'r cyfarfod ac ymdrinnir â hwy o fewn cyfnod o 10 munud.

Ni chafwyd unrhyw gwestiynau gan y cyhoedd.

a)              Adroddiad gan Aelod y Cabinet dros yr Amgylchedd a Rheoli Isadeiledd.

b)              Cyflwyniad Allanol gan Dr Rosemary Mason ar y defnydd o glyffosad i reoli chwyn.   

Cafodd y panel drafodaeth ynghylch rheoli chwyn, yn enwedig am ddefnydd y cyngor o glyffosad, sydd wedi bod yn destun trafodaethau cyhoeddus mewn perthynas ag iechyd a diogelwch.

Adroddodd Aelod y Cabinet dros yr Amgylchedd a Rheoli Isadeiledd, ynghyd â'r swyddogion perthnasol, i'r panel am ymagwedd y cyngor a'i weithgareddau mewn perthynas â rheoli chwyn, defnyddio glyffosad a'r heriau o ran dod o hyd i ffyrdd amgen o gyflawni hyn.

Clywodd y panel gan gyfranogwr allanol, Dr. Rosemary Mason, sydd wedi ymgyrchu'n erbyn defnyddio glyffosad. Rhannodd ei phryderon â'r panel o ran defnyddio glyffosad a'i effeithiau peryglus ar iechyd pobl a bioamrywiaeth.

Canolbwyntiwyd ar y canlynol yn ystod y drafodaeth:

·       Chwistrellu chwyn ger priffyrdd, adnoddau a chostau

·       Y Gwasanaeth Parciau (gan gynnwys trin canclwm)

·       Trwyddedu glyffosad

·       Pryderon iechyd

·       Canllaw Llywodraeth Cymru a Chymdeithas Rhagoriaeth mewn Gwasanaeth Cyhoeddus (APSE)

·       Barn y cyhoedd am reoli chwyn

·       Opsiynau eraill yn lle glyffosad

Ystyriodd aelodau'r panel yr wybodaeth a ddarparwyd, gan ofyn cwestiynau, a mynegi'u barn am y ffordd ymlaen. Diolchodd y Cadeirydd iddynt am eu mewnbwn

PENDERFYNWYD y byddai'r panel yn ysgrifennu at Aelod y Cabinet dros yr Amgylchedd a Rheoli Isadeiledd i nodi ei gasgliadau a'i argymhellion ar y mater o reoli chwyn.

a)         Adroddiad gan Aelod y Cabinet dros yr Amgylchedd a Rheoli  

     Isadeiledd.

b)         Rheoli Ansawdd Aer Lleol yng Nghymru - Arweiniad y Polisi

     (Llywodraeth Cymru - Mehefin 2017)

Cafodd y panel drafodaeth ynghylch rheoli llygredd aer fel mater iechyd cyhoeddus difrifol, sydd wedi bod yn bwnc trafod i'r Gweithgor Craffu, a bydd yn fater monitro perfformiad cyson trwy'r panel craffu hwn.

Adroddodd Aelod y Cabinet dros yr Amgylchedd a Rheoli Isadeiledd, ynghyd â'r swyddogion perthnasol, i'r panel am weithgareddau monitro llygredd aer yn Abertawe, a'r camau gweithredu i wella ansawdd aer.

Ystyriodd y panel ganllawiau polisi Llywodraeth Cymru 'Rheoli Ansawdd Aer Lleol yng Nghymru' (cyhoeddwyd Mehefin 2017), a oedd yn darparu pwynt cyfeirio ar gyfer trafod sut mae'r cyngor yn gweithio i wella ansawdd aer, iechyd pobl ac ansawdd bywyd yn Abertawe.

Canolbwyntiwyd ar y canlynol yn ystod y drafodaeth:

·       Monitro ansawdd aer a chydymffurfio â Safonau Ansawdd Aer Cenedlaethol

·       Lefelau mesuredig o Nitrogen Deuocsid (NO₂), gan gynnwys monitro o gwmpas ysgolion

·       Cyfraniad tagfeydd traffig i lefelau llygredd aer a sŵn

·       Problem cerbydau dan gontract (coetsys/tacsis, etc.) Rhieni sy'n parcio y tu allan i ysgolion gyda'r motor ymlaen a'r effaith ar iechyd plant

·       Diwylliant ceir, safon cludiant cyhoeddus a chynnydd mewn gwaith adeiladu tai

·       Defnyddio cerbydau electrig

·       Sut mae diwydiant yn Abertawe a'r ardal yn cyfrannu at lygredd aer, a'r drefn arolygu a monitro sydd ar waith

·       Cysylltiad rhwng llygredd aer ac amddifadedd/anghydraddoldebau iechyd

·       Pwysigrwydd isadeiledd gwyrdd wrth helpu i leihau effeithiau niweidiol llygredd aer a sŵn

·       Cynllun Gweithredu Ansawdd Aer y cyngor

·       Y camau gweithredu a gymerwyd i wella ansawdd aer a lleihau cysylltiad â llygredd aer

·       Ymgysylltu â'r cyhoedd a negeseuon ynghylch ansawdd aer

·       Cyfleoedd sy'n codi o Ddiwrnod Aer Glân y DU ar 18 Mehefin 2020, ymgyrch llygredd aer fwyaf y DU

·       Cronfa Grant Teithio Llesol Llywodraeth Cymru

·       Safbwynt y cyngor mewn perthynas â chanllawiau polisi Llywodraeth Cymru

·       Cynllun Aer Glân i Gymru Llywodraeth Cymru, a'r ymagwedd at leihau llygredd aer yng Nghymru, yr ymgynghorir arno tan 10 Mawrth 2020

Ystyriodd aelodau'r panel yr wybodaeth a ddarparwyd, gan ofyn cwestiynau, a mynegi'u barn am y ffordd ymlaen. Diolchodd y Cadeirydd iddynt am eu mewnbwn

PENDERFYNWYD y byddai'r panel yn ysgrifennu at Aelod y Cabinet dros yr Amgylchedd a Rheoli Isadeiledd i nodi ei gasgliadau a'i argymhellion ar y mater o reoli llygredd aer.

Cyfarfod y Panel 25 Medi 2019:

a)       Llythyr at/oddi wrth Aelod y Cabinet dros Gyflwyno a

Pherfformiad

b)       Llythyr at/oddi wrth Weinidog yr Amgylchedd, Ynni a Materion Gwledig – Llywodraeth Cymru

c)       Gohebiaeth ag Aelod y Cabinet dros Wella Addysg, Dysgu a Sgiliau.

Derbyniodd y panel yr ohebiaeth a anfonwyd gan y panel a'r ymatebion a dderbyniwyd yn dilyn cyfarfod y panel ar 25 Medi 2019:

·       Llythyr at/oddi wrth Aelod y Cabinet dros Drawsnewid a Pherfformiad.

·       Llythyr at/oddi wrth Weinidog Llywodraeth Cymru dros yr Amgylchedd, Ynni a Materion Gwledig

·       Gohebiaeth ag Aelod y Cabinet dros Wella Addysg, Dysgu a Sgiliau

Nodwyd cynllun gwaith y panel ar gyfer y flwyddyn ddinesig hon. Nodwyd y canlynol fel eitemau i'w monitro ar gyfer cyfarfod nesaf y panel, a drefnir ar gyfer mis Mawrth 2020:

·       Gwaith dilynol - Ymholiad Craffu ar yr Amgylchedd Naturiol

·       Rheoli Perygl Llifogydd Lleol

Nodwyd yr adroddiad.