Agenda, decisions and minutes

Penderfynwyd ethol y Cynghorydd Emlyn Dole yn Gadeirydd y Cydbwyllgor dros dro.

Y Cynghorydd Emlyn Dole (Cadeirydd) fu’n llywyddu.

www.abertawe.gov.uk/DatgeluCysylltiadau

Dim

Yn unol â'r Cod Ymddygiad, ni ddatganwyd unrhyw fuddiannau.

Cymeradwyo a llofnodi cofnodion y cyfarfod(ydd) blaenorol fel cofnod cywir.

Cymeradwywyd

Penderfynwyd cymeradwyo a llofnodi cofnodion cyfarfod Cyd-bwyllgor Dinas-ranbarth Bae Abertawe a gynhaliwyd ar 9 Rhagfyr 2021 fel cofnod cywir.

Nid oedd unrhyw gyhoeddiadau.

Mae’n rhaid i gwestiynau gael eu cyflwyno’n ysgrifenedig i’r Gwasanaethau Democrataidd democratiaeth@abertawe.gov.uk erbyn ganol dydd fan bellaf ar y diwrnod gwaith cyn y cyfarfod. Rhaid bod y cwestiynau’n ymwneud ag eitemau ar yr agenda. Ymdrinnir â chwestiynau o fewn cyfnod o 10 munud.

Ni chafwyd cwestiynau gan y cyhoedd.

Cymeradwywyd

Darparodd Phil Ryder (Swyddfa Rhaglen Bargen Ddinesig Bae Abertawe) adroddiad a oedd yn rhoi gwybod i Gyd-bwyllgor Dinas-ranbarth Bae Abertawe am Adroddiad Monitro Chwarterol ac Uchafbwyntiau Misol Bargen Ddinesig Bae Abertawe ar gyfer Portffolio Bargen Ddinesig Bae Abertawe a'i raglenni/brosiectau cyfansoddol.

Rhoddodd y diweddaraf i'r Cyd-bwyllgor ar y cynnydd, sy'n gysylltiedig â'r canlynol:

· Ymgysylltu â Busnesau;

· Yr Egin;

· Prosiect Morol Doc Penfro;

· Ardal Ddigidol Dinas Abertawe a'r Glannau (Arena i'w throsglwyddo cyn bo hir);

 Pentre Awel;

· Cartrefi fel Gorsafoedd Pŵer;

· Isadeiledd digidol;

· Cefnogi Arloesedd a Thwf Carbon Isel;

· Sgiliau a Thalent.

· Campysau BDdBA.

Nodwyd bod tri risg goch yn parhau i gael eu nodi mewn perthynas â chostau adeiladu, newidiadau posib Tan15 a llithriant posib wrth ddarparu cynlluniau, a bod wyth risg is newydd wedi’u nodi.

Amlinellwyd a manylwyd ar gyflawni buddion o tua £160m, yn ogystal â’r 600+ o swyddi a grëwyd a'r cyfraniad o £60m i'r GYG.

Penderfynwyd nodi'r Adroddiad Monitro Chwarterol ar gyfer y Portffolio BDdBA a'i raglenni/prosiectau cyfansoddol.

Nodwyd

Rhoddodd Chris Moore, Swyddog A151 ar y Cyd (Cyngor Sir Gâr) ddiweddariad manwl i Gyd-bwyllgor Dinas-ranbarth Bae Abertawe ar sefyllfa ariannol ddiweddaraf Dinas-ranbarth Bae Abertawe.

Amlinellodd fod ychydig o danwariant yn y gyllideb ar hyn o bryd a manylodd ar y rhesymau a'r ffactorau y tu ôl i hynny, yn ogystal ag amlinellu crynodeb ariannol o'r naw cynllun, a'r sefyllfa fuddsoddi bresennol.

Penderfynwyd cymeradwyo adroddiad diweddaru monitro ariannol Dinas-ranbarth Bae Abertawe.

Nodwyd

Rhoddodd Chris Moore, Swyddog A151 ar y Cyd (Cyngor Sir Gâr) adroddiad i Gyd-bwyllgor Dinas-ranbarth Bae Abertawe a oedd yn rhoi gwybod iddynt am y trefniadau mewn perthynas â chadw a dosbarthu'r AAC ychwanegol a gynhyrchwyd drwy brosiectau rhaglen Bargen Ddinesig Bae Abertawe.

Amlinellodd gefndir y mater, a dywedodd fod swyddogion Adran 151 o'r holl awdurdodau wedi cytuno ar Opsiwn 1.

Penderfynwyd nodi'r adroddiad a chymeradwyo argymhelliad y swyddog ar gyfer Opsiwn 1 mewn perthynas â'r ffaith bod y rhaglen y cytunwyd arni i gadw AAC yn cael ei chymeradwyo.

Cymeradwywyd

Cyflwynodd Heidi Harris, Swyddog Cyfathrebu a Marchnata BDdBA adroddiad a oedd yn amlinellu i'r Cydbwyllgor yr hyn a oedd wedi’i ddiwygio a’i ddiweddaru. 

Cynllun Cyfathrebu a Marchnata a gweithgareddau ymgysylltu manwl ar gyfer portffolio BDdBA a'i brosiectau cyfansoddol.

Dywedodd ei bod am greu rhai is-grwpiau i edrych ar faterion amrywiol a'u diweddaru wrth symud ymlaen.

Penderfynwyd nodi'r diweddariad cyfathrebu a marchnata gan gynnwys y Cynllun Cyfathrebu a Marchnata BDdBA diwygiedig sydd ynghlwm yn Atodiad A (i'r adroddiad) a'r Atodlen Cyfathrebu ac Ymgysylltu BDdBA sydd ynghlwm yn Atodiad B (i'r adroddiad).