Agenda a Chofnodion

www.abertawe.gov.uk/DatgeluCysylltiadau

Ni ddatgelwyd unrhyw fuddiannau.

Ni wnaethpwyd unrhyw ddatganiadau.

Derbyn nodiadau’r cyfarfod(ydd) blaenorol a chytuno eu bod yn gofnod cywir.

Ystyriodd y Panel lythyrau a chofnodion o gyfarfodydd blaenorol a chytunodd fod cofnodion y cyfarfodydd a gynhaliwyd ar 18 Chwefror a 24 Chwefror 2020 yn gofnod cywir o'r cyfarfodydd.

Rhaid cyflwyno cwestiynau’n ysgrifenedig, cyn hanner dydd ar y diwrnod gwaith cyn y cyfarfod fan bellaf. Rhaid i gwestiynau ymwneud ag eitemau ar yr agenda. Ymdrinnir â chwestiynau o fewn cyfnod 10 munud.

Ni ofynnwyd unrhyw gwestiynau gan aelodau'r cyhoedd.

Gwahodd i fynychu:

Esboniodd y Cynghorwyr Elliot King a Sam Pritchard, Aelodau'r Cabinet dros y Gwasanaethau Plant

Dave Howes, Prif Swyddog y Gwasanaethau Cymdeithasol

Julie Thomas, Pennaeth y Gwasanaethau Plant a Theuluoedd

Julie Davies, Pennaeth y Gwasanaethau Plant a Theuluoedd sydd newydd ei benodi

Cyflwynodd Aelod y Cabinet yr eitem gan ddweud ei bod wedi bod yn sefyllfa ddigynsail a bod perthynas waith agos wedi bod gyda'r Bwrdd Iechyd ac yn fewnol gyda'r adran Addysg.  Dywedodd eu bod yn hynod falch o'r hyn y mae'r gwasanaeth wedi'i gyflawni a bod hyn o ganlyniad i'r staff. Yna rhoddodd Julie Thomas, Pennaeth y Gwasanaethau Plant a Theuluoedd yr wybodaeth ddiweddaraf i'r panel am effeithiau'r pandemig gan gynnwys effeithiau, gweithgareddau, heriau ac adferiad.

Pwyntiau i'w trafod:

•           Mae Cynllun Adfer/Addasu ar waith.

•           O ran perfformiad, mae'r prif ffigurau'n sefydlog er bod lefel o weithgarwch amddiffyn plant ac mae'r 'drws ffrynt' y gwasanaeth yn brysur, ond mae'n dargyfeirio mwy o achosion.

•           Mae angen canolbwyntio ar asesu, arwyddion matrics ‘Signs of Safety’ a chynlluniau gofal a chymorth.

•           Mae'n annhebygol y bydd y gwasanaeth yn gweithredu fel yr oedd cyn COVID.  Bydd yr hyn a ddysgwyd yn cael ei ddefnyddio i gryfhau'r gwasanaeth yn y dyfodol.

•           Mynegodd y panel ei werthfawrogiad o'r staff sy'n gweithio mewn sefyllfa anodd iawn ac sydd wedi addasu'r gwasanaeth i fodloni gofynion mor gyflym.

•           Mae'r panel yn teimlo bod llwyddiant y gwasanaeth wedi bod oherwydd y gwasanaeth wyneb yn wyneb ar y rheng flaen ac ni all hyn ddigwydd drwy weithio gartref.  Felly, mae'n bwysig dal y ddysgl yn wastad.   

•           Mae'r Pennaeth Gwasanaeth yn falch iawn o staff ym mhob rhan o'r gwasanaeth, sydd wedi bod yn eithriadol.

•           Pwynt 2.6 y Cynllun Addasu – Mae'r panel yn teimlo bod hyn yn bwysig iawn. Hysbyswyd bod y gwasanaeth yn pryderu am gynhyrchu gwaith S’igns of Safety’ ond maent yn dal i allu gwneud hyn o bell ac wyneb yn wyneb. Maent dri chwarter ffordd drwy’r rhaglen lles staff, sy'n dangos ymrwymiad i staff ac mae'r adeilad wedi'i agor i staff yn wirfoddol. Mae'r gwasanaeth hefyd yn gweithio'n agosach gyda'r Bwrdd Iechyd sy'n rhywbeth cadarnhaol. 

•           Tudalen 14 o'r Cynllun Addasu – Wyneb yn wyneb rhwng staff a'r cyhoedd. Roedd y panel yn bryderus bod gan nifer o feysydd statws coch.  Fe’i hysbyswyd, ar wahân i un maes, fod pethau wedi symud ymlaen ers i'r adroddiad hwn gael ei lunio, ac mae'r gwasanaeth yn delio â'r rhain i gyd. 

•           Cyfeiriwyd y panel at ddogfen ar Strategaeth Lleihau’n Ddiogel Nifer y Plant a Theuluoedd sy'n Derbyn Gofal.  O edrych ar y manylion mae'n drawiadol iawn.  Yn Abertawe gosodir y mwyafrif helaeth o blant sy'n derbyn gofal yn agos i'w cartrefi

Camau Gweithredu:

•           Cyflwyniad ar Leihau’n Ddiogel Nifer y Plant a Theuluoedd sy'n Derbyn Gofal i'w ddosbarthu i'r panel er gwybodaeth.