Agenda a Chofnodion

www.swanswww.abertawe.gov.uk/DatgeliadauBuddiannauea.gov.uk/disclosuresofinterests

Dim

Dim

Derbyniwyd cofnodion y cyfarfod ar 15 Rhagfyr 2023 gan y Panel.

Derbyniodd y Panel y llythyr a anfonwyd at Aelod y Cabinet yn dilyn cyfarfod y Panel ar 15 Rhagfyr 2023.

Gellir cyflwyno cwestiynau’n ysgrifenedig i’r adran Graffu craffu@abertawe.gov.uk tan ganol dydd ar y diwrnod gwaith cyn y cyfarfod. Cwestiynau ysgrifenedig sy’n cael blaenoriaeth. Gall y cyhoedd ddod i’r cyfarfod a gofyn cwestiynau’n bersonol os oes digon o amser. Mae’n rhaid bod cwestiynau’n berthnasol i eitemau ar ran agored yr agenda a byddwn yn ymdrin â hwy o fewn cyfnod o 10 munud.

Ni ofynnwyd unrhyw gwestiynau gan y cyhoedd.

Roedd y panel yn falch o gwrdd â Phennaeth a Chadeirydd Llywodraethwyr Ysgol Gyfun Pontarddulais a phob un o'r ysgolion yng nghlwstwr yr ysgolion cynradd sy'n bwydo i mewn i'r ysgol gyfun, gan gynnwys ysgolion cynradd Pengelli, Pontlliw, Penllergaer, Pontarddulais a Llangyfelach.  Roedd ganddynt ddiddordeb hefyd mewn clywed am y gefnogaeth a ddarparwyd i'r clwstwr gan y Gwasanaeth Gwella Ysgolion, y Penaethiaid a gomisiynwyd a Partneriaeth.

Roedd y panel yn awyddus i drafod â nhw sut roedd  y Cwricwlwm newydd i Gymru yn cael ei roi ar waith ar lawr gwlad a sut roedd y gwaith sy'n cael ei wneud ym mhob ysgol gynradd yn y clwstwr yn cael ei ddwyn ynghyd wrth i ddisgyblion bontio i'r ysgol gyfun.

Roedd gan y panel set o gwestiynau allweddol a drafodwyd â'r clwstwr, a oedd yn cynnwys:

a)    Sut mae'n mynd hyd yn hyn?

b)    Beth sydd fwyaf heriol?

c)     Sut ydych chi'n cefnogi’ch athrawon a staff eich ysgol wrth newid i'r cwricwlwm newydd?

d)    Sut ydych chi'n gweithio gyda'ch gilydd fel clwstwr i sicrhau ymagwedd gyson?

e)    Sut ydych chi'n mynd â dysgwyr gyda chi ar y daith hon?

Sut mae gwybodaeth am y cwricwlwm newydd yn cael ei rhannu â’r dysgwyr?  Sut mae'r dysgwyr yn ymateb i'r cwricwlwm newydd, yn enwedig y rheini sydd wedi cael profiad o'r ddwy system? 

f)      Sut rydych chi'n teimlo am y gefnogaeth rydych chi wedi’i derbyn gan yr awdurdod lleol a Partneriaeth?

Roedd y panel yn falch o glywed yn uniongyrchol am sut roedd y clwstwr yn gweithio fel tîm, yn ogystal â gwrando ar eu llwyddiannau a'r materion roeddent yn eu hwynebu a sut roeddent yn cydweithio i oresgyn y rhain.

Roedd y panel yn ddiolchgar i'r tîm ym mhob ysgol am gymryd yr amser i ymuno â nhw a rhoddwyd diolch iddynt am eu brwdfrydedd ac am y gwaith gwych y maen nhw'n ei wneud.

Bydd y drafodaeth, syniadau'r panel o'r sesiwn ac unrhyw argymhellion yn ffurfio rhan o'r llythyr a fydd yn cael ei anfon at Aelod y Cabinet yn dilyn y cyfarfod.

Cytunodd y panel i edrych ar Bresenoldeb Ysgol yn y flwyddyn ddinesig newydd.  Cytunwyd ar y Rhaglen Waith.

Nodwyd y rhestr canlyniadau arolygiadau ysgolion unigol gan y panel.

Daeth y cyfarfod i ben am 6.20pm