Agenda a Chofnodion

Gofynnodd Pennaeth y Gwasanaethau Democrataidd am enwebiadau ar gyfer y Cadeirydd. Derbyniwyd enwebiad ar gyfer y Cynghorydd R C Stewart. Cynigiwyd ac eiliwyd yr enwebiad.

Penderfynwyd ethol y Cynghorydd R C Stewart yn Gadeirydd ar gyfer Blwyddyn Ddinesig 2020-2021.

Sylwer: Mae'r Cytundeb ar y Cyd yn nodi bod yr Arweinwyr sy'n weddill o'r tri chyngor yn gweithredu fel Is-gadeiryddion ar y cyd.

Councillor R C Stewart (Chair) Presiding

www.abertawe.gov.uk/DatgeluCysylltiadau

Yn unol â'r Côd Ymddygiad a fabwysiadwyd gan Ddinas a Sir Abertawe, ni ddatganwyd unrhyw fuddiannau.

Cymeradwyo a llofnodi, fel cofnod cywir, gofnodion y cyfarfod blaenorol.

Penderfynwyd cymeradwyo a llofnodi cofnodion Cyd-bwyllgor Dinas-ranbarth Bae Abertawe a gynhaliwyd ar 9 Gorffennaf 2020 fel cofnod cywir.

Ni wnaed unrhyw gyhoeddiadau gan y Cadeirydd.

Rhaid cyflwyno cwestiynau’n ysgrifenedig, cyn hanner dydd ar y diwrnod gwaith cyn y cyfarfod fan bellaf. Rhaid i gwestiynau ymwneud ag eitemau ar yr agenda. Ymdrinnir â chwestiynau o fewn cyfnod 10 munud.

Ni chafwyd unrhyw gwestiynau gan y cyhoedd.

Cyflwynodd Jason Garcia, Swyddfa Archwilio Cymru, Adroddiad Archwilio Cyfrifon 2019-2020, Swyddfa Archwilio Cymru ar gyfer Cyd-bwyllgor Dinas-ranbarth Bae Abertawe". Mae'r Archwilydd Cyffredinol yn gyfrifol am roi barn ynghylch a yw'r Datganiad o Gyfrifon yn dangos darlun gwir a theg o sefyllfa Cyd-bwyllgor Dinas-ranbarth Bae Abertawe ar 31 Mawrth 2020.

Ymatebodd Jason Garcia (SAC) i gwestiynau o natur dechnegol, ac ymatebodd Chris Moore (Swyddog Adran 151 Dinas-ranbarth Bae Abertawe) i gwestiynau am sefyllfa Dinas-ranbarth Bae Abertawe.

Penderfynwyd:

1)              Derbyn archwiliad Swyddfa Archwilio Cymru o adroddiad Datganiad o Gyfrifon 2019-2020 ar gyfer Cyd-bwyllgor Dinas-ranbarth Bae Abertawe.

Cyflwynodd Swyddog Adran 151 Dinas-ranbarth Bae Abertawe (Chris Moore), adroddiad a oedd yn gofyn am gymeradwyaeth ar gyfer Datganiad o Gyfrifon Blynyddol Rhaglen Dinas-ranbarth Bae Abertawe, 2019-2020.

Penderfynwyd cymeradwyo Datganiad o Gyfrifon Dinas-ranbarth Bae Abertawe 2019-2020 ar ôl ei archwilio yn er mwyn cydymffurfio â Rheoliadau Cyfrifon ac Archwilio (Cymru) 2014, fel y'u diwygiwyd yn 2018.

Cyflwynodd Swyddog Adran 151 Dinas-ranbarth Bae Abertawe (Chris Moore), adroddiad a oedd yn gofyn am gydnabyddiaeth ffurfiol o sylwadau Swyddog Adran 151 Dinas-ranbarth Bae Abertawe i Swyddog Archwilio Cymru.

Penderfynwyd cydnabod llythyr sylwadau Swyddog Adran 151 Dinas-ranbarth Bae Abertawe a Chadeirydd y Cyd-bwyllgor i Swyddfa Archwilio Cymru.

Cyflwynodd Swyddog Adran 151 Dinas-ranbarth Bae Abertawe (Chris Moore) adroddiad a oedd yn rhoi gwybod am sefyllfa alldro ragweledig diwedd y flwyddyn mewn perthynas â swyddogaethau gweinyddol Swyddfa Rheoli'r Rhaglen, y Corff Atebol, y Cyd-bwyllgor a'r Cyd-bwyllgor Craffu.

Penderfynwyd adolygu cyfrifon blynyddol Dinas-ranbarth Bae Abertawe.

Cyflwynodd Cyfarwyddwr Rhaglen Dinas-ranbarth Bae Abertawe adroddiad a oedd yn rhoi gwybod am ganlyniad ac argymhellion Adolygiad Cymheiriaid Dinas-ranbarth Bae Abertawe.

Penderfynwyd cymeradwyo'r adroddiad cymheiriaid allanol a rhoi caniatâd i Swyddfa Rheoli Portffolio Dinas-ranbarth Bae Abertawe roi cynllun gweithredu ar waith sy’n seiliedig ar y chwe argymhelliad.

Cyflwynodd Cyfarwyddwr Rhaglen Dinas-ranbarth Bae Abertawe adroddiad a oedd yn rhoi gwybod am newid dros dro i'r Cadeirydd a phenodi Is-gadeirydd y Bwrdd Strategaeth Economaidd (BSE).

Penderfynwyd:

1)              Cymeradwyo penodi Chris Foxall yn Gadeirydd y BSE am gyfnod o hyd at 6 mis.

2)              Cymeradwyo penodi Amanda Davies yn Is-Gadeirydd y BSE am gyfnod o hyd at 6 mis.

3)              Adolygu'r ddau benodiad ar ôl 6 mis neu pan fydd yn angenrheidiol gwneud hynny.

Cyflwynodd Cyfarwyddwr Rhaglen Dinas-ranbarth Bae Abertawe ddiweddariad ar y prosiectau sy'n rhan o Raglen y Fargen Ddinesig. Mae'r prosiectau hyn yn cynnwys:

Ø    Isadeiledd digidol;

Ø    Cartrefi fel Gorsafoedd Pŵer;

Ø    Prosiect Campws Gwyddor Bywyd a Lles;

Ø    Datblygiad Gwyddor Bywyd a Lles sydd yn yr arfaeth ar gyfer Llanelli;

Ø    Prosiect Morol Doc Penfro;

Ø    Sgiliau a doniau;

Ø    Cefnogi Arloesedd a Thwf Carbon Isel;

Ø    Ardal Ddigidol Dinas Abertawe a'r Glannau;

Ø    Yr Egin.

Penderfynwyd nodi'r diweddariadau a'r cynnydd.