Agenda a Chofnodion

www.abertawe.gov.uk/DatgeluCysylltiadau

Yn unol â'r Côd Ymddygiad, ni ddatganwyd unrhyw fuddiannau.

Cymeradwyo a llofnodi, fel cofnod cywir, gofnodion y cyfarfod blaenorol.

Penderfynwyd cymeradwyo a llofnodi cofnodion cyfarfod Cyd-bwyllgor Dinas-ranbarth Bae Abertawe a gynhaliwyd ar 23 Mehefin 2022 fel cofnod cywir.

Dim.

Mae’n rhaid i gwestiynau gael eu cyflwyno’n ysgrifenedig i’r Gwasanaethau Democrataidd democratiaeth@abertawe.gov.uk erbyn ganol dydd fan bellaf ar y diwrnod gwaith cyn y cyfarfod. Rhaid bod y cwestiynau’n ymwneud ag eitemau ar yr agenda. Ymdrinnir â chwestiynau o fewn cyfnod o 10 munud.

Dim.

Cyflwynodd Steve Edwards (Cyfarwyddwr Masnachol, Porth Aberdaugleddau) adroddiad 'er gwybodaeth' i hysbysu’r Cyd-bwyllgor o’r cynnydd a wnaed ar Raglen Ardal Forol Doc Penfro Bargen Ddinesig Bae Abertawe (BDdDA) a'i statws.

 

Manylodd ar y gweithgareddau a gwblhawyd, y gweithgareddau a gynlluniwyd, risgiau a phroblemau.

Cyflwynodd Phil Ryder (Rheolwr Swyddfa Portffolio Dinas-ranbarth Bae Abertawe) adroddiad a oedd yn rhoi'r diweddaraf am Adroddiad Monitro Chwarterol Bargen Ddinesig Bae Abertawe (BDdBA) ar gyfer y Portffolio BDdBA a'i raglenni/brosiectau cyfansoddol.

 

Darparodd yn benodol ddiweddariadau am gynnydd ynghylch y canlynol:

 

·         Atodiad A: Dangosfwrdd Monitro Chwarterol.

 

Ø  Statws Coch Melyn Gwyrdd (CMG) y Rhaglen/Prosiect.

Ø  Amserlen Cyflawni'r Portffolio.

Ø  Cofrestr Risg Portffolio.

Ø  Cofnod Materion.

Ø  Asesiad Effaith COVID.

Ø  Gwireddu buddion.

Ø  Rheolaeth Ariannol.

Ø  Rheoli newid.

Ø  Adolygiadau Sicrwydd ac Archwiliad.

Ø  Cyfathrebu a Chynnwys.

Ø  Crynodeb o'r Gwaith Caffael sydd ar y Gweill.

·         Atodiad B: Adroddiad Monitro Chwarterol BDdBA (sy'n cynnwys 2 lefel â sawl cydran).

 

Ø  Portffolio –

o   Cyfathrebu a Marchnata

Ø  Rhaglenni/Prosiect -

o   Cerdyn cadw sgôr gyda chrynodeb o'r statws.

o   Cyflawniadau'r chwarter blaenorol a gweithgareddau cynlluniedig y chwarter presennol.

·         Atodiad C: Cofrestr Risgiau'r Portffolio - Risgiau Coch a Newydd

 

Ø  Mae cofrestr risgiau portffolio BDdBA yn nodi ac yn monitro risgiau portffolio allweddol ynghylch cyflwyno'r Fargen Ddinesig a chyflawni’i nodau ac amcanion.

 

·         Atodiad D: Cofnod o Faterion y Portffolio - Materion Coch a Newydd

 

Ø  Mae cofrestr o faterion portffolio BDdBA yn nodi ac yn monitro materion portffolio allweddol ynghylch cyflwyno'r Fargen Ddinesig a chyflawni’i nodau ac amcanion.  Mae Statws CMG wedi’i ychwanegu at y Cofnod Materion bellach i ddangos lefel difrifoldeb.

 

·         Atodiad E : Gwireddu buddion

 

Ø  Mae cofrestr buddion BDdBA yn nodi'r buddion portffolio blynyddol ar gyfer buddsoddiad, gwerth ychwanegol gros a swyddi a fydd yn cael eu cyflwyno hyd at 2032/33. Rydym yn aros am wybodaeth am Gefnogi Arloesedd a Thwf Carbon Isel, CALL Canolfan Dechnoleg y Bae ar hyn o bryd.

·         Atodiad F: Sicrwydd Portffolio

 

Ø  Mae BDdBA wedi llunio portffolio a 3 adolygiad prosiect/rhaglen Gateway dros y 12 mis diwethaf.  Mae graddfeydd Asesiad Hyder Cyflawni yr Adolygiad Gateway ar gyfer pob rhaglen/prosiect i'w gweld ochr yn ochr â'r dyddiad a drefnwyd ar gyfer yr adolygiad nesaf.

 

·         Atodiad G: Crynodeb o'r Effaith Adeiladu

 

Ø  Diben yr asesiad risgiau/problemau a'r asesiad effaith ar y cyd yw amlygu a meintioli'r risgiau/problemau penodol sy'n cael eu profi ar hyn o bryd drwy'r holl ddiwylliant adeiladu. Mae Bwrdd Rhaglen a Chyd-bwyllgor BDdBA wedi gofyn i'r holl raglenni a phrosiectau asesu eu statws cyfredol a'u monitro parhaus, mewn perthynas â'r effaith bosib y bydd yr heriau adeiladu hyn yn ei chael ar gyflwyno'r portffolio a'i raglenni a phrosiectau cyfansoddol yn llwyddiannus.

 

Penderfynwyd nodi'r Adroddiad Monitro Chwarterol ar gyfer Portffolio BDdBA a'i raglenni/prosiectau cyfansoddol.

 

 

Cyflwynodd Jason Blewitt (Archwilio Cymru) grynodeb o ganfyddiadau'r Adroddiad Archwilio Cyfrifon - Cyd-bwyllgor Bargen Ddinesig Bae Abertawe.

 

Penderfynwyd y bydd y Cyd-bwyllgor yn derbyn Archwiliad Archwilio Cymru o'r Adroddiad Datganiad o Gyfrifon 2021/2022 ar gyfer Cyd-bwyllgor Bargen Ddinesig Bae Abertawe.

Cyflwynodd Richard Arnold (Rheolwr Cyllid, BDdBA) adroddiad a oedd yn ceisio cymeradwyaeth ar gyfer Datganiad o Gyfrifon Blynyddol Rhaglen BDdBA ar gyfer blwyddyn ariannol 2021/2022.

 

Penderfynwyd y bydd y Cyd-bwyllgor yn cymeradwyo Datganiad o Gyfrifon BDdBA ar gyfer 2021/22 ar ôl iddo gael ei archwilio.

Cyflwynodd Richard Arnold (Rheolwr Cyllid, BDdBA) adroddiad a oedd yn ceisio cydnabyddiaeth ffurfiol o Lythyr Sylwadau Swyddog Adran 151 BDdBA i Archwilio Cymru.

 

Penderfynwyd cydnabod y Llythyr Sylwadau a anfonwyd gan Swyddog Adran 151 BDdBA a Chadeirydd y Cyd-bwyllgor i Archwilio Cymru.

Rhoddodd Richard Arnold (Rheolwr Cyllid, BDdBA) yr wybodaeth ddiweddaraf am sefyllfa ariannol bresennol Dinas-Ranbarth Bae Abertawe.

 

Penderfynwyd y bydd y Cyd-bwyllgor yn adolygu ac yn cymeradwyo'r adroddiad sy’n rhoi’r diweddaraf am fonitro ariannol.

Cyflwynodd Phil Ryder (Rheolwr Swyddfa Rheoli Portffolio Dinas-Ranbarth Bae Abertawe) adroddiad a oedd yn ceisio cymeradwyaeth y Cyd-bwyllgor ar gyfer drafft terfynol yr Adroddiad Blynyddol a atodwyd yn Atodiad A.

 

Penderfynwyd y bydd y Cyd-bwyllgor yn cymeradwyo drafft terfynol yr Adroddiad Blynyddol a atodwyd yn Atodiad A.