Agenda a Chofnodion

www.abertawe.gov.uk/DatgeluCysylltiadau

Yn unol â'r Côd Ymddygiad a fabwysiadwyd gan Ddinas a Sir Abertawe, ni ddatganwyd unrhyw fuddiannau.

Cymeradwyo a llofnodi, fel cofnod cywir, gofnodion y cyfarfod blaenorol.

Penderfynwyd llofnodi a chymeradwyo Cofnodion Cyd-bwyllgor Dinas-ranbarth Bae Abertawe a gynhaliwyd ar 11 Gorffennaf 2020 fel cofnod cywir.

Ni wnaed unrhyw gyhoeddiadau gan y Cadeirydd.

Rhaid cyflwyno cwestiynau’n ysgrifenedig, cyn hanner dydd ar y diwrnod gwaith cyn y cyfarfod fan bellaf. Rhaid i gwestiynau ymwneud ag eitemau ar yr agenda. Ymdrinnir â chwestiynau o fewn cyfnod 10 munud.

Ni chafwyd cwestiynau gan y cyhoedd.

Cyflwynwyd adroddiad gan Gyfarwyddwr Rhaglen Dinas-ranbarth Bae Abertawe (Jonathan Burnes) a oedd yn amlinellu statws amodau Dyfarnu Cyllid Bargen Ddinesig Bae Abertawe.

Penderfynwyd cymeradwyo cyflwyno'r adroddiad statws i Lywodraeth y DU a Llywodraeth Cymru.

Cyflwynwyd adroddiad gan Gyfarwyddwr Rhaglen Dinas-ranbarth Bae Abertawe (Jonathan Burnes) a oedd yn ceisio cymeradwyaeth ar gyfer Cynllun Monitro a Gwerthuso Bargen Ddinesig Bae Abertawe sy'n cyd-fynd ag argymhelliad adolygiad allanol.  Fe'i cydnabyddir hefyd fel arfer Rheoli Rhaglen da.

Penderfynwyd cymeradwyo Cynllun Monitro a Gwerthuso Bargen Ddinesig Bae Abertawe i'w gyflwyno i Lywodraeth y DU a Llywodraeth Cymru i'w ystyried.

Cyflwynwyd adroddiad gan Gyfarwyddwr Rhaglen Dinas-ranbarth Bae Abertawe (Jonathan Burnes) a oedd yn dweud bod angen Achos Busnes ar gyfer Rhaglen y Fargen Ddinesig er mwyn cyflawni argymhelliad a gododd o'r adolygiadau a gyflawnwyd ar y Fargen Ddinesig.  Fe'i cydnabyddir hefyd fel arfer Rheoli Rhaglen da.

Penderfynwyd cymeradwyo'r Achos Busnes ailddiwygiedig ar gyfer Rhaglen Bargen Ddinesig Bae Abertawe i'w gyflwyno i Lywodraeth y DU a Llywodraeth Cymru i'w ystyried.

Cyflwynwyd adroddiad gan Gyfarwyddwr Rhaglen Dinas-ranbarth Bae Abertawe (Jonathan Burnes) a oedd yn rhoi gwybod am Gynllun Rhoi ar Waith Bargen Ddinesig Bae Abertawe sydd wedi'i ddiweddaru.

Penderfynwyd adolygu fersiwn ddiweddaraf Cynllun Rhoi ar Waith Bargen Ddinesig Bae Abertawe a'i chymeradwyo.

Cyflwynodd Swyddog Adran 151 y Cyd-bwyllgor (Chris Moore) adroddiad a oedd yn rhoi gwybod am gyllideb ddiwygiedig mewn perthynas â'r swyddogaethau gweinyddiaeth a chefnogaeth ar gyfer Rhaglen Bargen Ddinesig Bae Abertawe.

Penderfynwyd ystyried y gyllideb ddiwygiedig mewn perthynas â'r weinyddiaeth y mae ei hangen i gefnogi a chyflwyno Bargen Ddinesig Bae Abertawe, a'i chymeradwyo.

Cyflwynwyd adroddiad gan Gyfarwyddwr Rhaglen Dinas-ranbarth Bae Abertawe (Jonathan Burnes) a oedd yn darparu trosolwg o'r hunanasesiadau o effaith COVID-19 ar gyfer naw prosiect Bargen Ddinesig Bae Abertawe, a diweddariad ar eu statws.

Penderfynwyd derbyn y diweddariad am statws yr asesiad effaith COVID-19.

Cyflwynwyd adroddiad gan Swyddog Monitro'r Cyd-bwyllgor (Tracey Meredith) a oedd yn amlinellu cais gan y Cyd-bwyllgor Craffu i newid y cylch gorchwyl.

Penderfynwyd:

1)              Cymeradwyo'r diwygiad i'r cylch gorchwyl a nodwyd ym Mharagraff 1.5 y Cyd-bwyllgor Craffu;

2)              Awdurdodi Swyddog Monitro Cyngor Abertawe/Penaethiaid Adrannau Cyfreithiol Cynghorau Sir Gâr, Sir Penfro a Chastell-nedd Port Talbot i ymrwymo i gytundeb sy'n angenrheidiol i gyflawni'r newidiadau i Gytundeb y Cyd-bwyllgor.

Cyflwynodd Cyfarwyddwr Rhaglen Dinas-ranbarth Bae Abertawe (Jonathan Burnes) ddiweddariad ar y prosiectau sy'n rhan o Raglen y Fargen Ddinesig. Mae'r prosiectau hyn yn cynnwys:

Ø    Isadeiledd digidol;

Ø    Cartrefi fel Gorsafoedd Pŵer;

Ø    Prosiect Campws Gwyddor Bywyd a Lles;

Ø    Datblygiad Gwyddor Bywyd a Lles yn yr arfaeth ar gyfer Llanelli;

Ø    Prosiect Morol Doc Penfro;

Ø    Sgiliau a doniau;

Ø    Cefnogi Arloesedd a Thwf Carbon Isel;

Ø    Ardal Ddigidol Dinas Abertawe a'r Glannau;

Ø    Yr Egin.

Penderfynwyd nodi'r diweddariadau a'r cynnydd.