Agenda, penderfyniadau a cofnodion drafft

www.abertawe.gov.uk/DatgeluCysylltiadau

 

Yn unol â'r Côd Ymddygiad a fabwysiadwyd gan Ddinas a Sir Abertawe, ni ddatganwyd unrhyw fuddiannau.

 

Cyflwynodd y Cyfreithiwr Arweiniol Weithdrefn yr Is-bwyllgor Trwyddedu Statudol, er gwybodaeth.

 

Croesawodd y Cadeirydd bawb a oedd yn bresennol a gofynnodd iddynt gyflwyno'u hunain.

 

Adroddodd y Swyddog Trwyddedu am y cais i amrywio trwydded mangre mewn perthynas â Chastell Weble,  Llanrhidian, Abertawe SA3 1HB, a dderbyniwyd gan yr awdurdod ar 15 Ebrill, 2024.

 

Atodwyd rhestr o safleoedd trwyddedig yn yr ardal yn Atodiad B1.

Cyfeiriodd yn benodol at y cais (a'r cynllun) am drwydded mangre yn Atodiad A ac A1.  Atodwyd cynllun y lleoliad a'r ardaloedd trwyddedig yn Atodiad B.  Atodwyd rhestr o safleoedd trwyddedig yn yr ardal yn Atodiad B1.  Atodwyd amodau sy'n gyson â'r amserlen weithredu ac a fydd ynghlwm wrth y drwydded, os caiff ei rhoi, yn Atodiad C.

 

Manylwyd ar Sylwadau Perthnasol yn Atodiad D. 

 

Derbyniwyd pum sylw gan Bobl Eraill (y manylir arnynt yn Atodiad D).  Roedd y sylwadau'n ymwneud ag atal trosedd ac anhrefn, diogelwch y cyhoedd, atal niwsans cyhoeddus ac amddiffyn plant rhag niwed.

 

Cyfeiriodd y Swyddog Trwyddedu at amcanion trwyddedu, ystyriaethau polisi, canllawiau gan y Swyddfa Gartref a'r camau gweithredu ar ôl ystyried sylwadau'r Awdurdod Cyfrifol a Phobl Eraill. 

 

Cyfeiriodd y Cyfreithiwr Arweiniol at yr wybodaeth atodol a ddosbarthwyd yn flaenorol yn uniongyrchol i'r Cadeirydd a oedd wedyn wedi'i dosbarthu i'r Pwyllgor gan Bobl Eraill.

 

Yn absenoldeb y Bobl Eraill, cyfeiriodd y Swyddog Trwyddedu at y sylwadau/ymhelaethiadau a oedd wedi'u cynnwys yn y pecyn agenda ac ystyriwyd hyn gan y Pwyllgor.

 

Mewn ymateb i gwestiynau, dywedodd yr Ymgeisydd a'r Trefnydd Digwyddiadau y canlynol:

 

1)    roedd y digwyddiadau blaenorol wedi digwydd o dan drwydded bresennol Castell Weble, a ddaeth i ben am 12:30 pm.

2)    Cytunir i leihau'r amseriadau.

3)    Byddai gwneud cais am drwydded yn caniatáu i'r Ymgeisydd gymryd rheolaeth dros yr elfennau penodol nad oedd ganddo reolaeth drostynt o'r blaen, fel y gwerthiant o'r bar a'r cyllid.  Fodd bynnag, nid oedd bwriad i newid natur bresennol y digwyddiad, sef un sy'n addas i'r teulu.

4)    Byddai'r digwyddiad yn cael ei gynnal o fewn un maes gyda mynedfeydd ar wahân i mewn ac allan ohono.  Doedd dim prinder parcio a byddai tîm o staff yn cynnwys personél diogelwch.

5)    Byddai'r digwyddiad yn para tridiau a defnyddir dydd Mercher a dydd Iau fel diwrnodau sefydlu ar gyfer gwerthwyr ac unigolion sy'n dymuno lleoli pebyll, a bydd llawer ohonynt yn dychwelyd ar y dydd Gwener.

6)    Ni fyddai unrhyw faterion yn codi ynghylch cyflenwi casgenni dŵr ychwanegol ar y safle.

7)    Roedd yr Ymgeisydd yn ymwybodol o'i rwymedigaethau o ran Tîm Rheoli'r Digwyddiad ac yn ymgysylltu â'r Grŵp Cynghori ar Ddiogelwch.

8)    Er nad oedd gwydr ar y safle, byddai gwydr yn cael ei ddefnyddio i arllwys hylifau i boteli plastig.  Roedd yr Ymgeisydd yn fodlon sicrhau na fyddai gwagio poteli'n digwydd yn hwyr yn y nos/yn gynnar yn y bore a dywedodd y byddai'n dilyn arweiniad y Pwyllgor.

 

I gloi, dywedodd yr Ymgeisydd fod y gwrthwynebiad mwyaf wedi bod mewn perthynas â'r newid mewn oriau o'i gymharu â digwyddiadau blaenorol ac nad oedd bwriad i gynyddu'r oriau o flynyddoedd blaenorol. Y newid sylweddol oedd bod yr Ymgeisydd wedi gwneud cais am y Drwydded yn hytrach na defnyddio'r Drwydded gyfredol a ddelir gan Gastell Weble.  Caniatawyd yr amseriadau ar gyfer twf posib yn y dyfodol a bod yn greadigol wrth weithredu mathau eraill o adloniant.

 

Ar ben hynny, cadarnhaodd yr Ymgeisydd ei barodrwydd i leihau'r oriau yn ôl yr angen ac nid ei fwriad oedd cynnal gŵyl sy'n aflonyddgar i breswylwyr.  Roedd y digwyddiad yn addas i'r teulu, a daeth preswylwyr lleol a busnesau lleol iddo.

 

Penderfynwyd eithrio'r wasg a'r cyhoedd o'r gwrandawiad yn unol â pharagraff 14 o Reoliadau Deddf Trwyddedu (Gwrandawiadau) 2005, fel y gall yr Is-bwyllgor gael cyngor cyfreithiol.

 

Diolchodd y Cadeirydd i'r cyfranogwyr am eu presenoldeb.

 

(Sesiwn Gaeëdig)

 

Trafododd yr aelodau'r materion ynghylch y cais.

 

(Sesiwn Agored)

 

Penderfynodd yr Is-bwyllgor ganiatáu'r cais ag addasiadau'n amodol ar amodau sy'n gyson â'r amserlen weithredu ac fel y'u haddaswyd i'w hystyried yn briodol ar gyfer hyrwyddo'r amcanion trwyddedu isod:

 

Cytuno i addasu

 

Cerddoriaeth Fyw a Cherddoriaeth wedi'i Recordio

Dydd Iau 1200 - 2330

Dydd Gwener - dydd Sadwrn 1200 - 0130

Dydd Sul 1200 - 0000

 

Lluniaeth yn Hwyr y Nos

Dydd Gwener - dydd Sadwrn 2300 - 0130

Dydd Sul 2300 - 0000

 

Cyflenwi alcohol

Dydd Iau 1200 - 2300

Dydd Gwener - dydd Sadwrn 1200 - 0100

 

Dilëwyd dydd Mercher gan fod yr Ymgeisydd wedi cadarnhau y bydd y digwyddiad yn un 4 diwrnod, felly ni fydd angen y dydd Mercher.

 

Cadarnhaodd yr ymgeisydd y byddant yn lleihau'r oriau pe bai angen - roedd oriau dydd Sul wedi gostwng 30 munud yn unol ag oriau Sul ar ddigwyddiadau blaenorol.

 

 

 

Amodau ychwanegol

 

·     Ni fydd unrhyw boteli gwydr yn cael eu symud i finiau ailgylchu/ardaloedd y tu allan rhwng 2100 awr a 0900 awr.

·     Ar gyfer digwyddiad 2024, addasir amod 10 i gydnabod bod y digwyddiad wedi'i drefnu mewn llai na 3 mis; dylai trefnwyr y digwyddiad ymgysylltu â'r Grŵp Cynghori ar Ddiogelwch  ar unwaith a chyflwyno CRhD cychwynnol.

 

Amodau fel y'u diwygiwyd

 

1.    Sicrhau bod goruchwyliwr dynodedig y safle ar y safle bob amser, gan wneud gwiriadau rheolaidd i sicrhau bod y polisïau sydd ar waith yn cael eu cynnal.

2.    Cynlluniau iechyd a diogelwch manwl ar waith i gynnal diogelwch yr holl gwsmeriaid, ymwelwyr, plant a staff.

3.    Iechyd a diogelwch pob ardal lluniaeth gyda thystysgrifau hylendid bwyd yn cael eu harddangos a'u goruchwylio i gynnal safonau glendid a diogelwch bwyd.

4.    Cyfathrebu ag awdurdodau lleol a sicrhau pob digwyddiad ei adrodd, ei gofnodi ac yr ymdrinnir ag ef, os bydd unrhyw ddigwyddiadau.

5.    Sicrhau bod staff sydd wedi cael hyfforddiant cymorth cyntaf ar y safle.

6.    Arwyddion yn amlinellu'n glir ein polisi dim goddefgarwch at ddefnyddio cyffuriau ac ymddygiad gwrthgymdeithasol.

7.    Bydd llyfr cofnodi achosion, yn nhrefn rifiadol, yn cael ei gadw yn y fangre sy'n dangos manylion dyddiad ac amser pob ymosodiad, niwed, damwain neu droadau allan, yn ogystal â manylion aelodau'r staff fu'n ymwneud â hyn, natur y digwyddiadau a'r cam gweithredu/canlyniad. Rhaid bod y llyfr ar gael i'w archwilio gan yr Heddlu a swyddogion awdurdodedig yr Awdurdod Trwyddedu.

8.    Bydd cynllun prawf oedran Her 25 yn cael ei weithredu yn y fangre lle bydd yr unig ffurfiau adnabod derbyniol yn dwyn eu ffotograff, dyddiad geni a marc holograffig.

9.    Cedwir cofnod yn rhoi manylion pob achos o wrthod gwerthu alcohol. Dylai'r cofnod gynnwys y dyddiad a'r amser y gwrthodwyd gwerthu alcohol ac enw'r aelod o staff a wrthododd ei werthu. Dylai'r cofnod fod ar gael i'w archwilio yn y fangre gan yr Heddlu neu swyddog awdurdodedig y cyngor ar bob achlysur pan fydd y fangre ar agor.

10. Caiff Cynllun Rheoli'r Digwyddiad ei gyflwyno i Grŵp Cynghori ar Ddiogelwch 3 mis cyn y digwyddiad. (2024 - cydnabyddir bod y digwyddiad wedi'i drefnu mewn llai na 3 mis o'r rhodiad hwn; dylai trefnwyr y digwyddiad ymgysylltu â'r Grŵp Cynghori ar Ddiogelwch ar unwaith a chyflwyno CRhD cychwynnol).

 

11. Ni chaniateir gweini diodydd mewn cynwysyddion gwydr ar unrhyw adeg.

12. Ni chaniateir i'r bobl sy'n bresennol gael unrhyw boteli gwydr ar y safle ar unrhyw adeg.

13. Cofrestr rifiadol fanwl wedi'i rhwymo o oruchwylwyr drysau i'w chynnal bob amser yn y fangre. Dylai cofrestr o'r fath gynnwys enw, rhif cofrestru, manylion cyswllt y staff wrth y drws ynghyd â'r dyddiad a'r amser y mae ar ddyletswydd ac oddi ar ddyletswydd. Dylid cyflwyno manylion llawn yr asiantaeth sy'n cyflenwi'r staff i'w cymeradwyo ynghyd â sicrhau bod y gofrestr ar gael i'w harchwilio ar gais gan swyddog awdurdodedig.

14. Bydd dŵr yfed am ddim ar gael ar draws y safle a bydd y dŵr yn cael ei brofi ymlaen llaw.

15. Bydd asesiad risg, ac asesiad risg sy'n benodol i dân yn cael ei gwblhau ar gyfer pob cam o'r ŵyl, gan gynnwys diwrnodau adeiladu, yn ystod y digwyddiad, a chyfnodau dadosod.

16. Bydd cyfeiriad a lleoliad unrhyw gerddoriaeth wedi'i mwynhau yn cael eu gosod yn y fath fodd i leihau effaith sŵn, gyda strwythurau dros dro ar waith i rwystro sŵn cymaint â phosib.

17. Bydd cynllun rheoli sŵn llawn ar waith (gan gynnwys teithiau cerdded o amgylch y perimedr a gwiriadau sain) a chaiff ei amlinellu yng nghynllun rheoli'r digwyddiad.

18. Bydd arwyddion yn amlinellu telerau ein trwydded ac ynghylch ein polisi dim goddefgarwch tuag at drosedd ac anhrefn.

19. Sicrhau bod y nifer digonol o oruchwylwyr drws ar y safle bob amser.

20. Gorfodi polisi chwilio bagiau wrth y fynedfa i sicrhau nad oes unrhyw eitemau peryglus nac arfau posib yn mynd i mewn i'r ardal gyhoeddus.

21. Darperir cwpanau a photeli plastig i leihau peryglon gwydr.

22. Sicrhau bod yr holl feysydd a ddefnyddir gan y cyhoedd wedi'u goleuo'n dda ac yn ddiogel i'w defnyddio gyda gwiriadau rheolaidd a bod y cyhoedd yn cael eu rhwystro rhag cael mynediad at yr holl ardaloedd staff/ardaloedd cefn.

23. Gofyn am ddulliau adnabod â llun wrth y fynedfa a chael proses band arddwrn â chôd lliw i adnabod cwsmeriaid o oedran cyfreithiol i yfed alcohol.

24. Hyfforddiant staff ar gyfer rheoli gwrthdaro a'u hysbysu o'n polisi ar gyfer gwasanaeth diogel a datrys unrhyw faterion iddynt.

25. Darparu radios ar gyfer cyfathrebu rhwng yr holl staff a staff diogelwch.

26. Cyflogi digon o weithwyr proffesiynol Awdurdod y Diwydiant Diogelwch a Chymorth Cyntaf.

27. Pwyntiau cyswllt lluosog i gwsmeriaid ddod o hyd i aelodau staff.

28. Sicrhau bod gennym ddigon o fesurau diogelwch tân, gan gynnwys cynllun gweithredu tân, man ymgynnull tân, mynediad clir i'r gwasanaethau brys ac ymatebwyr tân.

29. Amlinellu'r polisi iechyd a diogelwch yn glir ar gyfer pob aelod o staff, gan gynnwys hyfforddiant ar gyfer ein mesurau diogelwch os bydd argyfwng.

30. Cynnal asesiadau risg manwl ac atal peryglon a nodwyd ym mhob ardal.

31. Yswiriant staff ac atebolrwydd cyhoeddus.

32. Staff diogelwch yn patrolio'r ardal o fewn ac o amgylch y safle er mwyn sicrhau ymddygiad diogel a pharchus yn ogystal â sicrhau nad oes alcohol o fewn y man diogel.

33. Bydd ardaloedd staff yn cael eu cloi a'u rhwystro er diogelwch cwsmeriaid heb awdurdod.

34.   Gwiriadau rheolaidd ar lygredd sŵn drwy gymryd darlleniadau o fan dynodedig o amgylch y safle.

35.   Peidio â chaniatáu i gynwysyddion o alcohol gael eu hyfed y tu allan i'r fangre na'u cymryd o'r ardal oruchwyliaeth.

36.   Arwyddion yn hysbysu cwsmeriaid i fod yn dawel wrth adael y safle.

37.   Stiwardiaid sydd wedi'u dynodi i sicrhau bod gwastraff a sbwriel yn cael eu rheoli yn ystod ac ar ôl oriau gweithredu'r safle.

38.   Darparu digon o finiau gwastraff.

39.   Mae gennym bolisi bod yn rhaid i bob plentyn o dan 12 oed fod yng nghwmni oedolyn bob amser, a rhaid i blant dan 16 oed fod yng nghwmni oedolyn pan fydd mewn ardaloedd lle gellir yfed alcohol.

40.   Bydd deiliaid Trwydded Awdurdod y Diwydiant Diogelwch a/neu stiwardiaid wedi'u lleoli ger pob mynedfa ac allanfa i'r safle bob amser gan alluogi goruchwyliaeth ac atal unrhyw blant ar eu pen eu hunain rhag gadael y safle yn ogystal â rhoi lle amlwg diogel i bobl sydd ar goll neu sy'n agored i niwed ddod o hyd i aelod o staff.

41.   Bydd 3 prif bwynt wedi'u marcio'n glir yn y safle lle gall pobl fynd i ddod o hyd i aelodau staff ac arwyddion sy'n dangos yn glir sut i gysylltu â staff os oes pryderon am ddiogelwch plentyn (prif swyddfa, pabell ddiogelwch, cymorth cyntaf) yn ogystal â phob allanfa a mynedfa.

42.   Polisi dim goddefgarwch - os ydym yn credu ar unrhyw adeg y gallai fod risg diogelwch plant neu os oes unrhyw amheuaeth o gamymddygiad.

43.   Ni fydd unrhyw boteli gwydr yn cael eu symud i finiau ailgylchu/ardaloedd y tu allan rhwng 2100 awr a 0900 awr.

 

Rheswm dros y penderfyniad:

 

Nododd y pwyllgor nad oedd unrhyw sylwadau wedi'u derbyn gan Heddlu De Cymru, Safonau Masnach, Awdurdod Tân Canolbarth a Gorllewin Cymru, iechyd a diogelwch, yr awdurdod cynllunio, amddiffyn plant, yr Is-adran Llygredd, y bwrdd iechyd lleol, yr Awdurdod Trwyddedu neu'r Gwasanaethau Mewnfudo.

 

Nododd y Pwyllgor y derbyniwyd pum sylw gan Bobl Eraill. Roedd y sylwadau'n ymwneud ag atal trosedd ac anhrefn, diogelwch y cyhoedd, atal niwsans cyhoeddus ac amddiffyn plant rhag niwed.

 

Sail amlwg y sylwadau hynny yw'r niwsans o ganlyniad i sain wedi'i mwyafu gyda'r nos/wrth i bobl geisio cysgu.

 

Holodd y preswylwyr ynghylch yr angen am drwydded newydd a'r rhesymau dros y cynnydd yn nyddiau ac oriau trwyddedig cyflenwi alcohol yn unol â'r cais.

 

Nododd y Pwyllgor nad oedd unrhyw Bobl Eraill yn mynychu'r Pwyllgor yn bersonol. Fodd bynnag, derbyniwyd sylwadau estynedig yn ysgrifenedig, a darllenwyd a chydnabuwyd yr holl sylwadau gan y Pwyllgor.

 

 

 

Daeth y cyfarfod i ben am 10.57 am

 

 

Cadeirydd