Agenda a Chofnodion
Lleoliad: Ystafell Bwyllgor 6 - Neuadd y Ddinas, Abertawe. Cyfarwyddiadau
Cyswllt: Gwasanaethau Democrataidd - (01792) 636923
Rhif | Eitem |
---|---|
Ymddiheuriadau am absenoldeb. Cofnodion: Croesawodd Roger
Thomas, yr Is-Gadeirydd, bawb i'r cyfarfod ac esboniodd fod y Cynghorydd Clive
Lloyd (Cadeirydd) wedi'i alw i ffwrdd ar fyr rybudd. Cyflwynwyd y rheini a oedd yn bresennol. |
|
Datgeliadau o fuddiannau personol a rhagfarnol. Cofnodion: Ni ddatganwyd
unrhyw gysylltiadau. |
|
Cymeradwyo a llofnodi cofnodion y cyfarfod(ydd) blaenorol fel cofnod cywir. Cofnodion: Cytunwyd y dylid cymeradwyo a llofnodi cofnodion
cyfarfod Grŵp Partneriaeth Bwrdd Gwasanaethau Cyhoeddus Abertawe a
gynhaliwyd ar 20 Mehefin 2019 fel cofnod cywir. Materion a
godwyd: Cofnod Rhif 10 -
Partneriaeth Abertawe Mwy Diogel Holodd
Comisiynydd yr Heddlu a Throseddu am y dull adrodd rhwng Partneriaeth Abertawe
Mwy Diogel a'r BGC am nad oedd Bwrdd Diogelwch Cymunedol yn Abertawe. Ymatebodd
Adam Hill drwy ddweud bod y Bartneriaeth Diogelwch Cymunedol yn adrodd drwy
ffrwd waith Cymunedau'n Gryf, yna drwy'r BGC ac yna Bartneriaeth Abertawe Mwy
Diogel a'r Grŵp Digwyddiadau Tyngedfennol ac yn ôl i'r BGC i sicrhau y
cyflenwir yr 'Edau Euraidd'. Cofnod 19 -
Unrhyw Fater Arall Gwnaed y sylw bod angen fwy o reswm dros godi'r mater hwn er mwyn gwella
dulliau cyfathrebu rhwng partneriaid ar gyfer y digwyddiadau hynny yn Abertawe
lle bo angen cau ffyrdd neu roi cyfyngiadau arnynt. Byddai hyn yn helpu apwyntiadau a drefnir
ymlaen llaw yn ogystal ag argyfyngau yn Ysbyty Singleton,
gan gynnwys mynediad ar gyfer ambiwlansys.
O ganlyniad, byddai'r holl gyfathrebiad rhwng partneriaid yn cynnwys
dolenni i dudalen digwyddiadau Abertawe er mwyn sicrhau bod partneriaid yn cael
digon o rybudd cyn digwyddiadau perthnasol. Cam Gweithredu: Partneriaid i sicrhau eu bod yn edrych ar dudalen digwyddiadau Abertawe yn rheolaidd i gael y newyddion diweddaraf. |
|
Amlygu Adroddiadau ar Lifoedd Gwaith yr Amcan Lles. (gan gynnwys cofnod o risgiau) PDF 495 KB ·
Y
Blynyddoedd Cynnar - Bwrdd Iechyd Prifysgol Bae Abertawe; ·
Byw'n
Dda, Henediddio'n Dda - Adam Hill, Cyngor Abertawe; ·
Gweithio
gyda Natur - Martyn Evans, Cyfoeth Naturiol Cymru; · Cymunedau Cryfach - Roger Thomas, Gwasanaeth Tân ac Achub Canolbarth a Gorllewin Cymru. Dogfennau ychwanegol:
Cofnodion: Amlygwyd y
diweddaraf o'r adroddiad a darparwyd cofnodion risgiau'r canlynol: ·
Y
Blynyddoedd Cynnar - Bwrdd Iechyd Prifysgol Bae Abertawe (diweddariad a
ddarparwyd gan Joanne Abbott-Davies;) Camau gweithredu: 1)
Nodi
arweinydd ar gyfer Grŵp Llywio Strategaeth Comisiynu'r Blynyddoedd Cynnar
yn dilyn ymddeoliad Andrew Davies; 2)
Darparu
cefnogaeth strategol ar gyfer gweithlu'r BGC i hyrwyddo ymgyrch 'Dechrau
Gorau'; 3)
Trafod
materion cyllideb staff iechyd gyda Jig-so, archwilio'r math o gefnogaeth y
gall y BGC ei darparu i sicrhau bod y prosiect hwn yn parhau; 4)
Hyfforddiant
arbenigol sy'n cefnogi'r sector i ddeall plant ag ADY o fewn y ddarpariaeth, i fynd
i'r afael â hwy ac i'w cefnogi; 5)
Bod
yn hyderus bod yr atgyfeiriadau i gefnogaeth arbenigol yn gallu gwrthsefyll
cynnydd posib yn nifer y plant y nodwyd bod ganddynt ADY e.e. cyn tair oed. ·
Byw'n
Dda, Heneiddio'n Dda - Adam Hill, Cyngor Abertawe; Camau gweithredu: 1)
Ydy'r
BGC yn gallu ystyried symud Newid Diwylliant a Chyfranogaeth i thema
drawsbynciol ar draws y 4 amcan? Ar hyn
o bryd mae'n sefyll o fewn amcan Byw'n Dda Heneiddio'n Dda ac argymhellwyd yn
gryf gan bawb a oedd yn bresennol yn y gweithdy amcan Byw'n Dda Heneiddio'n Dda
fod hwn yn amcan a fyddai'n amlwg ar hyd holl waith y BGC; 2)
Ydy'r
BGC yn gallu archwilio sut olwg fyddai ar 'City for All' gan gymryd ymagwedd
sy'n seiliedig ar hawliau a sut byddai'r berthynas rhwng mentrau penodol megis
Dinasoedd sy'n Gyfeillgar i Oed, Dinasoedd Chwareus, Dinas Noddfa, Dinasoedd Rhyngddiwylliannol, Dinas Diwylliant, Dinas Hawliau Dynoll, er enghraifft? Yn y gweithdy, soniwyd am y rhain yn
aml fel negeseuon cymhleth ac anghyson i bartneriaid a dinasyddion. ·
Gweithio
gyda Natur – Martyn Evans, Cyfoeth Naturiol Cymru Cynhaliwyd trafodaethau ynghylch y
gwaith a wnaed, yn enwedig y Strategaeth Isadeiledd Gwyrdd y gellid ei
defnyddio fel enghraifft o waith da y BGC yn y gorffennol. Yn ogystal, plannwyd coed ym Mhen-lan fel
canlyniad uniongyrchol i'r trafodaethau a gynhaliwyd yn y BGC. Cynhaliwyd Cam 1 cynllun ar y cyd gyda CNC a
Chyngor Bwrdeistref Sirol Sir Penfro ar newid yn yr hinsawdd. Byddai cyfle i Abertawe a Chastell-nedd Port
Talbot fod yn rhan o Gam 2. Byddai
manylion ychwanegol yn cael eu darparu maes o law. Camau gweithredu: 1)
Ymrwymiad
ehangach gyda thema Gweithio gyda Natur; 2)
Martyn
Evans i ddarparu ragor o wybodaeth am Gam 2 y cynllun Newid yn yr Hinsawdd maes
o law. ·
Cymunedau
Cryfach - Roger Thomas, Gwasanaeth Tân ac Achub Canolbarth a Gorllewin Cymru. Camau gweithredu: 1)
Partneriaid
y BGC i sicrhau presenoldeb priodol yn y cyfarfodydd, h.y. y rheini sy'n
bresennol a chanddynt yr awdurdod i wneud penderfyniadau ar ran eu sefydliadau perthnasol; 2)
Y BGC
i sicrhau bod y rheini sy'n gyfrifol am y camau gweithredu'n ymrwymo i
gyflwyno'r camau gweithredu cytunedig o fewn y cynllun. Camau
gweithredu eraill a godwyd: 1) Awgrymwyd
hefyd y dylai'r grŵp o 4 o swyddogion arweiniol gwrdd yn fwy rheolaidd. 2) Joanne
Abbott-Davies i roi gwybod i Steve Davies am enw cynrychiolydd GIG ar gyfer
ffrwd waith Cymunedau Cryf.
Cynrychiolydd i fod yn bresennol yng nghyfarfod nesaf y ffrwd waith ar
24 Medi. 3) Eitem
Dinasoedd Iach hefyd i'w chynnwys yn eitem 'Dinas i Bawb'. Eglurwyd nad oes
angen i'r arweinydd strategol ar gyfer y ffrwd waith fod yn aelod o'r BGC. Byddai'r BGC yn pennu'r cyfeiriad strategol
ac yn adrodd yn ôl i bob un o'r 4 o arweinwyr strategol. Cydnabuwyd mai dyma'r
tro cyntaf i bartneriaid gwblhau'r ffurflenni hyn ac roeddent yn dal i ddysgu
am yr hyn y dylid ei gynnwys/eithrio.
Byddai enghraifft o ffurflen wedi'i chwblhau'n dda yn cael ei
chylchredeg maes o law. Tynnodd
Comisiynydd yr Heddlu a Throseddu sylw at y gwaith parhaus ac roedd yn awyddus
i ddeall sut y byddai hyn yn bwydo i mewn i waith strategol y BGC a sut y
gellid arwain y camau gweithredu wrth fynd ymlaen: ·
Camau
cynnar gyda'n gilydd - rôl gadarnhaol yn y gymuned; ·
Gwaith
Digwyddiadau Tyngedfennol - parhaus; ·
Agenda
Trosedd - Llywodraeth y DU wedi dyrannu £880,000 i'w ddefnyddio ar gyfer
ymyrryd yn gynnar a buddion tymor hir.
Byddai strategaeth Trais yn erbyn Menywod a Merched 4 blwyddyn ar y cyd
hefyd yn cael ei lansio; ·
Rhaglen
IRIS (hyfforddi staff meddygfeydd ynghylch trais); ·
Prosiect
Drive (Merthyr a Chaerdydd) - herio tramgwyddwyr. Nododd Adam Hill,
lle y bo'n berthnasol, y byddai'r ffrwd waith yn codi unrhyw gamau gweithredu
perthnasol. Fodd bynnag, os oedd
rhywbeth penodol i'w drafod mewn mwy o fanylder, gellid ychwanegu'r eitem at yr
agenda (gyda chymeradwyaeth gan y Cadeirydd) a chael adroddiad wedi'i ddrafftio
gan y partner/cyfranogwr a wahoddwyd perthnasol. Byddai'r
Grŵp Digwyddiadau Tyngedfennol yn cael ei gynnal ar 19 Medi a bydd yn
canolbwyntio ar y cynllun gweithredu.
Grŵp Tasg a Gorffen 1 flwyddyn yw hwn. Byddai Adamk Hill
yn darparu diweddariad yn y cyfarfod nesaf.
Tynnwyd sylw hefyd at Stryd Fawr Abertawe, sydd wedi'i henwebu ar gyfer gwobr Stryd Fawr Orau Prydain. |
|
Camau Gweithredu'r Cydbwyllgor/Cofnod o Faterion PDF 281 KB Cadeirydd Cofnodion: Cyflwynodd Adam
Hill y cofnod Camau Gweithredu'r Cydbwyllgor/Cofnod o Faterion. Tynnodd sylw at
ID 01 mewn perthynas â'r camau gweithredu ar gyfer pob un o'r ffrydiau gwaith a
fyddai'n datrys ei hun oherwydd y trefniadau llywodraethu diwygiedig. Trafododd y
pwyllgor sut y gallent wella canlyniadau drwy weithio gyda'i gilydd ar
'ataliaeth', i arbed arian ar gyfer partneriaid yn y dyfodol ac i geisio
lleihau galw ar wasanaethau. Yn ogystal, roedd
BGC Abertawe eisoes yn gweithio gyda CNPT i geisio lleihau'r baich gwaith a
dyblygu drwy drefnu cyfarfodydd olynol fel bod yr holl bartneriaid yn yr un
lleoliad ar gyfer sawl cyfarfod ar yr un dydd.
Byddai hefyd yn parhau i weithio'n agos gyda Bwrdd Rhanbarthol Gorllewin
Morgannwg. Trafodwyd hefyd y defnydd o dechnoleg, e.e. Skype a fideo-gynadledda i gynorthwyo partneriaid er mwyn gwneud gwaith yn gynt ac i leihau pwysau amser dyddiaduron sydd eisoes yn llawn (gan gynnwys teithio). |
|
Cynllun Gwaith y Bwrdd Gwasanaethau Cyhoeddus ar gyfer y Dyfodol (Trafodaeth lafar) · Cyllidebau wedi'u Cronni (Trafodaeth Lafar) - Adam Hill, Cyngor Abertawe Cofnodion: Adroddodd Adam
Hill nad oedd y partneriaid mewn sefyllfa ar hyn o bryd i drafod cyllidebau
cyfun nes bod eglurhad ynghylch camau gweithredu penodol. Byddai hefyd angen iddynt ystyried rheoli'r
arian a'r cyfrifoldeb dros gyflwyno'r camau gweithredu. Camau
gweithredu: 1) Adam Hill i gyflwyno papur i gyfarfod y BGC yn y dyfodol ar gyllidebau cyfun. |
|
Cymru Ein Dyfodol - Cyfrannu at Adroddiad Cenedlaethau'r Dyfodol 2020. PDF 113 KB Cadeirydd Cofnodion: Adroddodd Adam
Hill fod gohebiaeth wedi'i chylchredeg i bartneriaid mewn perthynas â'r
ymgynghoriad gan Adroddiad Cenedlaethau'r Dyfodol 2020 'Cymru ein Dyfodol/Our Future Wales'. Ceisir barn y
Byrddau Gwasanaethau Cyhoeddus a Phwyllgorau Craffu'r BGC er mwyn ei fwydo i
sgwrs a fyddai'n hysbysu Adroddiad Cenedlaethau'r Dyfodol 2020. Cam
Gweithredu: 1) Partneriaid i gyflwyno eu sylwadau/barn i'r Swyddog Cefnogi BGC a byddai ymateb yn cael ei ddrafftio i'w ystyried yn y cyfarfod nesaf. |
|
Cynnal y Fforwm Partneriaeth - 8 Hydref 2019. (Llafar) Cadeirydd Cofnodion: Gofynnodd Adam
Hill i bartneriaid ystyried cynnal y Fforwm Partneriaeth cyntaf ar brynhawn 8
Hydref 2019. Byddai angen i'r lleoliad allu
lletya oddeutu 100 o bobl ac am nad oedd unrhyw gyllideb ar gyfer hurio
ystafell, byddai angen ystafell sydd ar gael am ddim. Awgrymodd Joanne
Abbott-Davies Ganolfan Addysg Treforys, fodd bynnag byddai angen iddi wirio
argaeledd/trefniadau parcio ceir.
Awgrymwyd lleoliadau eraill hefyd megis Caban y Sgowtiaid Brynmill, Prifysgol Abertawe. Cam
Gweithredu: 1) Partneriaid i ddarparu unrhyw opsiwn arall i'r Swyddog Cefnogi BGC. |
|
Eitemau agenda'r dyfodol. Cofnodion: Nododd Adam Hill
y dylid cynnwys Amser Cwestiynau gan y Cyhoedd ar bob agenda yn y dyfodol gan
fod Cyd-bwyllgor Bwrdd Gwasanaethau Cyhoeddus Abertawe yn agored i'r cyhoedd. Cam
Gweithredu: 1) Ychwanegu Amser Cwestiynau gan y Cyhoedd at agendâu Cyd-bwyllgor Bwrdd Gwasanaethau Cyhoeddus Abertawe yn y dyfodol. |