Agenda a Chofnodion

Cadarnhawyd Paxton Hood-Williams yn Gynullydd y Panel.

www.abertawe.gov.uk/DatgeluCysylltiadau

Datgeliadau o fudd – Mike Durke

Ni wnaethpwyd unrhyw ddatganiadau.

Derbyn nodiadau’r cyfarfod(ydd) blaenorol a chytuno eu bod yn gofnod cywir.

Cytunodd y panel fod nodiadau'r cyfarfod a gynhaliwyd ar 16 Medi 2020 yn gofnod cywir o'r cyfarfod.

Rhaid cyflwyno cwestiynau’n ysgrifenedig, cyn hanner dydd ar y diwrnod gwaith cyn y cyfarfod fan bellaf. Rhaid i gwestiynau ymwneud ag eitemau ar yr agenda. Ymdrinnir â chwestiynau o fewn cyfnod 10 munud.

Ni ofynnwyd unrhyw gwestiynau gan aelodau'r cyhoedd.

Simon Jones, Swyddog Strategaeth a Gwella Perfformiad Gwasanaethau Cymdeithasol

Rhoddodd Simon Jones, Swyddog Strategaeth a Gwella Perfformiad y Gwasanaethau Cymdeithasol wybodaeth i'r Panel am argymhellion adroddiad Swyddfa Archwilio Cymru a'r camau sy'n cael eu cymryd i fynd i'r afael â'r argymhellion.

Pwyntiau i'w trafod:

• Holodd y Panel ynghylch y cysylltiad ag Addysg o ran diogelu.  Fe'u hysbyswyd bod y pandemig wedi cyflymu gwella'r berthynas ag Addysg.  Mae'r Adrannau'n cyfarfod yn wythnosol i flaenoriaethu'r plant y maent yn poeni fwyaf amdanynt er mwyn sicrhau eu bod yn ddiogel.
• O ran y cynllun gweithredu, mae llinell amser wedi'i threfnu ar gyfer yr ychydig eitemau cyntaf yn unig.  Mae effaith y pandemig wedi golygu canolbwyntio ar reoli'r argyfwng tymor byr.  Bu'n rhaid gohirio rhywfaint o waith ond bydd y Grŵp Diogelu Corfforaethol yn parhau i oruchwylio'r rhaglen, yn ogystal â sicrhau eu bod yn cadw plant ac oedolion yn ddiogel yn y cyfamser. Gellir cyfeirio unrhyw awgrymiadau gan y Panel at y Grŵp Diogelu Corfforaethol.
• Eglurwyd bod Grŵp Diogelu Corfforaethol sy'n goruchwylio gwaith diogelu corfforaethol.  Ceir Hefyd Fwrdd Diogelu Rhanbarthol, sef bwrdd hollgyffredinol yr ardal.  Awgrymwyd y dylai'r panel gael diweddariad gan y Bwrdd Diogelu Rhanbarthol i roi adborth ffurfiol ar sut mae trefniadau rhanbarthol yn gweithio.  Cytunodd y Panel i ychwanegu hyn at raglen waith y flwyddyn nesaf. 
• O ran y Gwasanaeth Datgelu a Gwahardd (GDG), dan gynigion ar gyfer gwella, fe'u hysbyswyd bod y Pwyllgor Archwilio wedi bod yn edrych i weld a oes trefniadau priodol ar waith ar gyfer gwiriadau'r GDG.  Mae ganddynt bryderon mawr a daw adroddiad yn ôl i'r Pwyllgor Archwilio yn ystod y misoedd nesaf.
• Cododd y Panel ymholiadau ynghylch pa mor aml y mae angen gwiriadau'r GDG, os cânt eu gwneud cyn i'r staff ddechrau a sawl un y mae pob person i fod i'w gael.  Os oes gan aelodau'r panel unrhyw faterion sy'n weddill y maent am gael sicrwydd yn eu cylch, dylent lunio rhestr a'u cyflwyno i'r Pwyllgor Archwilio.
• Mae Pennaeth y Gwasanaethau Democrataidd wedi dosbarthu dolen i Gynghorwyr i gwblhau hyfforddiant diogelu.  Awgrymir y dylai pob Cynghorydd gwblhau hyn, er mwyn gosod esiampl i weddill y cyngor.
• Ceisir eglurder gan y Panel ynghylch cydweithio o amgylch y Gwasanaethau Plant a Theuluoedd a'r Gwasanaeth i Oedolion o ran cam-drin domestig. (cytunwyd yn ddiweddarach yn y cyfarfod i'w gynnwys mewn eitem rhaglen waith.)
• Cymeradwyodd y Panel y casgliadau a'r camau gweithredu a nodwyd yn yr adroddiad.

Camau Gweithredu:

• Ychwanegu 'Diweddariad gan y Bwrdd Diogelu Rhanbarthol ar sut mae trefniadau rhanbarthol yn gweithio' at y rhaglen waith ar gyfer y flwyddyn ddinesig nesaf.
• Llunio rhestr o unrhyw faterion sy'n weddill o ran gwiriadau'r GDG a'u cyflwyno i'r Pwyllgor Archwilio.

Ystyriodd y Panel y rhaglen waith ddrafft a chytunwyd ar y camau gweithredu canlynol:

·         Bydd eitem ar Mynd i'r afael â Thrais yn Erbyn Menywod, Domestig SAC yn cynnwys sesiwn friffio ar y cynnydd mewn trais domestig dros gyfnod y pandemig a dadansoddiad o'r cydweithio rhwng y Gwasanaethau Plant a Theuluoedd a'r Gwasanaethau i Oedolion o ran cam-drin domestig.  Caiff aelodau'r panel Gwasanaethau i Oedolion eu gwahodd ar gyfer yr eitem hon.

·         Trefnir cyfarfod rhwng Aelod o'r Cabinet, Pennaeth y Gwasanaeth a Chynullydd y Panel i drafod amserlennu eitemau yn y dyfodol ac effaith y pandemig, er mwyn helpu i lunio rhaglen waith yn y dyfodol.

·         Bydd cadeiryddion y panel Gwasanaethau i Oedolion a'r panel Gwasanaethau Plant a Theuluoedd yn edrych ar gynlluniau gwaith i nodi cyfleoedd i unrhyw eitemau fynd i gyfarfodydd ar y cyd.