Agenda a Chofnodion

www.abertawe.gov.uk/DatgeliadauBuddiannau

Datganiadau o gysylltiadau – Chris Holley, Sue Jones ac Alyson Pugh

Cytunodd y panel fod y nodiadau yn gofnod cywir o'r cyfarfod.

Ni ofynnwyd unrhyw gwestiynau gan y cyhoedd

Alex Williams, Pennaeth y Gwasanaethau i Oedolion
Mark Wade, Tai

Aeth Alex Williams, Pennaeth y Gwasanaethau i Oedolion, drwy'r adroddiad gan dynnu sylw at y prif bwyntiau ac ateb cwestiynau. Roedd Mark Wade, Tai, hefyd yn bresennol yn y cyfarfod ar gyfer yr eitem a oedd yn ymwneud â Grantiau Cyfleusterau i'r Anabl.

Pwyntiau trafod:

• Bu llawer o gynnydd gyda swyddogaeth y tîm blaenoriaethu amlddisgyblaeth.  Mae'r holl weithwyr proffesiynol bellach yn eistedd wrth y drws ffrynt, gan gynnwys nyrsys ardal.
• Yr Adran Iechyd sy'n arwain gofal rhagweledol.  Mae cynnydd yn ddibynnol ar yr ymagwedd ranbarthol a chyllid.
• Gofal cartref mewnol – mae'r strwythur uwch-reoli newydd wedi'i roi ar waith ac mae'n ymddangos bod yr ymagwedd hon yn llwyddo. Mae angen mynd i'r afael â phroblemau o ran rotâu gwaith o hyd. Y gobaith yw treialu hyn eleni.
• Mae Adolygiad Ailalluogi'n mynd rhagddo. Mae problemau gyda chofnodi data o hyd.
• Llwybrau pobl drwy'r ysbyty – mae cefnogaeth gwaith cymdeithasol ar y safle wedi lleihau gohirio trosglwyddo gofal o ganlyniad i broblemau asesu gwaith cymdeithasol. Hoffai'r panel gael gwybodaeth am faint o bobl sydd wedi osgoi cael eu derbyn i'r ysbyty o ganlyniad i'r gwasanaeth ymateb clinigol acíwt.
• Roedd achos yr Ombwdsmon wedi arwain at adolygiad llawn o'r polisi ar gyfer rheoli stoc yn y storfa cyfarpar cymunedol a thele-ofal. Roedd y panel yn falch bod cyfradd ailgylchu uchel ar gyfer y storfa cyfarpar cymunedol.
• Grantiau Cyfleusterau i'r Anabl – mae un dangosydd ar gyfer y maes hwn sy'n lleihau, felly mae cynnydd yn cael ei wneud. O ran therapyddion galwedigaethol, mae'r amser aros ar gyfer prosesu grantiau wedi lleihau.
• Gweithio 24 awr – dyma ran o Fodel Optimwm Bae'r Gorllewin. Hoffai'r panel weld dadansoddiad manwl.
• Cynigir treialu gweithio 7 niwrnod gan therapyddion galwedigaethol. Mae peth gwrthwynebiad i hyn. Ymgynghorir arno.

Camau Gweithredu:

• Bydd yr adran yn darparu gwybodaeth i'r panel am nifer y bobl sydd wedi osgoi cael eu derbyn i'r ysbyty o ganlyniad i'r gwasanaeth ymateb clinigol acíwt.
• Bydd yr adran yn darparu copi o Fodel Optimwm Bae'r Gorllewin.

Steve Davies, Rheolwr Gweithredu WCCIS

Tracey Bell, Arbenigwr Cynnyrch WCCIS

Roedd Steve Davies, Rheolwr Gweithredu WCCIS, a Tracey Bell, arbenigwr ar y system, yn bresennol i roi cyflwyniad ar sut mae'r system yn gweithio ac i ateb unrhyw gwestiynau.

Pwyntiau trafod:

• Er ei bod yn system genedlaethol, fe'i rhoddir ar waith yn lleol a gellir ei theilwra i ddiwallu anghenion lleol.
• Ar hyn o bryd, defnyddir y system ar gyfer gwasanaethau cymunedol yn unig. Ni fydd yn cael ei defnyddio ar gyfer gofal cymunedol am nifer o flynyddoedd.
• Cyngor Pen-y-bont ar Ogwr oedd y sefydliad cyntaf i roi'r system ar waith yng Nghymru. Nid yw ar waith yn Abertawe ar hyn o bryd.
• Rheoli'r system – ceir gweinyddwyr lleol, rhanbarthol a chenedlaethol. Mae gan bob sefydliad 'byw' weinyddwyr.
• Mae pob sefydliad yn llofnodi cytundeb mynediad data cyn mynd yn 'fyw'.
• Pan fydd pob awdurdod lleol yn 'fyw', gallwn gymharu data'n lleol ac ar draws Cymru.

Roedd Mark Child, Aelod y Cabinet dros Iechyd a Lles, Dave Howes, Prif Swyddog y Gwasanaethau Cymdeithasol, ac Alex Williams yn bresennol ar gyfer yr eitem hon ac atebwyd cwestiynau ganddynt.

Pwyntiau trafod:

• Mae'r sefyllfa bresennol yn heriol iawn. I ddechrau, roedd angen gwneud £23 miliwn o arbedion yn 2018/19, ond mae hyn wedi cynyddu.
• Roedd y Gwasanaethau i Oedolion £3m dros y gyllideb y llynedd. Y rhagamcan yw y bydd £4m dros y gyllideb y flwyddyn nesaf. Rhaid i'r Gwasanaethau i Oedolion newid y model gwasanaeth. Mae'r panel yn credu na chafodd y gorwariant ei reoli y llynedd.
• Mae'r panel yn bryderus ynghylch peidio â llwyddo i arbed arian eleni, er y dywedwyd wrtho y gellid gwneud hynny.
• Mae'r rhan fwyaf o'r cynnydd i'r gyllideb yn deillio o bwysau chwyddiannol, yn enwedig cyflogau, gorwariant y llynedd a buddsoddi i wneud arbedion. 
• Ceir anghysondeb yn y ffigurau – dywedwyd wrth y panel fod cyllideb y Gwasanaethau i Oedolion wedi cynyddu £3.5 miliwn ar gyfer y flwyddyn nesaf.  Fodd bynnag, ar dudalen 118 o'r cynigion cyllidebol, dywed £2.7 miliwn ac ar dudalen 182 o'r cynigion cyllidebol, mae'n cyfateb i £4.5 miliwn.  Mae angen egluro'r ffigur cywir.
• Roedd y panel yn bryderus yr argymhellir y dylid gosod taliadau newydd ar gyfer y canolfannau dydd, er gwaetha'r ffaith bod dros 70% o'r ymgyngoreion yn eu gwrthwynebu.
• Roedd y panel yn ddiolchgar am yr wybodaeth a ddarparwyd am y dadansoddiad o gost gwasanaethau dydd fesul uned y gofynnwyd amdani ar 16 Ionawr ac am gadarnhau yng nghyfarfod heddiw nad oes unrhyw staff sy'n gweithio i'r gwasanaethau preswyl a'r gwasanaethau dydd.
• Diogelu/lles yw'r unig faes yn y gyllideb arfaethedig sy'n lleihau. Mae'r panel am gael eglurder ynghylch ystyr hyn.

Yn seiliedig ar ei drafodaethau, cytunodd y panel ar y farn a'r argymhellion i'w cyflwyno i'r Cabinet ar y cynigion cyllidebol o ran y Gwasanaethau i Oedolion.

Yn dilyn y cyfarfod hwn:

Bydd y cynullydd yn cyflwyno barn y panel, ar y cyd â chynullyddion paneli eraill, i'r Panel Gwella Gwasanaethau a Chyllid, sy'n cwrdd ar 14 Chwefror. Bydd cynullydd y Panel Gwella Gwasanaethau a Chyllid yna'n mynd i'r Cabinet ar 15 Chwefror i gyflwyno barn gyfunol paneli perfformiad craffu ac ysgrifennu llythyr at Aelod y Cabinet.

Derbyniwyd ac ystyriwyd y rhaglen waith gan y panel.

Camau Gweithredu:

·       Symud y diweddariad am yr Adolygiad Comisiynu - Gofal Cartref a Chaffael o'r cyfarfod ym mis Mawrth i fis Ionawr/Chwefror 2019.

·       Ychwanegu Cydlynu Ardaloedd Lleol at raglen waith y dyfodol (dyddiad i'w drefnu)

·       Trefnu craffu cyn penderfynu ar yr Adolygiad o Wasanaethau Dydd a'r Adolygiad o Ofal Preswyl, sy'n cael eu cyflwyno i'r Cabinet ym mis Ebrill

·       Trefnu craffu cyn penderfynu ar yr Adolygiad o Larymau Cymunedol yn y dyfodol

·       Bydd Swyddog Ymchwil Craffu'n llunio brîff ar gyfer aelodau'r panel ar gyfer y sesiwn holi ac ateb Aelod y Cabinet ym mis Mawrth.

Llythyrau a dderbyniwyd ac a ystyriwyd gan y panel.