Agenda a Chofnodion

www.abertawe.gov.uk/DatgeliadauBuddiannau

Dim

Dim

Cymeradwywyd y cofnodion a derbyniwyd y llythyr ar gyfer 9 Rhagfyr 2021.

Rhaid cyflwyno cwestiynau’n ysgrifenedig, cyn hanner dydd ar y diwrnod gwaith cyn y cyfarfod fan bellaf. Rhaid i gwestiynau ymwneud ag eitemau ar yr agenda.

Ni ofynnwyd unrhyw gwestiynau gan y cyhoedd.

Yn bresennol bydd Pennaeth a Chadeirydd Llywodraethwyr Ysgol Gyfun Penyrheol

Cyfarfu'r Panel â'r Pennaeth Damian Benney a Chadeirydd y Llywodraethwyr Jeff Bowen o Ysgol Gyfun Penyrheol i drafod perfformiad yr ysgol a’i a thaith wella.  Nodwyd y canlynol:

·       Diolchodd y Panel i'r Pennaeth am ei drosolwg manwl ac am ei atebion i'n rhestr o gwestiynau a anfonwyd i'r ysgol cyn y cyfarfod.

·       Croesawodd y Panel y cynnydd cyffredinol a wnaed yn yr ysgol ers Arolygiad Estyn.  Roeddent yn arbennig o awyddus i glywed am y cynnydd sy'n cael ei wneud mewn perthynas â rhai o'r pum argymhelliad Estyn a gynhwyswyd yn yr adroddiad hwnnw. Yn enwedig y cynnydd a wnaed ym meysydd llythrennedd a rhifedd a chynllunio i fynd i'r afael ag addysgu ac asesu.

·       Roedd y Panel yn arbennig o falch o glywed am y canlynol:

­   Y pwyslais clir ar wella dysgu ac addysgu ar draws y cwricwlwm

­   Cael disgyblion i feddwl yn ddyfnach am gynnwys pwnc fel rhan o'u hysgrifennu drwy alinio addysgu ysgrifennu a datblygu ysgrifennu ar draws y cwricwlwm yn uniongyrchol

­   Defnyddio strategaethau cadarnhaol i wella ymddygiad disgyblion ac agweddau at ddysgu

­   Mae'r Cynllun Gwella Ysgol Dros Dro yn canolbwyntio'n glir ar les ac ymddygiad disgyblion

­   Cydnabod pwysigrwydd dysgu a datblygiad proffesiynol parhaus i'r holl staff addysgu

­   Parodrwydd i weithio gydag ysgolion eraill, yn ogystal â rhannu gwybodaeth, dysgu a phrofiad

­   Defnyddio mentrau ac ymyriadau yr ymchwiliwyd iddynt sy'n seiliedig ar dystiolaeth

­   Pennaeth gweithredol cadarnhaol a brwdfrydig sydd wedi dangos ei fod yn hapus i weithio gydag ysgolion eraill a'r awdurdod lleol er mwyn gwella deilliannau i ddisgyblion

­   Corff llywodraethu cryf a chefnogol sy'n amlwg yn ymwybodol o'u rôl i herio ond hefyd gefnogi'r ysgol.

·       Clywodd y Panel fod llawer o'r swyddi uwch-reolwyr yn yr ysgol yn rhai dros dro ar hyn o bryd neu’n weithredol. 

·       Roedd y Panel yn bryderus i glywed am y cynnydd mewn problemau sy'n ymwneud ag ymddygiad ers dechrau'r pandemig ond fe'u calonogwyd i glywed bod yr ysgol wedi bod yn defnyddio nifer o strategaethau gwahanol i fynd i'r afael â hyn a diolchwyd i'r Pennaeth am ei asesiad gonest o'r sefyllfa.

·       Clywodd y Panel fod y Cynllun Gwella Ysgol yn un dros dro ar hyn o bryd, gyda'r diben o weithio drwy'r pandemig a chanolbwyntio'n glir ar les ac ymddygiad. Clywodd y Panel hefyd gan y Cyfarwyddwr fod strategaeth ymddygiad gadarnhaol yn Abertawe ac mae llwyddiant hyn yn dibynnu'n fawr ar sut mae hyn yn gweithio'n ymarferol a bod croeso mawr i fewnbwn parhaus i wella hyn drwy brofiad a ddysgwyd.

·       Calonogwyd y Panel i glywed gan y Pennaeth, fod y gefnogaeth a gafwyd gan yr awdurdod lleol wedi bod yn rhagorol gan gynnwys adnoddau dynol, y Gyflogres a Chyllid. Dywedodd hefyd fod y Cynghorydd Gwella Ysgolion a glustnodwyd wedi bod yn rhagorol wrth ei gefnogi ef a’r ysgol ac wrth ddarparu her gadarnhaol.  Teimlai hefyd y gefnogaeth gan Benaethiaid eraill yn Abertawe ac mae'r cyfleoedd datblygu a gynigiwyd iddo, fel pennaeth newydd, wedi bod yn wych wrth ei helpu i ddatblygu yn ei rôl newydd. 

·       Dywedodd Cadeirydd y Llywodraethwyr fod y cydweithio rhwng ysgolion yn Abertawe yn drawiadol. 

·       Roedd y Panel yn falch o glywed bod yr ysgol yn rhannu ac yn defnyddio arfer gorau drwy ddefnyddio'r rhwydweithiau niferus a'r gefnogaeth sydd ar gael iddynt. 

Llongyfarchodd y Panel y Pennaeth, y Corff Llywodraethu a staff yr ysgol am eu gwaith caled parhaus wrth symud yr ysgol yn ei blaen, yn enwedig o ystyried yr anawsterau a'r heriau a achoswyd gan y pandemig.

Mae cyfarfod y Panel ar 24 Mawrth am 4pm wedi'i symud a chaiff ei gynnal bellach ddydd Mawrth 15 Mawrth am 2pm.

Daeth y cyfarfod i ben am 5.40pm