Agenda a Chofnodion

www.abertawe.gov.uk/DatgeliadauBuddiannau

Ni ddatgelwyd unrhyw fuddiannau

Cymeradwyo a llofnodi, fel cofnod cywir, gofnodion y cyfarfod blaenorol.

Cymeradwywyd cofnodion cyfarfod y panel a gynhaliwyd ar 6 Medi 2017 fel cofnod cywir

Derbyniwyd.

Rhian Millar – Cydlynydd Ymgynghori

Ann Williams – Gweinyddwr Rhwydwaith 50+

4. Roedd Rhian Millar, Cydlynydd Ymgynghori, ac Ann Williams, Swyddog Datblygu Polisi Cydraddoldeb, yn bresennol er mwyn briffio'r panel ar Adroddiad Blynyddol Safonau'r Gymraeg 2016/17.

Pwyntiau allweddol a godwyd

• Daeth y safonau i rym ym mis Mawrth 2016 ac mae'r Adroddiad Blynyddol yn orfodol
• Mae llawer o gefnogaeth ar gael i staff, gan gynnwys hyfforddiant a Hyrwyddwr y Gymraeg ym mhob adran.
• Mae yna gynllun amlinellol 5 mlynedd i gynyddu nifer y siaradwyr Cymraeg - mae asiantaethau allanol megis Menter Iaith wedi cael eu cynnwys
• Y Prif Weithredwr a'r Tîm Rheoli Corfforaethol sy'n gyfrifol a Mynediad i Wasanaethau yw'r pwynt cyswllt cyntaf
• Mae cortynnau gwddf 'siarad Cymraeg' ar gael gan y staff diogelwch a gwnaed gwaith i sefydlu grwpiau
• Cafwyd cynnydd a gwelliant o ran deall yr angen i gydymffurfio a defnyddio gwasanaethau cyfieithu yn gywir

Cwestiynau a thrafodaethau dan sylw

• Roedd y panel yn hoffi'r cortynnau gwddf sy'n nodi eich bod chi'n siaradwr Cymraeg neu'n dysgu'r Gymraeg a gofynnwyd p'un a yw'r Cynghorwyr yn gwybod amdanynt.
• Gofynnodd y panel os yw'r Adroddiad Blynyddol ar gael yn y Gymraeg
• Gofynnodd y panel i newidiadau yn unig gael eu hadrodd i'r panel yn flynyddol yn hytrach na'r Adroddiad Blynyddol llawn.
• Mae Safon 33 yn mynnu bod gwasanaethau cyfieithu ar gael mewn cyfarfodydd cyhoeddus. Bu trafodaeth am ystyr cyfarfod cyhoeddus.

Camau gweithredu

• Lledaenu gwybodaeth am gortynnau gwddf i'r holl gynghorwyr drwy'r Gwasanaethau Democrataidd
• Anfon dolen i fersiwn Gymraeg yr Adroddiad Blynyddol i'r panel
• Bydd Ann Williams yn egluro ystyr 'cyfarfod cyhoeddus'. Rhoi'r diweddaraf i'r panel.

Richard Rowlands – Rheolwr Perfformiad Corfforaethol

5. Daeth Richard Rowlands, Rheolwr Perfformiad Corfforaethol, i'r cyfarfod er mwyn briffio'r panel ar Chwarter 1 Adroddiad Monitro Perfformiad 2017/18.

Pwyntiau allweddol a godwyd

• Mae AS9 (Canran yr asesiadau Diogelu rhag Colli Rhyddid a gwblhawyd mewn 21 diwrnod neu lai) yn bryder barhaol - sefydlir tîm newydd i fynd i'r afael â hyn.
• Cyfanswm nifer y staff sy'n gwneud yr hyfforddiant ymwybyddiaeth o ddiogelu corfforaethol hanfodol yw 176 yn erbyn targed o 200 - mae angen ymdrech i gynyddu'r ffigur hwn.
• Mae CUST5/CUST6/SUSC2 yn dangos gostyngiad o'i gymharu â Chwarter 1 2016/17. Mae'r wybodaeth hon yn seiliedig ar arolygon canfyddiad.
• Nododd Prif Swyddog y Gwasanaethau Cymdeithasol, yn ei drosolwg yn yr adroddiad, fod pryderon am nifer y plant a phobl ifanc y mae angen cefnogaeth gwasanaethau plant statudol arnynt a bod nifer uwch o blant sy'n derbyn gofal, a welir ym mheth o ddata'r adroddiad. Mae Prif Swyddog y Gwasanaethau Cymdeithasol hefyd yn nodi yn yr adroddiad fod hyn yn amlygu pwysigrwydd gwasanaethau atal a dargedir yn gywir.

Cwestiynau a thrafodaethau dan sylw

• Yr angen i gynyddu nifer y staff sy'n gwneud yr hyfforddiant diogelu.
• Sut gwneir arolygon canfyddiad - pryd, pa fformat, y pwysigrwydd a roddir i gwestiynau, etc.
• Canfyddiad y cyhoedd o'r cyngor pan fydd staff yn smygu tu allan - y polisi ynghylch hyn
• Mae Panel Perfformiad Craffu y Gwasanaethau Plant a Theuluoedd yn parhau i ganolbwyntio ar lefel y galw a brofir gan y Gwasanaethau Plant a Theuluoedd.

Camau gweithredu

• Ychwanegu eitem i'r cynllun gwaith i wahodd Lee Wenham a Chris Sivers i'r panel i drafod arolygon canfyddiad a'u proses.
• Cysylltu â Steve Rees i sefydlu polisi smygu i staff - gan gysylltu â chanfyddiad y cyhoedd o Gyngor Abertawe.

Uned Ddata Llywodraeth Leol

6. Trafodwyd crynodeb o berfformiad Llywodraeth Leol.

Pwyntiau Allweddol

• Mae gan Abertawe 6 dangosydd yn y chwarter uchaf, 3 yn y chwarter isaf, 2 yn y chwarter canol uchaf a 2 yn y chwarter canol isaf.

Cwestiynau a thrafodaethau dan sylw

• Tirlenwi, tipio anghyfreithlon a gwastraff dinesig - mae'r sgorau i weld yn isel o ystyried bod yr Adran Wastraff wedi derbyn gwobr am berfformiad y flwyddyn ddiwethaf.
• Roedd y panel yn siomedig bod y mesur o ran nifer y diwrnodau a gymerir i gyflwyno cyfleusterau i bobl anabl dal i fod yn 22 o 22.

Camau gweithredu

• Anfon dolen i Adroddiad Perfformiad Llywodraeth Leol 2016/17 llawn i'r panel
• Gofyn i Steve Rees gynnwys adborth ar berfformiad tipio anghyfreithlon a gwastraff dinesig yn ei Ymweliad Craffu nesaf.
• Cael adborth ar berfformiad mewn perthynas â Grantiau Cyfleusterau Anabl.

• Atgoffwyd y panel am gyfarfod ychwanegol ar 16 Hydref ar gyfer Adolygiad Comisiynu Diogelu'r Cyhoedd.
• Ychwanegu eitem mewn perthynas ag Arolygon Canfyddiad y Cyhoedd gyda Lee Wenhan a Chris Sivers.
• Ychwanegu eitem ychwanegol i'r Adroddiad Ailgylchu a Thirlenwi Blynyddol i esbonio'r sgorau isel yn yr Adroddiad Llywodraeth Leol.