Agenda a Chofnodion

www.abertawe.gov.uk/DatgeluCysylltiadau

Yn unol â'r Côd Ymddygiad a fabwysiadwyd gan Ddinas a Sir Abertawe, ni ddatganwyd unrhyw gysylltiadau.

Cymeradwyo a llofnodi, fel cofnod cywir, gofnodion y cyfarfod blaenorol.

Penderfynwyd cymeradwyo a llofnodi cofnodion cyfarfod Cyd-bwyllgor Dinas-ranbarth Bae Abertawe a gynhaliwyd ar 29 Mis Hydref 2019 fel cofnod cywir.

Ni chafwyd unrhyw gyhoeddiadau gan y Cadeirydd.

Rhaid i'r cwestiynau ymwneud â materion ar ran agored agenda'r cyfarfod, ac ymdrinnir â hwy o fewn 10 munud.

Ni chafwyd unrhyw gwestiynau gan y cyhoedd.

Sir Gaerfyrddin 

Roedd prosiect y Pentref Llesiant yn destun manwl gyweirio. Roedd trafodaethau parhaus ynghylch y buddsoddiad preifat. Mae trafodaethau â'r Partner Academaidd bron â dod i ben.

Castell-nedd Port Talbot

Cyfarfu'r awdurdod â'r Bwrdd Strategaeth Economaidd yn gynharach yn y dydd i amlinellu ei Achosion Busnes Carbon Isel a Chartrefi fel Gorsafoedd Pŵer.  Yng nghyfarfod Bwrdd y Rhaglen ar 15 Tachwedd 2019, cytunwyd argymell y ddau gynllun i'r Bwrdd Strategaeth Economaidd.  Cafwyd ymateb cadarnhaol i'r cynlluniau hyn gan y Bwrdd Strategaeth Economaidd a byddai'r un cyntaf yn cael ei gyflwyno i'r Pwyllgor ar y Cyd ym mis Ionawr 2020 gyda'r ail yn dilyn yn mis Chwefror 2020.  Cadarnhaodd Edward Tomp hyn.

Nododd Steve Phillips fod y drafftiau wedi'u cyflwyno i'r ddwy lywodraeth a chynhelir dau weithdy terfynol gyda'r ddwy lywodraeth yn wythnos gyntaf mis Rhagfyr. O ganlyniad, roedd y broses yn bodloni'r gofynion cymeradwyo rhanbarthol a nodwyd mewn gohebiaeth flaenorol gan weinidogion y Du a Chymru.

Rhaid i'r awdurdod hysbysu'r ddwy lywodraeth o'r cynnydd a wnaed mewn perthynas ag Achos Busnes Castell-nedd Port Talbot a'r holl ddogfennaeth berthnasol a rennir cyn i'r Pwyllgor ar y Cyd gytuno'n derfynol, er mwyn peidio ag oedi'r prosiectau.

Sir Benfro

Roedd gwaith ar brosiect Morol Doc Penfro yn datblygu; fodd bynnag, roedd yr awdurdod yn gwario mewn ffordd beryglus a gofynnwyd bod arian y Ddinas-ranbarth yn cael ei ddyrannu i'r holl awdurdodau cyn gynted â phosib.

Abertawe

Cymeradwywyd prosiect Cam Un Abertawe Ganolog gan y Cabinet ar 21 Tachwedd 2019.  Dechreuodd y gwaith ar y safle yn yr wythnos a ddechreuodd 25 Tachwedd 2019.

Penderfynwyd ar y canlynol:

1)              Nodi'r diweddariadau.

Cyflwynodd y Swyddfa Ranbarthol adroddiad a oedd yn ceisio cymeradwyaeth i lofnodi a derbyn llythyr ariannu Llywodraeth y DU a Chymru a'r amodau a thelerau cysylltiedig.

Penderfynwyd cefnogi llythyr ariannu Llywodraeth y DU a Chymru a'r amodau a thelerau cysylltiedig a'u hanfon ymlaen at y pedwar awdurdod cyfansoddol i'w cymeradwyo.

Cyflwynodd y Swyddfa Ranbarthol adroddiad a oedd yn rhoi'r diweddaraf am y Broses Recriwtio ar gyfer Cyfarwyddwr Rhaglen Dinas-ranbarth Abertawe.

Penderfynwyd cynnal y cyfweliadau ar gyfer y swydd Cyfarwyddwr Rhaglen ar 5 a 6 Rhagfyr 2019.

Penderfynwyd ar y canlynol:

1)              Canslo'r cyfarfod nesaf a drefnwyd ar gyfer 20 Rhagfyr 2019;

2)              Cynhelir y cyfarfod nesaf ar 28 Ionawr 2020.