Agenda a Chofnodion

www.abertawe.gov.uk/DatgeliadauBuddiannau

Datgeliadau o gysylltiadau -  Chris Holley ac Alyson Pugh.

Derbyn nodiadau’r cyfarfod blaenorol a chytuno eu bod yn gofnod cywir.

Cytunodd y panel ar y nodiadau fel cofnod cywir o'r cyfarfod.

Ni ofynnwyd unrhyw gwestiynau gan y cyhoedd.

Andrew Taylor, Rheolwr Cwynion Corfforaethol

Aeth Andrew Taylor, Rheolwr Cwynion Corfforaethol, drwy'r adroddiad, gan dynnu sylw at y prif faterion ac ateb cwestiynau.

Pwyntiau trafod:

• Mae'n ofyniad gorfodol i'r Tîm Cwynion lunio adroddiad blynyddol am ei berfformiad.
• Mae'n gadarnhaol bod cyfradd y pryderon cyfiawn wedi aros yn sefydlog
• Cafwyd gostyngiad enfawr yn yr ychydig flynyddoedd diwethaf yn nifer y cwynion a aeth ymlaen i gam 2
• Dysgwyd llawer eleni am gwynion ynghylch larymau cymunedol. Amlygwyd problem yn sgîl hyn a arweiniodd at lawer o waith i gryfhau'r broses.
• Dysgir hefyd o'r ganmoliaeth a dderbynnir am yr hyn y mae'r adran yn ei wneud yn dda. 
• Bydd y Pennaeth Gwasanaeth a'r Prif Swyddog yn ysgrifennu at bob aelod o staff sydd wedi derbyn canmoliaeth i ddangos gwerthfawrogiad o'i ymdrechion. Cynhelir digwyddiad gwobrwyo hefyd bob blwyddyn i gydnabod cyflawniad.
• Roedd y panel yn poeni am gadernid yr adran wrth wynebu newidiadau strwythurol er mwyn cadw'r holl ddysgu a gwybodaeth a gafwyd dros nifer o flynyddoedd. Fe'i hysbyswyd bod risg ond mae'r adran wedi gweithio'n galed i greu systemau wedi'u gwreiddio yn yr Adran Cwynion ac adran y Gwasanaethau Cymdeithasol drwy, er enghraifft, gofnod olrhain cwynion. 
• Gofynnwyd hefyd a oes proses ar gyfer diweddaru llawlyfrau'n rheolaidd yn yr adran i sicrhau y cedwir prosesau a gwybodaeth. Hysbyswyd y panel fod y gwaith hwn ar y gweill yn y Gwasanaethau i Oedolion.

Mark Child, Aelod y Cabinet dros Iechyd a Lles

Roedd y Cynghorydd Mark Child, Aelod y Cabinet dros Iechyd a Lles, yn bresennol i roi'r diweddaraf am yr hyn sydd wedi bod yn digwydd yn y Gwasanaethau i Oedolion dros y flwyddyn ddiwethaf.  Roedd Dave Howes, Prif Swyddog y Gwasanaethau Cymdeithasol, hefyd yn bresennol ar gyfer yr eitem hon.

Pwyntiau trafod:

·       Cydlynu Ardaloedd Lleol - cyfarfu Peter Black â'i Gydlynydd Ardal Leol a wnaeth argraff fawr arno. Y llynedd, bu'r panel yn edrych ar fanteision posib CALl. Roedd y panel am wybod os yw'r adran wedi gallu edrych ar fanteision arian parod.  Fe'i hysbyswyd nad oes gwybodaeth am hyn ar gael ar hyn o bryd. Nid oes gan yr awdurdod gytundeb cyfredol â Phrifysgol Abertawe i gynhyrchu tystiolaeth am ba mor effeithiol ydyw. Fodd bynnag, ar ryw bwynt yn y dyfodol, caiff gwybodaeth ei choladu.

·       Gofynnodd y panel am ddangosyddion perfformiad a fyddai'n dangos canlyniadau CALl.  Hysbyswyd y panel y byddai'n anodd dangos budd ond bydd yr adran yn llunio rhywbeth i'w gynnwys yn ei adroddiadau perfformiad i'r panel.

·       Dywedodd y panel fod gwahaniaeth mawr i'r maes iechyd os yw'r Cydlynydd Ardal Leol yn dda neu beidio a bod angen iddo ddod i adnabod y gymuned yn ei ardal, oherwydd po fwyaf mae'n  gwreiddio'i hun, gorau yw'r canlyniadau.  Teimlai'r panel fod y rhai yn Abertawe'n dda iawn.

·       Roedd y panel yn falch o glywed bod y gwasanaethau cymdeithasol yn cyflwyno/cyfeirio pobl yn rheolaidd i Gydlynwyr Ardaloedd Lleol.  Cânt eu cyfeirio gan ystod eang o weithwyr proffesiynol felly cânt eu defnyddio'n dda.

·       Clywodd y panel fod nifer o adolygiadau yn yr arfaeth yn adran y gwasanaethau cymdeithasol. O ran y gwasanaeth eiriolaeth, ni fydd adolygiad ar wahân ond bydd yr adran yn adolygu ei hymagwedd at eiriolaeth.  Ailarchwilir y broses gyfredol felly mae gwaith yn parhau ar hyn.

·       Strategaeth Llety ar gyfer Pobl Hŷn - roedd y panel yn meddwl y byddai hyn yn manylu ar nifer y bobl hŷn a'u hanghenion tai ac roedd wedi synnu i glywed na fyddai adolygiad ffurfiol yn cael ei gynnal.  Mae'n rhywbeth y mae angen edrych arno'n fanylach ond ar hyn o bryd rhoddir blaenoriaeth i adolygiadau comisiynu o ran amser staff.  Mae'r panel yn teimlo y byddai'n fuddiol treulio amser yn cynnal adolygiad trawsbynciol o anghenion ar draws adrannau.

·       Mae enghreifftiau yn Ewrop o fyfyrwyr a phobl hŷn yn rhannu llety.  Mae gan Aelod y Cabinet ddiddordeb mewn mynd ar drywydd hyn.

·       Roedd y panel am wybod yr hyn i'w ddisgwyl o ran cyllid ar gyfer Cefnogi Pobl. Fodd bynnag, Llywodraeth Cymru sy'n penderfynu dosbarthu'r cyllid felly mae'n rhywbeth y bydd rhaid i'r awdurdod gadw llygad arno.   Holodd y panel a oedd unrhyw waith wedi'i wneud ar sut i ddiogelu'n sefyllfa, o gofio y byddai Abertawe o bosib yn colli'r cyfle i gael gyllid. Mae'r awdurdod yn ceisio casglu  tystiolaeth am yr hyn y mae wedi'i wneud a'r hyn y mae'n rhaid iddo ddelio ag ef, er enghraifft, digartrefedd.  Mae'n gadarnhaol fod gan yr awdurdod Gyfarwyddiaeth Pobl a bod llawer o grantiau'n dod o fewn y gyfarwyddiaeth hon.  Mae hyn yn galluogi ymagwedd o edrych ar sut gallwn ddefnyddio grantiau cyfan am y canlyniadau rydym am eu cyflawni. Mae hyn yn fater anodd iawn sydd ar gam cynnar ond mae peth gwaith yn cael ei wneud ar hyn. Bydd y panel am wirio cynnydd o ran hyn mewn 3 i 6 mis.

Camau Gweithredu:

·       Ychwanegu 'Sut bydd yr awdurdod yn defnyddio ei grantiau drwy'r Rhaglen Cefnogi Pobl' mewn 3 i 6 mis.

Derbyniwyd ac ystyriwyd y rhaglen waith gan y panel.

Camau Gweithredu:

·       Trefnu cyfarfod rhwng Peter Black, Alex Williams a Swyddog Cefnogi Craffu y Rhaglen Waith ddrafft ar gyfer 2018/19.

Llythyrau a dderbyniwyd ac a ystyriwyd gan y panel.