Agenda, decisions and minutes

www.abertawe.gov.uk/DatgeluCysylltiadau

Dim.

Ni dderbyniwyd unrhyw ddatganiadau o fuddiannau.

Cymeradwyo a llofnodi, fel cofnod cywir, gofnodion y cyfarfod blaenorol.

Cymeradwywyd.

Penderfynwyd cymeradwyo a llofnodi cofnodion cyfarfod Bwrdd Gwasanaethau Cyhoeddus Abertawe a gynhaliwyd ar 10 Hydref 2024 fel cofnod cywir.

Gellir cyflwyno cwestiynau’n ysgrifenedig i’r Gwasanaethau Democrataidd Democratiaeth@abertawe.gov.uk hyd at ganol dydd y diwrnod cyn y cyfarfod. Bydd cwestiynau ysgrifenedig yn cael eu blaenoriaethu. Gall y cyhoedd ddod a gofyn cwestiynau’n uniongyrchol os bydd amser.  Rhaid i gwestiynau fod yn berthnasol i’r eitemau ar ran agored yr agenda ac ymdrinnir â nhw o fewn cyfnod o 10 munud.

Dim.

Ni chafwyd cwestiynau gan y cyhoedd.

· Trawsnewid gwasanaethau’r blynyddoedd cynnar ar draws Abertawe (Karen Stapleton, Bwrdd Iechyd Prifysgol Bae Abertawe)

· Adeiladu ar Abertawe fel Dinas Hawliau Dynol (Ness Young, Cyngor Abertawe)

· Gweithio tuag at darged sero-net ac adferiad natur Abertawe (Hywel Manley/Jane Richmond, Cyfoeth Naturiol Cymru)

· Gwneud Abertawe’n fwy diogel, yn fwy cydlynol ac yn ffyniannus (David Morgans, Gwasanaeth Tân ac Achub Canolbarth a Gorllewin Cymru)

· Datblygu cynnig diwylliannol integredig Abertawe Mark Wade, Cyngor Abertawe)

· Dylanwadu ar drefniadau llywodraethu eraill ar draws rhanbarth Bae Abertawe, a chysylltu â hwy (Ness Young, Cyngor Abertawe)

· Gwella ansawdd a hygyrchedd data ar draws rhanbarth Bae Abertawe (Ness Young, Cyngor Abertawe)

· Datblygu trefniadau rheoli perfformiad BGC Abertawe (Ness Young, Cyngor Abertawe)

Nodwyd.

Darparodd pob un o’r partneriaid ddiweddariad ysgrifenedig a llafar ar yr 8 cam yng Nghynllun Gweithredu BGC 2024/25:

·         Trawsnewid gwasanaethau'r Blynyddoedd Cynnar ar draws Abertawe.

(Karen Stapleton, BIPBA)

·          Adeiladu ar Abertawe fel Dinas Hawliau Dynol.

(Ness Young, Cyngor Abertawe)

·          Gweithio tuag at darged sero net Abertawe ac adfer natur.

(Jane Richmond, Cyngor Abertawe)

·          Gwneud Abertawe'n fwy diogel, yn fwy cydlynol ac yn fwy ffyniannus

(Roger Thomas, Gwasanaeth Tân ac Achub CGC)

·          Datblygu Cynnig Diwylliannol Integredig Abertawe

(Mark Wade, Cyngor Abertawe)

·          Dylanwadu ar drefniadau llywodraethu eraill ar draws rhanbarth Bae Abertawe a chysylltu â hwy

(Ness Young, Cyngor Abertawe)

·         Gwella ansawdd a hygyrchedd data ar draws rhanbarth Bae Abertawe

          (Ness Young, Cyngor Abertawe)

·         Datblygu trefniadau rheoli perfformiad BGC Abertawe

(Ness Young, Cyngor Abertawe)

Penderfynwyd bod y Bwrdd Gwasanaethau Cyhoeddus:

1) Yn nodi'r diweddariadau.

Cytunwyd.

Esboniodd Ness Young o Gyngor Abertawe fod y Cadeirydd wedi ysgrifennu at gadeiryddion partneriaethau eraill yn y rhanbarth er mwyn ceisio eu sylwadau ar adroddiad o'r enw "Adolygiad Llywodraethu mewn Partneriaeth BGC Abertawe", a oedd yn trafod sut mae partneriaethau amrywiol yn cydweithio ar draws rhanbarth Bae Abertawe.

Gwnaeth yr adroddiad archwilio llywodraethu partneriaethau allweddol, gan gynnwys Bwrdd Gwasanaethau Cyhoeddus (BGC) Abertawe, y Bwrdd Partneriaeth Rhanbarthol, y Bwrdd Cynllunio Ardal a Phartneriaeth Abertawe Mwy Diogel, gan nodi rolau llywodraethu, cyfleoedd cydweithio a meysydd lle ceir dyblygiad neu fylchau, yn enwedig o ran iechyd, lles, diogelwch cymunedol a chamddefnyddio sylweddau.

Disgwylir atebion yn fuan oddi wrth y Bwrdd Partneriaeth Rhanbarthol a Phartneriaeth Abertawe Mwy Diogel, y disgwylir iddynt fod yn gadarnhaol mewn egwyddor.

Penderfynwyd gweithredu'r argymhellion y manylwyd arnynt yn yr adroddiad â'r partneriaethau eraill yn y rhanbarth yn destun cymeradwyaeth ffurfiol gan bob un o'r partneriaid.

Nodwyd.

Bydd Cyfoeth Naturiol Cymru yn cynnal y digwyddiad 'Cerdded yn ein 'sgidiau ni' nesaf. Awgrymodd Hywel Manley y caiff y digwyddiad ei drefnu ar gyfer rhywbryd ym mis Mai 2025 a fyddai'n yn canolbwyntio ar fonitro ansawdd dŵr yn y labordy yn Singleton, Abertawe, ynghyd â rheoli ystadau.

Byddai manylion ychwanegol yn cael eu rhannu maes o law.

Nodwyd.

Atgoffodd Ness Young, Cyngor Abertawe, yr aelodau y disgwylir i'r Adroddiad Blynyddol ar gyfer 2024/2025 gael ei ddrafftio. Mae'r adroddiad yn cynnwys y diweddariadau a ddarparwyd yn y cyfarfod heddiw, ynghyd â mewnbwn pellach oddi wrth arweinwyr strategol. Cynigiodd y cyflwynir drafft cychwynnol yng nghyfarfod anffurfiol y BGC ar 17 Mawrth ac yna yng nghyfarfod ffurfiol nesaf y BGC ar 10 Ebrill 2025.

Gofynnodd i aelodau ystyried a ddylid creu fideo fel a wnaed ar gyfer adroddiad 2023/2024, yn ogystal ag ystyried ffyrdd o wella hygyrchedd yr adroddiad.

Er gwybodaeth.

Cyflwynwyd adroddiad 'er gwybodaeth' a oedd yn amlinellu'r llythyr oddi wrth Gadeirydd Pwyllgor y Rhaglen Graffu at Gadeirydd y BGC yn dilyn cyfarfod y Pwyllgor Craffu ar 19 Tachwedd 2024 i'r BGC, ynghyd â chyngor ynghylch sut yr ymdriniwyd â'r pwyntiau a godwyd yn y llythyr.

Penderfynwyd y canlynol:

1)       Bydd Leanne Ahern yn anfon dyddiad cyfarfod nesaf Pwyllgor y Rhaglen Graffu â'r BGC at yr holl bartneriaid statudol;

2)       Gwahodd aelodau Pwyllgor y Rhaglen Graffu i ddigwyddiadau'r BGC yn y dyfodol er mwyn hyrwyddo gweithio ar y cyd.