Agenda a Chofnodion

www.abertawe.gov.uk/DatgeliadauBuddiannau

 

Dim

Dim

Derbyniwyd cofnodion y cyfarfod a gynhaliwyd ar 24 Mehefin 2021.

 

Rhaid cyflwyno cwestiynau’n ysgrifenedig, cyn hanner dydd ar y diwrnod gwaith cyn y cyfarfod fan bellaf. Rhaid i gwestiynau ymwneud ag eitemau ar yr agenda.

 

Ni ofynnwyd unrhyw gwestiynau gan y cyhoedd.

 

Gwahoddwyd dwy ysgol, Gareth Rees, Ysgol Gyfun Pontarddulais ac Helen Burgum, Ysgol Gyfun yr Esgob Gore

Gwahoddodd y Panel ddau Bennaeth o wahanol ysgolion uwchradd mewn gwahanol rannau o Abertawe i drafod sut maent yn defnyddio'r arian a ddirprwywyd iddynt fel rhan o'r strategaeth ymddygiad.  Roeddent am ddarganfod sut mae ysgolion yn defnyddio'r arian hwn i leihau atgyfeiriadau i Wasanaethau Addysg Heblaw yn yr Ysgol, i ailgyflwyno disgyblion yn ôl i ysgolion ar ôl mynychu gwasanaethau o'r fath a materion eraill sy'n ymwneud ag ymddygiad.

 

Daeth Helen Burgum, Pennaeth Ysgol Uwchradd Esgob Gore, a Gareth Rees, y Pennaeth a Rachel Thomas, Pennaeth Cynorthwyol Ysgol Uwchradd Pontarddulais, i gyfarfod y Panel.  Gwnaeth y ddau gyflwyniad PowerPoint ar gwestiynau allweddol a anfonwyd atynt gan y Panel cyn y cyfarfod, sef:

1.    Sut ydych chi'n defnyddio'ch gwariant dirprwyedig, sy'n gysylltiedig â'r strategaeth ymddygiad, i leihau gwaharddiadau ac atgyfeiriadau i EOTAS?

2.    Allwch chi roi rhai enghreifftiau i ni o ble mae hyn wedi bod o fudd i ddisgyblion yn eich ysgolion?

3.    Sut mae'r tarfu ar addysg a achoswyd gan y pandemig wedi effeithio ar eich gwaith yn y maes hwn a beth fu'r effaith ar ddisgyblion? A sut ydych chi'n gobeithio y bydd pethau'n newid yn y dyfodol?'

4.     Pa mor dda y mae'n eich helpu i ailintegreiddio disgyblion yn ôl i'r brif ffrwd ar ôl bod yn EOTAS?

5.    Sut ydych chi'n teimlo bod y strategaeth ymddygiad gyffredinol yn gweithio er budd disgyblion ar hyn o bryd?

6.    Yn eich barn chi, a ellid gwella hyn?

 

Amlinellodd Ysgol Uwchradd Pontarddulais:

·         Gyd-destun yr ysgol: 846 o ddisgyblion ar y gofrestr, yn gyffredinol 17.5% o ddisgyblion cPYDd, 23% o ddisgyblion ag Anghenion Dysgu Ychwanegol

·         Mae llawer o'r gwaith o ran materion ymddygiad yn digwydd yn y Tîm o Gwmpas y Plentyn, ac yma y defnyddir y cyllid dirprwyedig o'r strategaeth ymddygiad.  Mae hyn yn cynnwys yn ehangach, er enghraifft, gymorth bugeiliol, ADY, Gyrfa Cymru, nyrs ysgol ac ati.

·         Mae Tŷ Dysgu, uned sy'n cefnogi disgyblion sy'n cael trafferth gydag ymddygiad yn y ddarpariaeth brif ffrwd, yn allweddol i hyn ac wrth fynd i'r afael ag ymddygiad a gostyngiadau mewn atgyfeiriadau i'r gwasanaeth Addysg Heblaw yn yr Ysgol.  Mae cyllid o wariant dirprwyedig yn mynd tuag at ariannu 3 athro a chydlynydd ar gyfer y ddarpariaeth hon. 

·         Darparwyd hyfforddiant i athrawon ar y Strategaeth Ffynnu, ac mae hon yn ymagwedd sy'n helpu athrawon i ddatblygu medrau cymdeithasol ac emosiynol disgyblion.

·         Mae'r gwaith hwn wedi lleihau nifer y gwaharddiadau ac atgyfeiriadau EOTAS yn aruthrol ac mae wedi cynyddu hyder disgyblion o amgylch yr ysgol.

·         Mae rhai o'r mentrau/gweithgareddau'n cynnwys, er enghraifft Bulldog Boxing, diwrnodau Trawsnewid a phrosiect Paw-fact Baxter

·         Effeithiodd y pandemig ar ein gwaith yn y maes hwn fel a ganlyn: ymweliadau awyr agored, defnyddio darparwyr allanol, cynnydd mewn gwaharddiadau cyfnod penodol – ailsefydlu ffiniau, dros yr hanner tymor diwethaf cafwyd gwelliant amlwg mewn ymddygiad o amgylch yr ysgol.  Mae disgyblion wedi addasu'n arbennig o dda, fodd bynnag bu pwysau ar staffio a chostau i weithio ar faterion a wynebir

·         Rydym yn integreiddio disgyblion yn ôl i'r brif ffrwd ar ôl bod yn EOTAS gan ddefnyddio ymagwedd hybrid/amserlenni pwrpasol - cymysgedd o Dŷ Dysgu a darpariaeth brif ffrwd.  Mae gan bob disgybl aelod allweddol dynodedig o staff.

·         Yn ein barn ni, gellid gwella'r ddarpariaeth hon drwy barhau â chyllid Cynnydd (a amlygwyd yng nghyfarfod Cymdeithas Penaethiaid Uwchradd Cyngor Sir Abertawe), ariannu cyn 14-16 oed i atal atgyfeiriadau EOTAS a hyfforddi mwy o staff yn yr ymagwedd Thrive

 

Amlinellodd Ysgol Uwchradd yr Esgob Gore:

·         Gyd-destun yr ysgol gan gynnwys 11-18 oed yn gynhwysol, gyda dalgylch amrywiol mawr.

·         Defnyddio gwariant dirprwyedig, sy'n gysylltiedig â'r strategaeth ymddygiad, i leihau gwaharddiadau ac atgyfeiriadau i EOTAS gan ddefnyddio'n 'Darpariaeth Anogaeth' (B-Hi5) a 'Phecyn cymorth ar gyfer dechrau a diwedd dydd' (Pitstop) yn CA3 ac mae ein 'Pontio i Ddarpariaethau Oedolion' (Mi-Pod ac ELEV8) yn CA4 yn ymdrechu i ddarparu amgylcheddau dysgu cefnogol sy'n ysgogol ac yn heriol, lle caiff disgyblion eu hannog,  a'u canmol er mwyn datblygu hunanymwybyddiaeth a disgyblaeth.

·         Nod y ddarpariaeth yw galluogi disgyblion i weithio'n gyfannol gyda phartneriaid y tu mewn a'r tu allan i'r ysgol a darparu cwricwlwm sy'n briodol i ddiwallu anghenion corfforol, emosiynol, datblygiadol, cymdeithasol ac ysbrydol yr unigolyn.

Yr effaith fu gwell presenoldeb, atal gwaharddiadau parhaol, lleihau lleoliadau EOTAS, 100% yn llwyddo yn SWEET L2 ers ei gyflwyno a 100% yn llwyddo yn L2 Cyflawni ers ei gyflwyno

·         Mae rhai enghreifftiau'n unig o lle mae hyn wedi bod o fudd i ddisgyblion yn eich ysgol yn cynnwys: ailintegreiddio llwyddiannus o ddarpariaeth EOTAS, atal atgyfeiriad EOTAS neu lai o risg o hynny'n digwydd, llai o risg o waharddiadau parhaol neu eu hatal, ailintegreiddio ar gyfer gwrthodwyr ysgolion a'r rheini sy'n profi pryder ysgol

·         Roedd yr amhariad i addysg a achoswyd gan y pandemig wedi effeithio ar y gwaith ac ar ddisgyblion:

­       Effaith negyddol ar iechyd meddwl a lles rhai disgyblion ac mae rhai disgyblion wedi profi trawma ychwanegol.

­       Mae rhai disgyblion sy'n agored i niwed wedi profi argyfwng/profedigaeth a phryderon ariannol/colli cyflogaeth.

­       Amharwyd ar drefn ddyddiol y disgyblion. Diffyg goddefgarwch tuag at eraill.

­       Nid oedd disgyblion agored i niwed yn cymryd rhan mewn cyfleoedd dysgu cyfunol (anfodlon/amharod/rhy bryderus i gymryd rhan mewn dysgu ar-lein)

­       Nid oedd disgyblion y nodwyd bod ganddynt anghenion ychwanegol gan gynnwys anawsterau cymdeithasol emosiynol neu ymddygiadol (ACEY) yn gallu cael gafael ar y gefnogaeth a dderbynnir fel arfer yn yr ysgol.

­       Nid oedd gwasanaethau cefnogi'n gallu gwneud gwaith uniongyrchol wyneb yn wyneb ac felly gwrthododd teuluoedd gefnogaeth a gwrthodont ymgysylltu o bell.

­       Mae llawer o wrthodwyr ysgol/absenolwyr mynych wedi gwrthod dychwelyd i'r ysgol, felly rydym yn gweithio gyda Swyddog Lles Addysg.

­       Mae'r asesiadau risg a'r canllawiau gweithredol presennol yn atal disgyblion rhag cael gafael ar gefnogaeth. Mae'r mesurau diogelwch presennol yn atal/cyfyngu ar lawer o weithgareddau sy'n mynd i'r afael ag anghenion y disgyblion hynny sy'n profi anawsterau cymdeithasol, emosiynol ac ymddygiadol. Mae'r offer y mae staff yn eu defnyddio i ymgysylltu â disgyblion a'u hysgogi'n llawer llai.

·         Sut ydych chi'n teimlo bod y strategaeth ymddygiad gyffredinol yn gweithio er budd disgyblion ar hyn o bryd? Hebddo, byddai gennym nifer sylweddol o ddisgyblion na fyddem wedi ymgysylltu â hwy neu wedi gallu eu cefnogi mewn ffordd hyblyg i ddiwallu eu hanghenion o ystyried y sefyllfa sy'n newid.

·         Gellid gwella'r strategaeth ymddygiad drwy'r strategaethau ac mae angen i ymagweddau fod yn hyblyg i ddiwallu anghenion newidiol y disgyblion. Mae hyn yn golygu gwella sgiliau staff i sicrhau eu bod yn cael hyfforddiant fel ELSA (Cynorthwy-ydd Cefnogi Llythrennedd Emosiynol), CBT etc. Mae hyn yn gostus ond mae angen yr ystwythder arnom i ymateb yn gyflym.

­       Mae angen i ni hefyd ddatblygu rhaglenni sy'n ymwneud ag iechyd meddwl, goddefgarwch a diogelu cyd-destunol. Mae mentrau fel Anogwyr Dysgu Cynnydd yn helpu ac yn cefnogi'n disgyblion i edrych ar lwybrau a hunanreoleiddio. Ariennir grantiau ar gyfer y rolau hyn ac mae'r arian yn dod i ben ar gyfer llawer o'r mathau hyn o brosiectau.

­       Rydym eisoes yn rhoi cymhorthdal ar gyfer ein darpariaeth ac mae angen i ni sicrhau bod rolau a darpariaeth yn gynaliadwy i alluogi cynllunio i barhau i ddiwallu anghenion dysgwyr o ystyried y materion penodol iawn sydd bellach yn dod i'r amlwg o ganlyniad i'r pandemig.

 

Roedd y Panel:

·         yn dymuno diolch i'r ysgolion ar ran y disgyblion. Roedd clywed am y mentrau a'r arfer da wrth gyflwyno ymddygiad cadarnhaol wedi creu argraff arnynt.

·         Maent yn cydnabod bod gan bob ysgol ei heriau ei hun ac mai ymateb pwrpasol yr ysgolion i hyn oedd y ffordd gywir o fynd i'r afael â hyn ond roedd y panel yn awyddus i ddarganfod sut mae'r holl arfer da sy'n cael ei ddysgu'n cael ei rannu.  Clywodd y Panel fod nifer o ddulliau ar gyfer rhannu arfer da yn ffurfiol ac mae'r rhain hefyd yn arwain at rannu anffurfiol rhwng ysgolion ac addysgwyr. Er enghraifft SCCASH, adneuon arfer ar lwyfannau ar-lein, yn rhanbarthol ac yn lleol; mae Estyn hefyd yn tynnu sylw at feysydd o arfer rhagorol y gellir eu cyrchu drwy ei wefan.

 

Cllr Lyndon Jones

Rhoddodd Cynullydd y Panel, y Cynghorydd Lyndon Jones, yr wybodaeth ddiweddaraf i'r Aelodau am ei bresenoldeb diweddar yng nghyfarfod Grŵp Cynghorwyr Craffu Rhanbarthol ERW ar 28 Mehefin 2021.  Hysbysodd y Panel ynghylch rhywfaint o'r hyn a drafodwyd gan gynnwys:

·         Y bydd ERW yn dod i ben ar 31 Awst 2021 a bydd Partneriaeth Addysg newydd De-orllewin Cymru'n dechrau ar 1 Medi 2021

·         Bydd yn bartneriaeth lai a fydd yn cynnwys Sir Benfro, Sir Gaerfyrddin ac Abertawe ond efallai y bydd yn bosib i awdurdodau lleol eraill brynu gwasanaethau i mewn oddi wrth y bartneriaeth newydd.

·         Pryderon a godwyd ynghylch cost dirwyn ERW i ben ac am gostau sefydlu'r bartneriaeth newydd a phwy fydd yn cyfrannu at y rhain.

·         Hefyd mae angen cytuno ar faterion fel rheolau ymgysylltu ac ymddwyn a phleidleisiau atal.

·         Anfonwyd llythyr yn ddiweddar at Gadeirydd Cyd-bwyllgor ERW yn rhoi barn y Grŵp Cynghorwyr Craffu.  Gofynnwyd am ymateb i hynny cyn i ERW ddod i ben.  Bydd yr ymateb hwn yn cael ei grybwyll wrth Banel Craffu Addysg Abertawe a bydd hefyd yn cael ei roi ar yr agenda ar gyfer Pwyllgor y Rhaglen Graffu er gwybodaeth.

 

Rhoddodd y Cyfarwyddwr Addysg ddiweddariad i'r Panel ar y cynnydd a wnaed ers cyfarfod Grŵp Cynghorwyr ERW ar 28 Mehefin, gan gynnwys:

·         Mae Cyd-bwyllgor Partneriaeth Addysg Cysgodol De-orllewin Cymru wedi cyfarfod, mewn cyfarfod caeëdig.

·         Trafodwyd pryderon a godwyd gan y Grŵp Cynghorwyr Craffu yn y cyfarfod hwn.  Roeddent yn cytuno bod angen gwneud gwaith i ddirwyn ERW i ben.

·         Nid oedd Powys am adael ERW ond gwnaed cytundeb mewn egwyddor y bydd gwasanaethau'r Bartneriaeth newydd ar gael i awdurdodau lleol eraill.

·         Bydd cytundeb cyfreithiol newydd yn mynd i Gabinet/gyngor pob awdurdod lleol.

·         Cydnabuwyd na fyddai ERW yn dirwyn i ben yn llawn erbyn 31 Awst, bydd angen cyfnod pontio.  Bydd y cytundeb cyfreithiol newydd yn mynd â ni yno.

·         Cyn i ni symud ymlaen o'r bartneriaeth bresennol, mae angen i ni ddeall rhwymedigaethau amodol partneriaid presennol ERW.  Mae'r cytundeb presennol yn nodi bod gan awdurdodau lleol rwymedigaethau o 100% yn y flwyddyn gyntaf a'r ail flwyddyn ac yna mae'n raddfa symudol o'r fan honno.  Bydd y strwythur staffio'n pennu'r gost i bartïon presennol.

·         Mae'r strwythur staffio ar gyfer y bartneriaeth newydd wedi bod yn gostwng yn gymesur â'r corff newydd gyda gostyngiad cytbwys o oddeutu 40%.

·         Bydd y strwythur Llywodraethu'n ymddangos yn y cytundeb cyfreithiol newydd.  Mae hyn ar ffurf ddrafft ar hyn o bryd ac mae angen ei gwblhau ond mae wedi datblygu'n ddogfen eithaf da.  Mae'n cynnwys rhai o'r materion a godwyd gan y Grŵp Cynghorwyr Craffu ar 28 Mehefin ac mae'r rhain wedi'u cynnwys yn y drafft hwnnw.  Mae gwaith i'w wneud o hyd a bwriedir i'r cytundeb cyfreithiol drafft fynd i bob Awdurdod Lleol yn yr hydref.

·         Bydd gan y Bartneriaeth newydd gynllun busnes clir sy'n nodi'r blaenoriaethau wrth symud ymlaen.  Mae'n bwysig bod y cynllun cyflawni hwn yn cael ei ddeall fel rhan allweddol o'r bartneriaeth ac i waith craffu rhanbarthol ddwyn hynny i gyfrif.

·         Cynigir statws sylwedydd i aelod o'r corff craffu rhanbarthol newydd i fynychu cyfarfodydd Cyd-bwyllgor y bartneriaeth newydd yn unol â chais y Grŵp Craffu.

 

Derbyniwyd y rhaglen waith.

 

 

 

Daeth y cyfarfod i ben am 5.15 pm