Agenda a chofnodion drafft

www.abertawe.gov.uk/DatgeluCysylltiadau

Ni dderbyniwyd unrhyw ddatganiadau o fuddiannau.

Ni wnaed unrhyw ddatganiadau.

Derbyn nodiadau’r cyfarfod(ydd) blaenorol a chytuno eu bod yn gofnod cywir.

Cytunodd y Panel fod cofnodion y cyfarfod a gynhaliwyd ar 30 Ionawr 2024 yn gofnod cywir o'r cyfarfod.

Rhaid cyflwyno cwestiynau’n ysgrifenedig, cyn hanner dydd ar y diwrno d gwaith cyn y cyfarfod fan bellaf. Rhaid i gwestiynau ymwneud ag eite mau ar yr agenda. Ymdrinnir â chwestiynau o fewn cyfnod 10 munud.

Ni dderbyniwyd unrhyw gwestiynau.

Kelly Gillings, Cyfarwyddwr Trawsnewid Rhanbarthol

Roedd Louise Gibbard, Aelod y Cabinet dros Wasanaethau Gofal a Kelly Gillings, Cyfarwyddwr Rhanbarthol Trawsnewid yn bresennol i roi'r diweddaraf i'r Panel ar y rhaglen waith dros y flwyddyn ddiwethaf gan gynnwys trefniadau llywodraethu, y Cynllun Ardal, ymgysylltiad, cynnydd a ffeithluniau am berfformiad.

Pwyntiau Trafod:

·       Gofynnodd y Panel sut y cytunwyd ar ganlyniadau cenedlaethol ar gyfer partneriaethau rhanbarthol. Esboniwyd ei fod yn anodd i Lywodraeth Cymru (LlC) oherwydd mae pob rhaglen ym mhob rhanbarth yn amrywio, ond maent wedi cyrraedd pwynt lle maent wedi cytuno ar dempledi ar gyfer adrodd ar wybodaeth a mecanweithiau y cytunwyd arnynt.

·       Nododd y Panel fod mesuriadau'n cael eu nodi ar gyfer rhai o'r pethau mae'r bartneriaeth yn ei wneud a gofynnwyd a ydynt yn edrych ar agweddau ariannol. Esboniwyd bod y bartneriaeth yn adrodd i LlG ar y mater hwn bob chwarter ar gyfer pob prosiect.

·       Gofynnodd y Panel a oes cyn-filwyr yn rhan o rai o'r gweithgareddau hyn. Esboniwyd bydd gwaith yn cael ei wneud dros y flwyddyn nesaf gan nad yw'r bartneriaeth yn dda iawn am nodi nodweddion y boblogaeth o ran ymgysylltu ar hyn o bryd.

Amy Hawkins, Pennaeth Gwasanaethau Oedolion a Threchu Tlodi

Helen St John, Pennaeth Gwasanaethau Cymunedol Integredig

Roedd Amy Hawkins, Pennaeth Gwasanaethau i Oedolion a Threchu Tlodi wedi rhoi'r diweddaraf i'r panel ynghylch yr adroddiad perfformiad ar gyfer mis Ionawr 2024 a nodwyd nad oedd unrhyw newidiadau i dueddiadau ar gyfer data mis Chwefror.

Pwyntiau Trafod:

·       Nododd y Panel fodd cyfleoedd ar gyfer seibiant wedi cynyddu a bydd gofalwyr yn elwa o hyn ac mae hynny'n gadarnhaol iawn.

·       Teimlai'r Panel fod y Pwynt Mynediad Cyffredin (PMC) wedi bod yn llwyddiannus iawn. Gofynnodd y Panel pam yr oedd y PMC wedi derbyn nifer uchel o alwadau ffôn ym mis Ionawr. Esboniwyd bod y galw wedi cynyddu ac roeddent yn gobeithio bod mwy o ymwybyddiaeth.

·       Trafododd y Panel sut y mae darparwyr gofal cartref allanol yn parhau i adrodd ar bwysau ariannol a gofynnwyd a oedd hyn yn broblem. Esboniwyd, er bod heriau o ran pwysau cost gweithredol parhaus, mae'r sector llawer mwy sefydlog.

·       Trafododd y Panel Trefniadau Diogelu wrth Amddifadu o Ryddid (DOLS) a'r pryder ynghylch asesiadau. Gofynnodd y Panel am effaith hyn ar unigolion ac esboniwyd bod risg o amddifadu o ryddid ac mae angen sicrhau bod y prosesau priodol ar waith er mwyn cymeradwyo hyn.  

David Howes, Cyfarwyddwr y Gwasanaethau Cymdeithasol

Roedd Louise Gibbard, Aelod y Cabinet dros Wasanaethau Gofal a David Howes, Cyfarwyddwr y Gwasanaethau Cymdeithasol yn bresennol ar gyfer yr eitem hon. Dywedwyd bod yr adroddiad wedi bod i'r Cabinet lle cytunwyd i roi cynnydd chwyddiannol o 6% ar waith ar gyfer holl ffïoedd y Gwasanaethau Cymdeithasol o 1 Ebrill. Yn ogystal â hyn, cytunodd y Panel i'r Gwasanaethau i Oedolion gynnal ymgynghoriad ynghylch ffi untro ar gyfer gosod y Gwasanaeth Llinell Fywyd a chost i dalu am grog dlysau newydd.

Ystyriodd y Panel y rhaglen waith a nodwyd yr eitemau ar gyfer y cyfarfod nesaf.