Agenda a Chofnodion

www.abertawe.gov.uk/DatgeluCysylltiadau

Yn unol â'r Côd Ymddygiad a fabwysiadwyd gan Ddinas a Sir Abertawe, ni ddatganwyd unrhyw fuddiannau.

Cymeradwyo a llofnodi, fel cofnod cywir, gofnodion y cyfarfod blaenorol.

Penderfynwyd  llofnodi a chymeradwyo'r cofnodion canlynol o gyfarfod Cyd-bwyllgor Dinas-ranbarth Bae Abertawe fel cofnod cywir:

 

1)              7 Rhagfyr 2020.

Ni wnaed unrhyw gyhoeddiadau gan y Cadeirydd.

Rhaid cyflwyno cwestiynau’n ysgrifenedig, cyn hanner dydd ar y diwrnod gwaith cyn y cyfarfod fan bellaf. Rhaid i gwestiynau ymwneud ag eitemau ar yr agenda. Ymdrinnir â chwestiynau o fewn cyfnod 10 munud.

Ni chafwyd cwestiynau gan y cyhoedd.

Cyflwynodd Swyddog Adran 151 y Cydbwyllgor (Chris Moore) adroddiad a oedd yn ceisio cymeradwyaeth ar gyfer Llythyr Dyfarnu Cyllid Llywodraeth y DU a Llywodraeth Cymru a Thelerau ac Amodau cysylltiedig.

 

Penderfynwyd cymeradwyo Llythyr Dyfarnu Cyllid Llywodraeth y DU a Llywodraeth Cymru a Thelerau ac Amodau cysylltiedig fel y'u hatodir yn Atodiad A i'r adroddiad yn amodol ar gymeradwyaeth y pedwar awdurdod cyfansoddol.

Cyflwynodd Cyfarwyddwr Rhaglen Dinas-ranbarth Bae Abertawe (Jonathan Burnes) adroddiad a oedd yn rhoi'r wybodaeth ddiweddaraf am y cynnydd a wnaed ar y Cynllun Gweithredu mewn ymateb i Adolygiad y Swyddog Cyfrifyddu ac argymhellion Adolygiad Porth 0.

 

Penderfynwyd cofnodi'r wybodaeth ddiweddaraf.

Rhoddodd Cyfarwyddwr Rhaglen Dinas-ranbarth Bae Abertawe (Jonathan Burnes) yr wybodaeth ddiweddaraf am Raglenni/Brosiectau Bargen Ddinesig Bae Abertawe:

 

Isadeiledd digidol

i)                Cyflwynwyd Achos Busnes i'w gymeradwyo gan Weinidogion ar 18 Rhagfyr 2020 gyda'r holl ddogfennau ategol. Rydym yn aros am adborth.

ii)               Rydym am recriwtio adnodd ar gyfer y Rhaglen Isadeiledd Digidol a gwasanaethau proffesiynol ar gyfer rhai o'r ffrydiau gwaith. Cyflwynir ceisiadau am gyllid i ategu/ ychwanegu at yr hyn sy'n cael ei gyflwyno.

 

Sgiliau a Doniau

i)                Caiff newidiadau i'r Achos Busnes yn dilyn adolygiadau allanol eu cyflwyno yng nghyfarfod y Bwrdd Portffolio ar 26 Ionawr 2021.

ii)               Cynhelir gweithdy Gwersi a Ddysgwyd ym mis Ionawr 2021.

iii)             Cynhaliwyd cyfarfod gyda datblygwr sector preifat sy'n awyddus i adeiladu tai gyda'r model Cartrefi fel Gorsafoedd Pŵer (HAPS) i rannu canolfan wybodaeth HAPS.

iv)             Dechreuir recriwtio cymorth ar gyfer y Rheolwr Prosiect (PM) yn gynnar ym mis Chwefror 2021

 

Ardal Ddigidol Dinas Abertawe a'r Glannau

i)                Mae gwaith adeiladu'r arena yn mynd rhagddo.

ii)               Mae cynigwyr wedi gofyn am estyniad i gyflwyno ymatebion i’r tendr adeiladu ar gyfer 71/72 Ffordd y Brenin y disgwylir iddo gau yn ystod yr ychydig wythnosau nesaf. Edrychir o hyd ar ddyddiad adrodd ym mis Mawrth 2021.

iii)             Trafodaethau parhaus ynghylch gosodiadau ar gyfer 71/72 Ffordd y Brenin. Cafwyd diddordeb cadarnhaol gan fusnesau. Disgwylir i benderfyniad y Cabinet ym mis Mawrth 2021 symud y cynllun yn ei flaen.

iv)             Mae'r cais cynllunio ar gyfer Pentref Blychau'n mynd rhagddo a disgwylir iddo gael ei gyflwyno ym mis Chwefror 2021.

 

Pentre Awel

i)                Cyflwynwyd Achos Busnes i'w gymeradwyo gan Weinidogion ar 13 Tachwedd 2020.

ii)               Rydym yn aros am gymeradwyaeth gan Lywodraeth Cymru/y DU.

iii)             Byddwn yn cael rhywfaint o adborth cychwynnol yr wythnos nesaf fel y gallwn ddechrau symud ymlaen i'r cam datblygu cyn cael cymeradwyaeth ffurfiol.

 

Prosiect Morol Doc Penfro

i)                Mae trafodaethau'n parhau rhwng Awdurdod Porthladd Aberdaugleddau (MHPA) a Chyngor Sir Penfro ynghylch y cytundeb ariannu a newidiadau i weithgarwch y prosiect oherwydd oedi wrth gyflawni’r prosiect.

ii)               Rydym yn gobeithio am gytundeb/lofnodiad yn y dyddiau nesaf a'r bwriad yw y bydd Cyngor Sir Penfro'n cymeradwyo'r allbynnau, y canlyniadau a'r effeithiau'n lleol yn unol â'r cytundeb dyfarnu cyllid gan nad oes unrhyw effaith andwyol ar fuddion y portffolio.

 

Cefnogi Arloesedd a Thwf Carbon Isel

i)                Cyflwynwyd Achos Busnes yn anffurfiol i'r Swyddfa Rheoli Portffolio (PoMO) ar gyfer sylwadau ym mis Rhagfyr 2020. Disgwylir ei gyflwyno’n ffurfiol i'w adolygu ar 1 Chwefror 2021.

ii)               Rydym yn gweithio gydag economydd i adolygu'r Achos Economaidd yn unol â'r Llyfr Gwyrdd diwygiedig.

iii)             Disgwylir mynd i gyfarfod y Bwrdd Strategaeth Economaidd (BSE) ym mis Chwefror 2021 i roi'r wybodaeth ddiweddaraf am gynnydd.

 

Campysau Gwyddorau Bywyd a Lles

i)                Cyflwynwyd Achos Busnes Amlinellol yn anffurfiol i'r Swyddfa Rheoli Portffolio (PoMO) ym mis Rhagfyr 2020 er mwyn cael adborth arno.

ii)               Parheir i ymgysylltu â’r ymgynghorwyr a benodwyd (Grant Thornton)

iii)             Cynhyrchwyd cynnwys fideo er mwyn cefnogi ymgysylltu a chyfathrebu

iv)             Disgwylir i ni fynd i gyfarfod y Bwrdd Strategaeth Economaidd (BSE) ym mis Chwefror 2021.

 

Yr Egin

i)                Mae'r gwaith i gwblhau’r cytundeb ariannu ar fin digwydd ar gyfer Cam 1.

ii)               Bwriedir dyfarnu’r dadansoddiad o'r sector creadigol yn yr wythnos sy'n dechrau ar 18 Ionawr 2021 i lywio Cam 2.

iii)             Mae tîm y rhaglen yn ystyried addasrwydd y datrysiad a gynigiwyd ar gyfer cyflawni Cam 2 ac a yw'r ateb hwn yn darparu'r budd mwyaf posibl i fodloni'r gofynion presennol. Mae'n bosibl y bydd y datrysiad ar gyfer cyflawni'n newid, ond ni fydd y canlyniadau a'r buddion a amlygwyd yn yr achos busnes yn newid.