Agenda a Chofnodion

www.abertawe.gov.uk/DatgeluCysylltiadau

Datganodd Chris Holley gysylltiad personol.

Ni wnaethpwyd unrhyw ddatganiadau.

Derbyn nodiadau’r cyfarfod(ydd) blaenorol a chytuno eu bod yn gofnod cywir.

Cytunodd y panel fod nodiadau'r cyfarfod a gynhaliwyd ar 14 Gorffennaf 2021 yn gofnod cywir o'r cyfarfod. 

O ran materion sy'n codi, cododd y Panel ymholiad a nodwyd eu bod yn deall o'r datganiad ar dudalen 22 o'r pecyn agenda fod symud i fath o gyllidebu ar sail canlyniadau yn cael ei atal.  Cadarnhaodd y Cynullydd fod hyn yn gywir.

Rhaid cyflwyno cwestiynau’n ysgrifenedig, cyn hanner dydd ar y diwrnod gwaith cyn y cyfarfod fan bellaf. Rhaid i gwestiynau ymwneud ag eitemau ar yr agenda. Ymdrinnir â chwestiynau o fewn cyfnod 10 munud.

Ni chyflwynwyd unrhyw gwestiynau.

Deborah Reed, Adnoddau prif swyddogion

·       Roedd Deborah Reed, Prif Swyddog Adnoddau, yn bresennol i roi cyflwyniad i'r Panel am y rhaglen gefnogaeth sydd ar waith ar gyfer staff y Gwasanaethau i Oedolion, recriwtio a'r camau nesaf. 

Pwyntiau i'w trafod:

·       Roedd y Gwasanaethau Cymdeithasol yn sylweddoli bod problem o ran salwch a nhw oedd y cyntaf i dreialu Swyddog Adnoddau Dynol pwrpasol.  Mae'r Gyfarwyddiaeth Lleoedd a'r Adran Addysg wedi symud i fodel tebyg ac maent yn treialu Swyddog Adnoddau Dynol pwrpasol yn yr ardal. 

·       Roedd y panel yn pryderu bod y sector preifat yn dioddef problem debyg gyda staffio a holodd a yw'r Awdurdod wedi rhannu ei arferion â nhw. Fe'u hysbyswyd nad oes ymgyrch recriwtio a rennir ond pan fydd yr Awdurdod yn recriwtio staff mae'n sicrhau na chymerir staff o gartrefi preifat. 

·       Mae llawer o waith wedi digwydd o amgylch y gweithlu, mae llawer i'w wneud o hyd ond mae gan y Gyfarwyddiaeth gynllun. 

Mark Child, Aelod y Cabinet - Gwasanaethau Gofal i Oedolionac Iechyd Cymunedol

David Howes, Cyfarwyddwr y Gwasanaethau Cymdeithasol

Roedd Mark Child, Aelod y Cabinet dros Ofal Cymdeithasol i Oedolion a David Howes, Cyfarwyddwr y Gwasanaethau Cymdeithasol yn bresennol i friffio'r Panel ar y sefyllfa bresennol. 

Pwyntiau i'w trafod:

• Mae'r Gyfarwyddiaeth yn dal i ymdopi ond mae'n parhau i fod yn frwydr.  Rydyn ni yn y drydedd don sy'n cael effaith sylweddol iawn.  Breuder Gofal Cartref sydd wedi taro'r Gyfarwyddiaeth waethaf, yn enwedig y gweithlu. 
• Y rhestr aros ar gyfer gofal cartref tymor hir oedd 200 o unigolion, mae hyn bellach i lawr i 100/110 o unigolion.  Nid oedd gan bob unigolyn ofal na'r gofal iawn chwaith.  Mae'r Gyfarwyddiaeth yn gweithio'n galed gyda theuluoedd/gofalwyr i gynnig dewisiadau amgen tan fis Chwefror y flwyddyn nesaf.  Mae nifer o unigolion (llai na 10 bellach) yn gorfod ystyried gofal preswyl gan nad yw'r Awdurdod yn gallu darparu'r gofal cartref sydd ei angen arnynt.
• Her arall i'r Gyfarwyddiaeth yw blaenoriaethu asesiadau ac adolygiadau.  Mae ôl-groniad o waith adolygu cynlluniedig o hyd.  Mae trafodaethau'n digwydd ag asiantaeth annibynnol i gael llawer o waith gan gynnwys yr holl adolygiadau ac asesiadau sy'n weddill.  Yn y cyfamser, mae pawb yn parhau i dderbyn diweddariadau rheolaidd. 
• Cred y Cyfarwyddwr fod trefniadau'r Awdurdod yn ddigon da i gyflawni’i gyfrifoldebau diogelu. 
• Mae llawer o straen a phwysau er gwaethaf y gwaith a wneir ar gefnogi'r gweithlu. 
• Holodd y panel pa berthynas y mae'r Awdurdod am ei chael â'r sector preifat ynghylch yr hyn y gellid fod wedi ei ragweld a'r anrhagweledig a manteision ac anfanteision y gwahanol opsiynau. Clywyd bod angen newid sylfaenol ar elfennau o'r farchnad gofal cartref a phreswyl er mwyn sicrhau ei bod yn parhau i fod yn addas at y diben. 

Mark Child, Aelod y Cabinet - Gwasanaethau Gofal i Oedolionac Iechyd Cymunedol

David Howes, Cyfarwyddwr y Gwasanaethau Cymdeithasol

Rhoddodd Mark Child a David Howes ddiweddariad byr ar y materion cyfredol mewn perthynas â Monitro Perfformiad o dan yr eitem flaenorol.

Pwyntiau i'w trafod:

·       Holodd y panel ynghylch dwy agwedd mewn perthynas â’r Pwynt Mynediad Cyffredin.  Yn gyntaf, a yw nifer yr ‘atgyfeiriadau coll’ yn hysbys a’u ffynhonnell e.e. meddygon teulu, perthnasau neu eraill.  Yn ail, a yw'r broses atgyfeirio yn dal y data cywir i hysbysu'r tîm Pwynt Mynediad Cyffredin am frys yr atgyfeiriad a'r prognosis tebygol. 

·       Holodd y panel mewn perthynas â Thaliadau Uniongyrchol, sut mae'r trefniadau adolygu proffesiynol yn cysylltu â'r systemau talu i sicrhau bod trefniadau cyllido amserol ar waith. Fe'u hysbyswyd bod cyfarfodydd panel y Gyfarwyddiaeth yn cael eu cynnal dair gwaith yr wythnos a gwneir pob cysylltiad drwy'r cyfarfod hwn.

·       Holodd y panel pwy sy'n gyfrifol am bennu'r côd ymarfer ar gyfer asesiadau DoLS, beth sy'n achosi'r oedi cyn cytuno arno a sut y gallai unrhyw rwystrau gael eu dileu. Fe'u hysbyswyd bod hyn yn cael ei arwain gan y DU ac nid yw'r newidiadau a gaiff eu gwneud mor arwyddocaol nes bod oedi’n peri pryder.

·       Mae'r Panel o'r farn bod Llywodraeth Cymru yn eithaf awyddus i weld nifer y taliadau uniongyrchol yn cynyddu.  Mae taliadau uniongyrchol yn rhoi dewis i unigolion yn y ffordd y cânt eu cynorthwyo.  Nid yw'n disodli darpariaeth gwasanaeth uniongyrchol os mai dyna'r gwasanaeth gorau i'r unigolyn.  

·         Amserlen y Rhaglen Waith ar gyfer 2021-22

Nodwyd y rhaglen waith ddiwygiedig.