Agenda, decisions and minutes

www.abertawe.gov.uk/DatgeluCysylltiadau

Dim.

Yn unol â'r Cod Ymddygiad, ni ddatganwyd unrhyw fuddiannau.

Cymeradwyo a llofnodi, fel cofnod cywir, gofnodion y cyfarfod blaenorol.

Cymeradwywyd.

Penderfynwyd cymeradwyo a llofnodi cofnodion cyfarfod Pwyllgor y Gwasanaethau Democrataidd a gynhaliwyd ar 14 Hydref 2021 fel cofnod cywir.

Dim.

Nid oedd unrhyw gyhoeddiadau.

Mae’n rhaid i gwestiynau gael eu cyflwyno’n ysgrifenedig i’r Gwasanaethau Democrataidd democratiaeth@abertawe.gov.uk erbyn ganol dydd fan bellaf ar y diwrnod gwaith cyn y cyfarfod. Rhaid bod y cwestiynau’n ymwneud ag eitemau ar yr agenda. Ymdrinnir â chwestiynau o fewn cyfnod o 10 munud.

Dim.

Ni chafwyd cwestiynau gan y cyhoedd.

Cymeradwywyd.

Darparodd Matthew Holder, Pennaeth Archwilio Mewnol adroddiad i ystyried a chymeradwyo'r Cylch Gorchwyl Archwilio Mewnol.

Adroddodd y byddai'r Cyd-bwyllgor Craffu hefyd yn cael ei gynnwys yn y 'Trefniadau Adrodd' a amlinellir yn Atodiad A.

Penderfynwyd bod Cyd-bwyllgor Dinas-ranbarth Bae Abertawe yn adolygu ac yn cymeradwyo Cylch Gorchwyl Archwilio Mewnol 2021-22.

Cymeradwywyd.

Darparodd Geraint Flowers (Arweinydd Prosiect yr Egin) adroddiad i roi gwybod i Gyd-bwyllgor Dinas-ranbarth Bae Abertawe am yr adolygiad diweddar ar Borth 5 yr Egin.

Penderfynwyd y byddai Cyd-bwyllgor Dinas-ranbarth Bae Abertawe'n nodi’r Sgôr Gwyrdd DCA a ddyfarnwyd a'r argymhellion sy'n deillio o’r Adolygiad Porth 5.

Er gwybodaeth.

Darparodd Geraint Flowers adroddiad "Er Gwybodaeth" i ddiweddaru Cyd-bwyllgor Dinas-ranbarth Bae Abertawe ar y cais i newid Matrics Arloesedd Ardal Ddigidol Dinas Abertawe a’r Glannau.

Diolchodd y Cadeirydd i Mr Flowers am y diweddariad.

Er gwybodaeth.

Darparodd Phil Ryder (Swyddfa Rhaglen Bargen Ddinesig Bae Abertawe) adroddiad "Er Gwybodaeth" i roi gwybod i Gyd-bwyllgor Dinas-ranbarth Bae Abertawe am adroddiad Monitro Chwarterol ac Uchafbwyntiau Misol Bargen Ddinesig Bae Abertawe ar gyfer Portffolio Bargen Ddinesig Bae Abertawe a'i raglenni/brosiectau cyfansoddol.

Rhoddodd y diweddaraf i'r Cyd-bwyllgor ar y cynnydd, sy'n gysylltiedig â'r canlynol:

·                    Ymgysylltu â Busnesau;

·                    Yr Egin;

·                    Prosiect Morol Doc Penfro;

·                    Ardal Ddigidol Dinas Abertawe a'r Glannau;

·                    Pentre Awel;

·                    Cartrefi fel Gorsafoedd Pŵer;

·                    Isadeiledd digidol;

·                    Cefnogi Arloesedd a Thwf Carbon Isel;

·                    Sgiliau a doniau.

·                    Campysau BDdBA.

Nodwyd bod Llywodraeth Cymru wedi gohirio newidiadau posib Tan15 mewn perthynas ag ardaloedd llifogydd yng Nghymru am 18 mis.

Diolchodd y Cadeirydd i Mr Ryder am y diweddariadau.

Cymeradwywyd.

Rhoddodd Richard Arnold, Rheolwr Cyllid (Dinas-ranbarth Bae Abertawe) ddiweddariad i Gyd-bwyllgor Dinas-ranbarth Bae Abertawe ar sefyllfa ariannol ddiweddaraf Dinas-ranbarth Bae Abertawe.

Penderfynwyd bod Dinas-ranbarth Bae Abertawe yn adolygu ac yn cymeradwyo'r adroddiad diweddaru monitro ariannol.

Cymeradwywyd.

Darparodd Jonathan Burns, Cyfarwyddwr (Dinas-ranbarth Bae Abertawe) adroddiad i roi gwybod i Gyd-bwyllgor Dinas-ranbarth Bae Abertawe am y blaengynllun gwaith diweddaraf.

Penderfynwyd bod Cyd-bwyllgor Dinas-ranbarth Bae Abertawe'n adolygu ac yn cytuno ar y blaengynllun gwaith arfaethedig.

Er gwybodaeth.

Darparodd Jonathan Burns, Cyfarwyddwr (Dinas-ranbarth Bae Abertawe) adroddiad "Er Gwybodaeth" i ddiweddaru Cyd-bwyllgor Dinas-ranbarth Bae Abertawe ar gynigion ar gyfer Digwyddiad Arddangos Bargen Ddinesig Bae Abertawe yn 2022.

Cynigiwyd y byddai'r digwyddiad yn ddigwyddiad presenoldeb byw, wedi'i fformatio fel digwyddiad arddangos "cwrdd â'r prosiect", yn debyg i ddigwyddiad lansio 2018 ond y tro hwn bydd yn canolbwyntio mwy ar yr hyn sydd ar y gweill o ran caffael a hyrwyddo asedau, cyfleoedd buddsoddi a sut y gallai busnesau gymryd rhan.

Rhybuddiwyd y gallai'r sefyllfa o ran cyfyngiadau COVID-19 effeithio ar ei ddarpariaeth a byddai opsiynau eraill fel rhannol fyw/rhannol ddigidol neu gwbl ddigidol yn cael eu cynllunio ar eu cyfer.