Agenda a Chofnodion

www.abertawe.gov.uk/DatgeliadauBuddiannau

Datganodd y Cynghorydd Lyndon Jones a'r Cynghorydd Mike Day fuddiant personol yn Eitem 6.

Dim

Cytunodd y Panel ar gofnodion y cyfarfodydd a gynhaliwyd ar 12 Chwefror, 19 Chwefror a 22 Chwefror 2024.

Nodwyd y llythyr at Aelod y Cabinet yn dilyn cyfarfodydd y Panel ar 19 Chwefror a 22 Chwefror 2024.

Gellir cyflwyno cwestiynau’n ysgrifenedig i’r adran Graffu craffu@abertawe.gov.uk tan ganol dydd ar y diwrnod gwaith cyn y cyfarfod. Cwestiynau ysgrifenedig sy’n cael blaenoriaeth. Gall y cyhoedd ddod i’r cyfarfod a gofyn cwestiynau’n bersonol os oes digon o amser. Mae’n rhaid bod cwestiynau’n berthnasol i eitemau ar ran agored yr agenda a byddwn yn ymdrin â hwy o fewn cyfnod o 10 munud.

Ni ofynnwyd unrhyw gwestiynau gan y cyhoedd.

Dr Andrews, Prifysgol Bangor, Y Cynghorydd Robert Smith Aelod y Cabinet - Addysg a Dysgu a Sgiliau, a Helen Morgan Rees (Cyfarwyddwr Addysg) a Jennifer Harding-Richards (Cynghorydd Crefydd, Gwerthoedd a Moeseg)

Diolchodd y Panel i Dr Joshua Andrews o Brifysgol Bangor a Jennifer Harding-Richards am fynychu cyfarfod y Panel ac am gyflwyno gwybodaeth am addysg Crefydd, Gwerthoedd a Moeseg (CGM). 

Clywodd y Panel yn gyntaf gan y Dr Andrews am ymchwil ddiweddar a gwblhawyd i'r mater hwn gan Brifysgol Bangor. Yn 2023, cynhaliodd y Ganolfan Genedlaethol ar gyfer Addysg Grefyddol ym Mhrifysgol Bangor ymchwil i archwilio sut cafodd CGM ei ymgorffori yn y Cwricwlwm i Gymru. Roedd eu hymchwil yn cynnwys dulliau ymchwil meintiol ac ansoddol ac roedd yn cynnwys ymatebion gan 58 o ysgolion. Bydd ail ran yr ymchwil yn cynnwys cyfweliadau manwl â chydweithwyr o bob rhan o Gymru. Amlinellodd Dr Andrews rai o ganfyddiadau'r ymchwil hwnnw hyd yn hyn.

Yna aeth Jennifer Harding-Richards drwy'r adroddiad â'r Panel a ddarparwyd, a oedd yn cynnwys y canlynol:

•       Deddfwriaeth

•       Ymchwil Prifysgol Bangor

•       Cyngor ymgynghorol Sefydlog Abertawe dros Grefydd, Gwerthoedd a Moeseg (CYSAG)

•       Cymorth CGM i ysgolion yn Abertawe

•       Adnoddau

•       Dysgu proffesiynol

•       Gweithio mewn partneriaeth

•       Gwaith cenedlaethol

•       Adroddiadau Estyn ac Archwiliad CGM eilaidd

•       Adroddiadau gwella ysgolion; a

•       Camau nesaf awgrymedig.

Gofynnodd Cynghorwyr nifer o gwestiynau gan gynnwys:

•       Nifer o ddiffygion a amlygwyd - beth yw'r cynllun wrth symud ymlaen?

•       Nifer y rhwymedigaethau statudol nad ydynt yn cael eu bodloni ac mae'n ymddangos bod y pwnc yn cael ei wanhau fel rhan o gwricwlwm y dyniaethau. 

•       Beth yw'r dadansoddiad o'r arian ar gyfer adnoddau?

•       Mae angen bod yn ymwybodol o'r pwysau ar athrawon ac ystyried yr arian sydd ar gael i athrawon arbenigol.

•       A fu unrhyw ymchwil genedlaethol gan y Grŵp Cyfarwyddwyr Addysg?

•       Mae angen mwy o le yn y cwricwlwm hyfforddi athrawon ar gyfer hyn. A yw Llywodraeth Cymru yn ystyried hyn?

•       Hoffai'r Panel ailedrych ar y mater hwn ymhen blwyddyn i weld sut mae'n datblygu.

Bydd crynodeb o'r drafodaeth, gan gynnwys mewn perthynas â'r cwestiynau hyn a barn y panel am y mater hwn, yn rhan o'r llythyr at Aelod y Cabinet yn dilyn y cyfarfod.

Y Cynghorydd Robert Smith Aelod y Cabinet - Addysg a Dysgu a Sgiliau, a Helen Morgan Rees (Cyfarwyddwr Addysg) a Rhodri Jones (Pennaeth y Gwasanaeth Cyflawniad a Phartneriaeth)

Diolchodd y Panel i'r Cynghorydd Robert Smith (Aelod y Cabinet dros Ddysgu a Sgiliau), Helen Morgan Rees (y Cyfarwyddwr Addysg), Rhodri Jones (Pennaeth y Gwasanaeth Cyflawniad a Phartneriaeth) a Sarah Hughes (Pennaeth y Strategaeth Addysg) am fynychu cyfarfod Panel a chyflwyno adroddiad ysgrifenedig sy'n rhoi manylion am sut mae lleisiau Plant a Phobl Ifanc yn cael eu hystyried o fewn Addysg. Roedd y drafodaeth yn cynnwys:

•       Cynllun Hawliau Plant a Hawliau Dynol a'r Maniffesto Disgyblion

•       Diwrnod Rhyngwladol y Plant

•       Cynghorau Ysgol a thu hwnt

•       Tîm Partneriaethau a Chyfranogaeth

•       Llais y Dysgwr fel rhan o Sicrhau Ansawdd a Monitro Ysgolion

•       Y Gyfarwyddiaeth Addysg

•       Ffrydiau gwaith ar gyfer llais y dysgwr yn y dyfodol a'r camau nesaf

Cododd y Panel y pwyntiau canlynol:

•       O ran y prosiect lleisiau coll, beth sy'n digwydd i'r wybodaeth a gafwyd ac a yw'n cael ei fwydo i'r hyn y mae adrannau eraill yn ei wneud hefyd?

•       Mae'n hanfodol bod plant a phobl ifanc yn rhan o'r broses o lunio'u bywydau a blaenoriaethau'r cyngor.

Bydd crynodeb o'r drafodaeth mewn perthynas â'r cwestiynau hyn yn rhan o lythyr y Cynullwyr at Aelod y Cabinet a anfonir yn dilyn y cyfarfod.

Y Cynghorydd Robert Smith Aelod y Cabinet - Addysg a Dysgu a Sgiliau, a Helen Morgan Rees (Cyfarwyddwr Addysg) a Kate Phillips (Pennaeth Dysgwyr Diamddiffyn)

Diolchodd y Panel i'r Cynghorydd Robert Smith (Aelod y Cabinet dros Ddysgu a Sgiliau), Helen Morgan Rees (y Cyfarwyddwr Addysg) a Kate Phillips (Pennaeth Dysgwyr Diamddiffyn) am fynychu cyfarfod y Panel a chyflwyno adroddiad ysgrifenedig yn rhoi'r wybodaeth ddiweddaraf am Wasanaethau Addysg mewn Lleoliad Heblaw'r Ysgol yn Abertawe. Roedd y drafodaeth yn cynnwys:

•       Cefndir

•       Y cyfnod ymgynghori ac ymgysylltu

•       Ystyriaethau pellach

•       Model arfaethedig

•       Llinell amser

Codwyd y materion/cwestiynau canlynol gan y Panel:

•       Pwy fydd yn didoli ar gyfer y gwasanaethau EOTAS a sut y bydd disgyblion yn eu cyrchu

•       Mae angen ystyried effaith yr iaith a ddefnyddir mewn perthynas â gwasanaethau'n ofalus. Er enghraifft, Uned Cyfeirio Disgyblion a chwricwlwm amgen ac y gellid defnyddio iaith well sy'n fwy cadarnhaol o bosib, er enghraifft, cwricwlwm priodol.

•       Tynnwyd sylw at y gwahanol lwybrau; a fydd hynny'n mynd ochr yn ochr â gwaith adeiladu capasiti parhaus yn y brif ffrwd.

•       Sut y mae'r model newydd wedi'i dderbyn gan staff yng ngwasanaethau EOTAS ac a fydd newid net yn y staffio.

Bydd crynodeb o'r drafodaeth mewn perthynas â'r cwestiynau hyn yn rhan o lythyr y Cynullwyr at Aelod y Cabinet a anfonir yn dilyn y cyfarfod.

Nodwyd yr wybodaeth gan y panel.

Nodwyd y Cynllun Gwaith ar gyfer 2023/2024. Bydd pob cyfarfod ar wahân i'r rheini y mae angen ymweliad ysgol ar eu cyfer yn dechrau am 4.30pm o'r flwyddyn ddinesig newydd.

Daeth y cyfarfod i ben am 5.31pm