Agenda a Chofnodion

www.abertawe.gov.uk/DatgeliadauBuddiannau

Yn unol â'r Côd Ymddygiad a fabwysiadwyd gan Ddinas a Sir Abertawe, ni ddatganwyd unrhyw gysylltiadau.

Cymeradwyo a llofnodi, fel cofnod cywir, gofnodion y cyfarfod blaenorol.

Penderfynwyd cymeradwyo a llofnodi cofnodion cyfarfod Pwyllgor Datblygu Polisi Pobl a gynhaliwyd ar 20 Mehefin 2018 fel cofnod cywir.

·       Lles-Fframwaith Strategaeth (Cyflwyniad);

·       Adborth ar yr Hyb Cymorth ACE – Digwyddiad Dysgu a Rennir (Llafar).

Rhoddodd Pennaeth y Gwasanaeth Dysgwyr Diamddiffyn gyflwyniad ar Les - Fframwaith Strategaeth sy'n ymwneud â'r ymagwedd strategol at les plant a phobl ifanc a oedd yn cynnwys cydnabod effaith profiadau niweidiol yn ystod plentyndod.

Amlinellodd y cefndir, y diffiniad o les, y weledigaeth, yr egwyddorion a'r model hyrwyddo, meithrin a chefnogi graddedig a'r Fframwaith Lles.

Awgrymodd fod y pwyllgor yn cymryd ymagwedd fwy trosgynnol o ran lles, yn hytrach na chanolbwyntio'n unig ar ymagwedd profiadau niweidiol yn ystod plentyndod. 

Awgrymodd y pwyllgor y pwyntiau canlynol:

·                 Mynegwyd pryder ein bod i'w gweld yn canolbwyntio ar blant yn unig, er bod profiadau trawmatig yn gallu effeithio ar blant pan fyddant yn oedolion;

·                 Mae Bwrdd Gwasanaethau Cyhoeddus Abertawe wedi cyhoeddi ei Gynllun Lles - mae angen i ni ei gysylltu â'n partneriaid, e.e. yr Heddlu, y gwasanaeth iechyd, y trydydd sector;

·                 Mae gwaith eisoes yn mynd rhagddo gydag 'Ysgolion sy'n Parchu Hawliau';

·                 Amlygwyd enghraifft o hyfforddiant ar iechyd meddwl plant a oedd yn dangos ar sleidiau ymennydd plentyn wedi'i ysgogi'n dda o'i gymharu ag ymennydd plentyn nad yw wedi'i ysgogi'n dda;

·                 Mae angen i bob athro, llywodraethwr a staff fod yn ymwybodol o'r hyfforddiant sylfaenol.  Mae'r mwyafrif o ysgolion yn gwneud hyn ond nid yw'n gyson;

·                 Mae angen ymagwedd amlasiantaeth - gellir nodi'r mwyafrif o'r plant hyn gan eu hysgolion felly dylid nodi'r rheiny sydd wedi cael profiadau niweidiol yn ystod plentyndod yn gynnar;

·                 2 fath o brofiadau niweidiol yn ystod plentyndod - y rheiny y gellir eu rhagweld a'r rheiny nad oes modd eu rhagweld;

·                 Y gwasanaethau mwyaf addas ar gyfer nodi achosion cynnar fyddai drwy gydweithwyr mewn gwasanaethau mamolaeth ac iechyd e.e. ymwelwyr iechyd;

·                 Hefyd, mae problem fawr gyda gofalwyr sy'n oedolion ifanc - nid ydynt yn ystyried bod bod yn ofalwr ifanc sy'n oedolyn yn enghraifft o brofiad niweidiol yn ystod plentyndod;

·                 Byddai'n dda gallu atal plant sy'n dioddef o brofiadau niweidiol yn ystod plentyndod rhag cael yr un problemau pan fyddant yn oedolion.

Nododd Simon Jones, Swyddog Gwella Perfformiad a Strategaeth y Gwasanaethau Cymdeithasol, fod Hwb Cefnogi Profiadau Niweidiol yn ystod Plentyndod sydd â chynrychiolwyr yn y gwasanaeth iechyd, yr Heddlu a'r trydydd sector y gellir ei ddefnyddio os bydd angen. 

Nododd Pennaeth y Gwasanaeth Dysgwyr Diamddiffyn mai'r opsiwn a ffefrir oedd i brofiadau niweidiol yn ystod plentyndod fod yn rhan o'r Strategaeth Lles gyda ffrwd waith o gwmpas profiadau niweidiol yn ystod plentyndod er mwyn datblygu sgiliau megis hyfforddi'r hyfforddwr.  Gallai fod cynllun gweithredu wedi hynny i ddatblygu ymwybyddiaeth o brofiadau niweidiol yn ystod plentyndod ar draws y Gwasanaethau Cymdeithasol ac Addysg er mwyn cwmpasu camau gweithredu fel rhan o'r ffrwd waith a fyddai'n cyfrannu at y Strategaeth Lles ehangach.  Byddai hefyd yn nodi lle gwnaed cynnydd.

Ystyriodd y pwyllgor a ddylid parhau â'r Cynllun Gwaith fel y cytunwyd arno'n flaenorol neu a oes angen ei newid ychydig er mwyn cefnogi'r 'Is-grŵp Ymddwyn yn Dda' er mwyn datblygu'r Strategaeth Lles ehangach. 

Cytunodd y pwyllgor y dylid canolbwyntio ar ganlyniad cyraeddadwy, megis canolbwyntio ar sicrhau bod ymagwedd gyson ar gyfer pob aelod o staff, llywodraethwr, athro a chynghorydd mewn perthynas â hyfforddiant sy'n gysylltiedig â phrofiadau niweidiol yn ystod plentyndod. 

Gallai'r pwyllgor hefyd gael ei ddiweddaru am cynnydd y Strategaeth Lles fel y bo angen. 

Diolchodd y Cadeirydd i Bennaeth y Gwasanaeth Dysgwyr Diamddiffyn am ei gyflwyniad.

Penderfynwyd:

1)              Nodi'r cyflwyniad;

2)              Y bydd Simon Jones, Swyddog Gwella Perfformiad a Strategaeth y Gwasanaethau Cymdeithasol, yn bresennol yn y cyfarfod nesaf i ystyried ymhellach oblygiadau i ddinasyddion o ran profiadau niweidiol yn ystod plentyndod.

Cyflwynodd y Cadeirydd y Cynllun Gwaith ar gyfer 2018-2019.

Penderfynwyd y dylid nodi'r Cynllun Gwaith.