Agenda a Chofnodion
- Manylion Presenoldeb
- Taflen flaen Agendâu PDF 127 KB
- Papurau ar gyfer y cyfarfod hwn mewn pecyn PDF PDF 4 MB
- Cofnodion a argraffwyd PDF 414 KB
- Llythyr at Aelod y Cabinet - Economi a Strategaeth PDF 1 KB
- Llythyr at Aelod y Cabinet - Cyflwyno a Pherfformiad PDF 1 KB
- Ymateb Aelod y Cabinet - Economi a Strategaeth PDF 1 KB
Lleoliad: Ystafell Bwyllgor 5 - Neuadd y Ddinas, Abertawe. Cyfarwyddiadau
Cyswllt: Craffu 637732
Rhif | Eitem |
---|---|
Datgeliadau o fuddiannau personol a rhagfarnol Cofnodion: Dim |
|
Dogfennau ychwanegol:
Cofnodion: Derbyniwyd y
llythyrau a'r cofnodion gan y panel. |
|
Cwestiynau gan y Cyhoedd Cofnodion: Dim |
|
Abertawe Gynaliadwy - yn addas i'r dyfodol: cynigion cyllidebol 2020/21 - 2023/24. PDF 763 KB Cofnodion: Diolchodd y Panel
i Aelod y Cabinet dros yr Economi a Strategaeth a'r Prif Swyddog Cyllid am ddod
i’r cyfarfod i drafod yr adroddiad ar Gynigion Cyllidebol. Nodwyd y pwyntiau
canlynol o'r drafodaeth: ·
Oherwydd
yr Etholiad Cyffredinol a gynhaliwyd ar 12 Rhagfyr, gohiriodd Llywodraeth Cymru
ei chyhoeddiadau ar y gyllideb a'r setliad dros dro tan 16 Rhagfyr 2019.
Gwnaeth hyn y broses gyllidebol yn hynod heriol ac ansicr. ·
Mae
graddfa'r cynnydd mewn cyllid i lywodraeth leol ar gyfer 2020-21 sydd bellach
yn hysbys, ar ei uchaf ers dros ddegawd. Mae'n hynod ddefnyddiol - am fod y
cynnydd yn wahanol i setliadau diweddar gan ei fod yn caniatáu llawer mwy o
ddewis dros flaenoriaethau cymharol, ymrwymiadau cyllidebol a lefelau trethiant
lleol ar gyfer 2020-21. Dywedodd Aelod y Cabinet dros yr Economi a Strategaeth
mai'r gobaith yw y gellir cynnal y newid hwn mewn pwyslais a chyllid yn y tymor
canolig i'r tymor hwy er mwyn caniatáu i'r cyngor gynnal, datblygu ac ehangu
gwasanaethau hanfodol i'r cyhoedd. ·
Disgwylir
y ffigurau terfynol ar gyfer 2020/21 ac unrhyw gyhoeddiadau posib ar
oblygiadau’r flwyddyn nesaf gan Lywodraeth Cymru ar 25 Chwefror. ·
Addysg
yw’r maes cyllid mwyaf o hyd yng nghyllideb refeniw'r cyngor a bydd yn parhau i
fod yn flaenoriaeth allweddol i'r cyngor. Y bwriad yw y bydd cynnydd
arfaethedig o 6.5% (9.7 miliwn o bunnoedd) yng nghyllid craidd ysgolion. Mae
hwn yn bennaf ar gyfer ariannu cyflogau athrawon a chostau pensiwn. ·
Clywodd
y Panel nad yw'r penderfyniad ynghylch y cynnydd yn Nhreth y Cyngor eleni
wedi'i wneud eto. Clywodd y Panel fod y rhagdybiaeth gynllunio ar gyfer Treth y
Cyngor hyd at 5% ond bod y cynnyrch cyffredinol yn uwch fyth, ac roedd hynny
oherwydd nad oedd gostyngiad ar gartrefi gwag mwyach, y premiymau 100% ar
gartrefi gwag tymor hir a thwf yn y sylfaen dreth. Yn ogystal â hyn, mae Treth
y Cyngor yn cyfrif am ychydig dros 25% o'r incwm a gafodd y cyngor a oedd yn
cyfateb y llynedd i 122 miliwn o bunnoedd, gyda'r Grant Cynnal Refeniw gan
Lywodraeth Cymru yn werth 242 miliwn o bunnoedd a Chyfraddau Busnes yn codi 80
miliwn o bunnoedd. Amlygwyd hefyd bod yn rhaid i ni ariannu cynllun gostyngiad
Treth y Cyngor o 22 miliwn o bunnoedd sydd wedi'i dargedu at grwpiau incwm is
ac nad yw'n cael ei ariannu'n llawn gan Lywodraeth Cymru. Dywedodd y Cynullydd
fod nifer o breswylwyr wedi cyfleu pryderon iddo ynglŷn â fforddadwyedd presennol Treth y Cyngor a'r effaith y byddai
cynnydd pellach yn ei gael arnynt. Gofynnodd a yw’r awdurdod lleol yn cynnal
gwerthusiad ar fforddadwyedd, a dywedodd Aelod y
Cabinet y cynhelir asesiad effaith ar gydraddoldeb ynghyd ag ymgynghoriad cyn y
gwneir penderfyniad ar unrhyw gynnydd. ·
Gofynnwyd
i Aelod y Cabinet a chysylltwyd â Grwpiau Amgylcheddol mewn perthynas â'r
ymarfer ymgynghori ar y gyllideb ac atebodd gan ddweud y byddai'n mynd ar
drywydd y mater er mwyn sicrhau ei fod yn digwydd. ·
Codwyd
y mater o gynnydd mewn ffïoedd a thaliadau mewn
perthynas â gwasanaethau profedigaeth, a chlywon nhw fod taliadau cyngor yn yr
ardal hon yn fach o'u cymharu â chostau cyffredinol angladdau. Mae Abertawe'n ymwybodol o'i safle mewn perthynas â chynghorau
eraill. ·
Clywodd
y Panel am effaith y cynigion arbedion ar swyddi yn 20/21. Clywon nhw fod y
gostyngiad mewn niferoedd yn llawer llai na'r hyn a fu yn ystod y blynyddoedd
diwethaf ac y gwneir pob ymdrech i leihau'r ffigur hwn a roddir yn yr
adroddiad. ·
Gofynnodd
y Panel am yr arbediad arfaethedig o 1/4 miliwn o bunnoedd a gynigiwyd ar gyfer Cludiant o'r Cartref i'r Ysgol. Clywodd
y Panel fod y cyngor yn parhau i geisio cael y gwerth gorau am arian ar gyfer
ei wasanaethau cludiant, a bod costau Cludiant o'r Cartref i'r Ysgol yn
sylweddol. Mae'r cyngor wedi aildrafod cytundebau ac
yn parhau i wneud hynny gan sicrhau ymagwedd gydlynol at gludiant ar draws y
cyngor. ·
Clywodd
y Panel y byddai Abertawe'n sicrhau bod unrhyw
gyfleoedd grantiau a ddaw trwy weithio’n rhanbarthol yn talu ein costau ac yn
darparu’r budd mwyaf i Abertawe. ·
Roedd
y Panel am wybod mwy am y llinell cynigion arbedion dan Dlodi a'i Atal y
Gwasanaethau Cymdeithasol sef £40,000, sy'n dweud am adleoli staff o Dŷ
Alexandra i ryddhau arian grant o Dechrau'n Deg a Theuluoedd yn Gyntaf. ·
Codwyd
y mater o barhau i dynnu symiau ariannol o'r arian wrth gefn ar gyfer
yswiriant. Clywodd y Panel fod y Swyddog Adran 151 wedi caniatáu i symiau
ariannol gael eu tynnu o'r arian wrth gefn ar gyfer yswiriant lle y bo'n
briodol, a’i fod yn cael cyngor proffesiynol am ein harian wrth gefn ar gyfer
yswiriant. Clywyd hefyd fod gan y cyngor
yswiriant digonol ar hyn o bryd ar gyfer 9 o bob 10 mlynedd o hawliadau
yswiriant posib ac ystyriwyd bod hyn yn ddoeth iawn o hyd. ·
Ni
chyflawnwyd tua 20% o arbedion gwreiddiol eleni fel y disgwyliwyd yn wreiddiol
ond mae'r mwyafrif o gyfarwyddiaethau wedi gwneud
arbedion sylweddol mewn ffyrdd eraill. Mae'r Cyfarwyddwr Addysg yn dal i
weithio ar gynigion arbedion pellach i helpu i leihau’r gorwariant a ragwelir
yn y Gyfarwyddiaeth honno. Clywodd y Panel fod disgwyl i adroddiad monitro
cyllideb y 3ydd chwarter ddangos cynnydd mawr i leihau ffigur gorwario'r
gwasanaeth cyffredinol yn y flwyddyn. |
|
Monitro Refeniw a'r Gyllideb Gyfalaf - Chwarter 2af 2019/20 PDF 356 KB Dogfennau ychwanegol: Cofnodion: Roedd y Rheolwr
Perfformiad Corfforaethol yn bresennol yn y cyfarfod i gyflwyno Adroddiad
Monitro Perfformiad Chwarter 2 ac ateb cwestiynau. Amlygwyd y dangosyddion a'r
materion canlynol i'w trafod: ·
Mae
49% o ddangosyddion wedi taro’u targedau ac mae 39%
ohonynt yn dangos gwelliannau; mae hyn yn dangos dirywiad mewn perfformiad o'r
chwarter cyfatebol y llynedd. Mae llai o ddangosyddion yn dangos gwelliant yn
gyffredinol o'i gymharu â'r adeg hon y llynedd. ·
AS13a
- Nifer y gofalwyr (18+) a dderbyniodd asesiad gofalwr yn eu rhinwedd eu
hunain yn ystod y flwyddyn. 52 o asesiadau gofalwyr yn llai wedi'u cwblhau
o’u cymharu â 2018/19. Priodolwyd hyn yn uniongyrchol i'r lefelau salwch o fewn
yr hybiau integredig; mae'r rhain yn cael eu rheoli a'r gobaith yw y bydd
gwelliant yn y chwarter nesaf. ·
AS9 -
Canran yr Asesiadau Diogelu Rhag Colli Rhyddid a gwblhawyd mewn 21 diwrnod
neu lai. Mae perfformiad wedi gostwng o'i gymharu â chwarteri blaenorol ond
bydd hyn yn gwella gyda staff parhaol yn hytrach na staff yn cylchdroi. Roedd y
panel am wybod mwy ynghylch pryd y bydd hyn yn digwydd. ·
CFS18
- Cyfradd y Plant sy'n Derbyn
Gofal (PDG) fesul 10,000 o’r boblogaeth Abertawe 0-17 oed ar ddiwedd y cyfnod
ac CFS2 - Nifer y Plant sy'n Derbyn Gofal (PDG) ar ddiwedd y cyfnod. Mae
gostyngiad wedi bod yn ddiweddar yn y boblogaeth PDG ac mae'n sefydlogi. Mae
strategaeth lleihau PDG mewn modd diogel ar waith sy'n cael ei monitro'n fisol
trwy'r cyfarfod strategol PDG. Mae'r pwysau cyfredol yn ymwneud â phlant dan 2
oed. ·
Mesur
19 - Cyfradd gohirio trosglwyddo gofal am resymau gofal cymdeithasol fesul
1,000 o’r boblogaeth 75+ oed. Mae prinder staff o fewn y sector gofal cartref yn parhau i gael effaith ar
y gwasanaeth hwn. Fodd bynnag, yn ddiweddar maen nhw wedi aildendro'r
gwasanaeth gan rannu'r darparwyr yn barthau daearyddol y disgwylir iddynt gael
effaith gadarnhaol ar oedi. ·
BBMA4
- Nifer y prentisiaethau neu hyfforddeion sy'n dechrau yn y cyngor. Mae'r
dangosydd hwn yn cofnodi dechreuadau newydd ac mae'n cael ei adolygu ar hyn o
bryd i gynnwys strategaeth prentisiaid a hyfforddeion ehangach. Bydd hyn yn
cynnwys recriwtio hyfforddeion a phrentisiaethau mewn gwaith nad ydynt yn cael
eu cofnodi ar hyn o bryd. ·
EDU015b
- Canran y datganiadau o anghenion addysgol arbennig (AAA) terfynol a
roddwyd o fewn 26 wythnos gan gynnwys eithriadau. Mae'r chwarter hwn yn
cynnwys gwyliau ysgol pan fo llai o staff, fodd bynnag, mae problemau gallu yn
y tîm oherwydd maint y gwaith gweithredol beunyddiol yn ogystal ag ôl-groniad o
ddatganiadau sy'n effeithio ar allu'r tîm i leihau'r ôl-groniad a gwella'r
Dangosyddion Perfformiad. Yn ail, system bapur a ddefnyddir yn bennaf ac nid
oes staff ar gael i adolygu systemau i wella effeithlonrwydd heb beryglu
dyletswyddau statudol yr All ymhellach. ·
POV07
– Nifer yr wythnosau o hyfforddiant a chyflogaeth sydd wedi’u creu gan YTHFM
ar gyfer pobl a oedd yn ddi-waith neu’n anweithgar yn economaidd. Mae hwn
27% yn is na'r llynedd. Bu oedi cyn dechrau nifer o brosiectau, sydd wedi
lleihau nifer y cyfleoedd ar gyfer gwaith hyfforddi. Rhagwelir y byddant yn dal
i fyny â'r oedi hwn yn yr wythnosau a'r misoedd nesaf. ·
HBCT01a
- Cyflymder prosesu Budd-daliadau Tai, yr amser cyfartalog ar gyfer prosesu hawliadau
newydd. Gostyngiad mewn perfformiad, yn ôl y disgwyl, oherwydd bod llai o
adnoddau ac oherwydd bod yr achosion mwy cymhleth yn parhau yn y maes budd-dal
tai ac achosion haws yn cael eu trosglwyddo i Gredyd Cynhwysol. ·
HBCT01b
- Cyflymder prosesu Budd-daliadau Tai, yr amser cyfartalog ar gyfer prosesu
hysbysiad o newid mewn amgylchiadau. Gostyngiad bach mewn perfformiad, yn
ôl y disgwyl, oherwydd bod llai o adnoddau. ·
HBCT02a
– Cyflymder prosesu Gostyngiad treth y cyngor, yr amser cyfartalog ar gyfer
prosesu hawliadau newydd. Yn ôl y disgwyl, mae gostyngiad wedi bod mewn
perfformiad oherwydd y bu newid yn y broses, a gynyddodd
y gostyngiadau Treth y Cyngor a roddwyd
i unigolion ar draul gostyngiad ymddangosiadol mewn ystadegau perfformiad. Mewn
gwirionedd, nid yw'r gwasanaeth i ymgeiswyr wedi gwaethygu. ·
HBCT02b
- Cyflymder prosesu Treth y Cyngor, yr amser cyfartalog ar gyfer prosesu
hysbysiad o newid mewn amgylchiadau. Gostyngiad bach mewn perfformiad, yn
ôl y disgwyl, oherwydd bod llai o adnoddau. Roedd y Panel am wybod mwy am y rhain ar gyfer dangosyddion HBCT gan ofyn
i'r adran am rannau elfennol i'r dirywiad hwn. ·
CHR002
– Nifer y diwrnodau gwaith/shifftiau cyfwerth ag amser llawn a gollwyd
oherwydd absenoldeb salwch. Mae data'n cael ei adolygu ar hyn o bryd ac mae
Polisi Rheoli Absenoldeb newydd hefyd yn cael ei adolygu. Mae cynigion hefyd
wedi'u hanfon at y Tîm Rheoli Corfforaethol ar gyfer amcanion wedi'u targedu er
mwyn lleihau salwch yn y tymor hwy. Hoffai'r panel weld dadansoddiad o'r dangosydd
fesul adran a phroblem. ·
FINA6
- Canran arbedion ac incwm refeniw'r gronfa gyffredinol a nodwyd ar gyfer y
flwyddyn o'u cymharu â'r gyllideb a gymeradwywyd yn wreiddiol. Mae'r Tîm
Rheoli Corfforaethol yn parhau â'r disgwyliad bod yn rhaid cadw gwariant gwasanaethau
a gwariant net cyffredinol o fewn y terfynau perthnasol ar gyfer cyllideb y
flwyddyn gyfredol fel y'u pennwyd gan y cyngor. ·
Clywodd
y Panel hefyd am y pedwar dangosydd sy’n ymwneud â'r amgylchedd a bioamrywiaeth
yr adroddir amdanynt yn flynyddol. Byddant yn cynnwys: Gostyngiad Carbon, nifer
y coed a blannwyd, ardaloedd o flodau gwyllt a heuwyd ac ansawdd dŵr.
Hoffai'r Panel weld y disgrifyddion ar gyfer y rhain
gan gynnwys sut y cawsant eu dewis a'u rhoi at ei gilydd. ·
Trafodwyd
y Gweithgor Bioamrywiaeth Corfforaethol a chodwyd pryderon nad oes dull adrodd
uniongyrchol ar gyfer hyn ar hyn o bryd mewn unrhyw gyfarfodydd cynghorwyr.
Bydd Cynullydd Panel Craffu yr Amgylchedd Naturiol yn mynd ar drywydd hyn. ·
Codwyd
hefyd fater craffu ar benderfyniadau a ddirprwyir a pha mor amlwg yw’r broses
benderfynu yn y cyngor gan aelod o'r Panel a ddywedodd hefyd fod yr Adran
Gyfreithiol yn ystyried sut y gall yr aelodau craffu weld y rhain. |
|
Cynllun Gwaith 2019/20 PDF 266 KB Cofnodion: Ystyriodd y Panel
y rhaglen waith. |
|
Llythyr at Aelod y Cabinet - Economi a Strategaeth PDF 324 KB |
|
Llythyr at Aelod y Cabinet - Cyflwyno a Pherfformiad PDF 324 KB Dogfennau ychwanegol: |
|