Agenda a Chofnodion

www.abertawe.gov.uk/DatgeluCysylltiadau

Ni ddatgelwyd unrhyw fuddiannau.

Ni wnaethpwyd unrhyw ddatganiadau.

Derbyn nodiadau’r cyfarfod(ydd) blaenorol a chytuno eu bod yn gofnod cywir.

Cytunodd y panel fod nodiadau'r cyfarfod a gynhaliwyd ar 13 Rhagfyr 2021 yn gofnod cywir o'r cyfarfod.

Rhaid cyflwyno cwestiynau’n ysgrifenedig, cyn hanner dydd ar y diwrnod gwaith cyn y cyfarfod fan bellaf. Rhaid i gwestiynau ymwneud ag eitemau ar yr agenda. Ymdrinnir â chwestiynau o fewn cyfnod 10 munud.

Ni chyflwynwyd unrhyw gwestiynau.

Elliott King, Aelod y Cabinet –Gwasanaethau Plant

Julie Davies, Pennaeth y Gwasanaethau Plant a Theuluoedd

Roedd Julie Davies, Pennaeth Gwasanaethau Plant a Theuluoedd yn bresennol i friffio'r Panel ar yr eitem hon.

Pwyntiau Trafod:

• Monitro Perfformiad - Mae mwy o deuluoedd yn cael eu cefnogi drwy ganolfannau cymorth cynnar sy'n dangos bod eu dull gweithredu'n fwy rhagweithiol. Mae'r nifer uwch o blant sydd wedi'u cofrestru ar y gofrestr amddiffyn plant ar adeg eu geni yn parhau i fod ar gynnydd. Mae gostyngiad amlwg yn nifer cyfartalog y diwrnodau y mae plant ar y gofrestr amddiffyn plant.
• Cadarnhaodd swyddogion fod y ffigur ar gyfer Nifer y Diwrnodau ar y Gofrestr Amddiffyn Plant yn dangos dull rhagweithiol mwy gweithredol o gefnogi teuluoedd fel nad yw plant yn aros ar y Gofrestr Amddiffyn Plant yn hirach nag y dylent fod.
• Nododd y panel y cynnydd mewn plant heb eu geni sy'n cael eu cymryd i ofal a holodd faint o esboniad a roddir i'r fam. Dywedodd swyddogion fod y gyfarwyddiaeth yn edrych ar bob achos yn unigol, ac mae'r ffocws bob amser ar weithio gyda rhieni i geisio galluogi'r baban i aros yn yr uned deuluol.
• Mae'r panel yn pryderu am gefnogaeth i ffoaduriaid a theuluoedd sy'n ceisio lloches gan fod llawer o deuluoedd yn cael eu lleoli dros dro ac yna'n cael eu symud i ran wahanol o'r ddinas. Holodd y panel a oes unrhyw ddarpariaeth arbennig yn cael ei rhoi ac ynghylch y system gymorth sydd ar waith ar eu cyfer. Cadarnhawyd y byddai'r gyfarwyddiaeth yn cydweithio â gwasanaethau'r cyngor a gwasanaethau lleol i gynnig cymorth i deuluoedd y maent yn ymwybodol ohonynt os ydynt yn bodloni'r trothwy statudol neu'n dod drwy'r Ganolfan Cymorth Cynnar.
• Dywedodd y Panel fod y ffigurau'n drawiadol o ran y ffordd y mae nifer y plant sy'n derbyn gofal wedi bod yn lleihau, yn enwedig o dan yr amgylchiadau presennol, sy'n glod i'r adran. Mae'r adran yn fodlon bod ailgyfeiriadau a chofrestriadau yn gymharol isel o hyd.
• Staffio Mewn Argyfwng – Nid yw'r gyfarwyddiaeth wedi recriwtio o hyd i lenwi swyddi gwag gweithwyr cymdeithasol mewn timau ardal leol. Cafwyd mwy o lwyddiant o ran y 'drws blaen' gan y gellir penodi gweithwyr cefnogi, sy'n lleddfu rhywfaint o'r pwysau ar y timau ardal. Mae'r adran yn parhau i gael cymorth gan bob rhan o'r gwasanaeth i sicrhau bod dyletswyddau statudol allweddol yn cael eu bodloni ac i sicrhau gweithwyr cymdeithasol annibynnol os oes angen ar gyfer tasgau allweddol.
• Nid oes digon o leoliadau ar gael, felly mae'r adran yn gorfod defnyddio llawer o'i staff ei hun i ddarparu gofal a chymorth i blant mewn lleoliadau nad ydynt yn cael eu rheoleiddio ac mae mwy o blant yn cael eu lleoli yn Lloegr. Rhan o'r broblem yw menter Llywodraeth Cymru i ddileu elw o ofal cymdeithasol plant ac o ganlyniad, penderfynodd rai darparwyr atal cynlluniau yn y dyfodol i symud i Gymru i ddatblygu lleoliadau neu maent wedi penderfynu peidio â pharhau i gynnig lleoliadau i blant yng Nghymru.
• Mae'r gyfarwyddiaeth yn parhau i weithio gyda phrifysgolion lleol fel y gall fwydo'n fwy uniongyrchol i'r gwasanaeth er mwyn i weithwyr cymdeithasol sydd newydd gymhwyso weithio ar achosion lefel is.
• Cadarnhaodd swyddogion nad yw'r pandemig presennol wedi effeithio cymaint ar staffio ag yr ofnwyd a bod cynllun wrth gefn COVID wedi'i ailgyflwyno.
• Gofynnodd y Panel am gadarnhad bod cwmnïau maethu annibynnol yn ystyried camu i ffwrdd o Gymru a chlywodd fod rhai darparwyr yn camu i ffwrdd oherwydd ansicrwydd o ran yr hyn y bydd y rhaglen yn ei olygu o ran dileu elw o ofal preswyl plant.
• Holodd y panel a yw Llywodraeth Cymru yn ystyried ailfuddsoddi'r elw mewn addysg plant sy'n derbyn gofal er mwyn helpu i ariannu'r math hwn o ddarpariaeth ar gyfer y bobl ifanc fwyaf diamddiffyn. Dywedodd Aelod y Cabinet mai dymuniad Llywodraeth Cymru yw cael gwared ar elw o ofal cymdeithasol plant ond mae'n credu y bydd buddsoddiad gan Lywodraeth Cymru yn y tymor hir.

Nododd y Panel eitemau ar y rhaglen waith ar gyfer gweddill y flwyddyn ddinesig hon.