Agenda a Chofnodion

www.abertawe.gov.uk/DatgeluCysylltiadau

Ni ddatgelwyd unrhyw fuddiannau.

Ni wnaethpwyd unrhyw ddatganiadau.

Derbyn nodiadau’r cyfarfod(ydd) blaenorol a chytuno eu bod yn gofnod cywir.

Cytunodd y panel fod nodiadau'r cyfarfod a gynhaliwyd ar 22 Mehefin 2021 yn gofnod cywir o'r cyfarfod.

Rhaid cyflwyno cwestiynau’n ysgrifenedig, cyn hanner dydd ar y diwrnod gwaith cyn y cyfarfod fan bellaf. Rhaid i gwestiynau ymwneud ag eitemau ar yr agenda. Ymdrinnir â chwestiynau o fewn cyfnod 10 munud.

Ni ofynnwyd unrhyw gwestiynau gan aelodau'r cyhoedd. 

Dave Howes, Cyfarwyddwr y Gwasanaethau Cymdeithasol

Rhoddodd Damian Rees, Prif Swyddog Diogelu a Pherfformiad y diweddaraf i'r panel.

Pwyntiau i'w trafod:

• Newidiodd y Gwasanaethau Cymdeithasol i system wybodaeth newydd ac nid yw'r data'n gyfredol ar hyn o bryd. 
• Cododd y panel fater  cysondeb gweithwyr cymdeithasol i achosion a holodd a oes llawer o newid.  Hysbyswyd eu bod mor gyson â phosibl o ystyried pwysau staff. 
• Teimlai'r panel fod nifer y bobl sy'n ailgofrestru'n ymddangos yn uchel ar hyn o bryd.  Ar hyn o bryd mae swyddogion yn edrych ar hyn yn fanylach ac yn gobeithio tynnu rhai themâu cyffredin at ei gilydd. 
• Holodd y panel pam y mae’r ffigurau'n dangos bod 31% o ymweliadau statudol yn hwyr.  Cadarnhaodd swyddogion fod hwn yn fater cofnodi.  Ar hyn o bryd mae'r staff yn cofnodi ac yn olrhain data â llaw ac mae rheolwyr yn sicrhau bod pob ymweliad yn cael ei wneud.
• Holodd y panel sut mae newid i system wybodaeth newydd wedi effeithio ar allu'r awdurdod i redeg y gwasanaeth fel y dymunant.  Hysbyswyd y panel ei fod wedi cael effaith enfawr ond disgwylid hyn gan ei fod yn gweithredu'n gwbl wahanol i hen system PARIS.  Bydd y gwasanaeth yn cyfarwyddo’n gyflym â’r ymagwedd newydd Mae'n rhoi baich ychwanegol ar weithwyr cymdeithasol.   
• Annog y panel i gadw pwysau ymlaen.  Os yw aelodau'r panel am gael rhagor o wybodaeth, lle mae bylchau yn yr adroddiad, dylent ofyn i swyddogion am adborth o'u gweithgarwch archwilio. 
• Dywedodd y Cyfarwyddwr fod rhai pethau da yn yr adroddiad a rhoddodd enghreifftiau.  Ar gyfer y boblogaeth Plant sy'n Derbyn Gofal, mae gostyngiad parhaus dros nifer o fisoedd.  Rydym hefyd yn dechrau gweld nifer y plant sy'n destun cynlluniau amddiffyn plant yn gostwng. 
• Gofynnodd y panel i'r Cyfarwyddwr drosglwyddo’i ganmoliaeth i'r adran am y ffordd y mae'r ffigurau cyffredinol yn gwella.

Gwahoddwyd:

Elliott King, Aelod y Cabinet – Gwasanaethau Plant

Dave Howes, Cyfarwyddwr y Gwasanaethau Cymdeithasol

Rhoddwyd adborth i’r panel gan David Howes, Cyfarwyddwr y Gwasanaethau Cymdeithasol.

Pwyntiau i'w trafod:

• Llythyr drafft a dderbyniwyd gan yr awdurdod.  Bydd yn derbyn y fersiwn derfynol maes o law.  Caiff hwn ei rannu â'r panel ynghyd â'r adroddiad thematig llawn yn ystod y misoedd nesaf. 
• Mae adborth ysgrifenedig gan arolygwyr yn gyson ag adborth llafar ganddynt yn dilyn yr arolygiad.
• Mae'r adborth yn gwbl gyson â hunanasesiad yr awdurdod ei hun.  Mae hyn yn gadarnhaol iawn.
• Roedd y Cyfarwyddwr o'r farn y gallai fod materion y mae'r panel am eu codi ynghylch y cynllun gwaith wrth symud ymlaen.
• Roedd yr arolygwyr wedi cael problemau wrth gyrchu gwybodaeth ar y system newydd eu hunain.  Daeth yr adran o hyd i ffyrdd eraill o ddarparu'r wybodaeth fel y gallent gynnal y gwiriadau'n iawn.
• Teimlai'r panel fod yr adborth yn gadarnhaol iawn a gofynnodd i'r Cyfarwyddwr fynd yn ôl at y staff i fynegi gwerthfawrogiad y panel am eu holl waith a'u hymdrech. 

Gwahoddwyd:

Elliott King, Aelod y Cabinet – Gwasanaethau Plant

Dave Howes, Cyfarwyddwr y Gwasanaethau Cymdeithasol

Rhoddodd Chris Francis, Prif Swyddog y Gwasanaethau Comisiynu a Gofal yr wybodaeth ddiweddaraf i'r panel am yr arolygiad.

Pwyntiau i'w trafod:

• Teimlai'r panel ei fod yn ddogfen bryderus gyda nifer o gamau gweithredu ar gyfer y gwasanaeth. 
• Cadarnhaodd swyddogion fod yr adroddiad wedi nodi nifer o faterion a heriau ond roeddent yn faterion yr oedd yr adran wedi'u rhagweld.  Nodwyd rhai pethau cadarnhaol.  Un o'r meysydd i'w gwella yw Sicrhau Ansawdd. 
• Dywedodd swyddogion ei fod wedi bod yn gyfnod arbennig o heriol i gartrefi gofal ond bod yn rhaid iddynt wneud yn well i'r plant.
• Holodd y panel pam na ddarparwyd hyfforddiant ar-lein a pha mor aml yr eir ati i oruchwylio.  Dylai goruchwyliaeth wybodus fod yn fisol ar gyfer staff llawn amser/rhan-amser a bob chwe wythnos ar gyfer staff hyblyg gan fod yn rhaid i'r staff hyn ymdrin ag amgylchiadau heriol yn rheolaidd.   Darperir hyfforddiant ar-lein ond nid ar gyfer ehangder y pynciau y mae eu hangen ar gyfer y staff hyn.
• Cododd y panel bryder ei fod wedi cymryd AGC i dynnu sylw at y problemau ac nid y rheolwyr.  Dywedodd swyddogion eu bod yn ymwybodol o lawer o bethau y tynnwyd sylw atynt yn yr adroddiad ond roedd y flwyddyn ddiwethaf wedi bod yn un anodd iawn o ran rhoi newidiadau ar waith yn ogystal ag ymdrin â phandemig a phroblemau gyda rheolwr y cartref.  Y bwriad oedd bwrw ymlaen â'r camau gweithredu hyn beth bynnag, ond ni wnaethpwyd hyn cyn ymweliad AGC. 
• Diolchodd y panel i’r swyddogion am adroddiad nad oedd yn hawdd ei gyflwyno.  Teimlai'r panel ei bod yn amlwg fod swyddogion yn gweithio'n systematig drwy'r cynllun gweithredu ac y bydd sylw yn awr ar Dŷ Nant. 
• Bydd AGC yn cynnal ymweliad arall yn fuan. Camau gweithredu i'w cwblhau erbyn diwedd mis Medi.  Mae swyddogion yn hyderus y bydd y targed hwn yn cael ei gyrraedd. 
• Caiff yr adroddiad ei ddwyn yn ôl i'r panel ar adeg briodol i sicrhau eu bod yn mynd i'r cyfeiriad cywir. 

Camau Gweithredu:

·         'Tŷ Nant - Diweddariad ar Gynnydd gyda'r Cynllun Gweithredu' i'w drefnu yn y rhaglen waith ar gyfer mis Hydref/Tachwedd 2021. 

Ystyriwyd y rhaglen waith gan y panel.