Agenda a Chofnodion

www.abertawe.gov.uk/DatgeliadauBuddiannau

Datganiadau o ddiddordeb - Chris Holley.

Derbyn nodiadau’r cyfarfod blaenorol a chytuno eu bod yn gofnod cywir.

Cytunodd y panel ar y nodiadau fel cofnod cywir o'r cyfarfod.

Alex Williams, Pennaeth y Gwasanaethau i Oedolion

Aeth Alex Williams, Pennaeth y Gwasanaethau i Oedolion, drwy'r adroddiad gan dynnu sylw at nifer o bwyntiau ac ateb cwestiynau. Roedd David Howes hefyd yn y cyfarfod ac atebodd gwestiynau.

Pwyntiau trafod:

·         Mae'r Gwasanaethau Cymdeithasol a'r gweithlu integredig wedi derbyn hyfforddiant dwys ar y Ddeddf. Mae gweithgareddau archwilio rheolaidd AGGCC yn rhoi ffocws ar ddatblygu'r gweithlu. 

·         Cafodd Tîm Iechyd Meddwl Cymunedol ei archwilio'n ddiweddar gan yr AGGCC.  Mae'r adborth anffurfiol yn dda. Disgwylir yr adroddiad ffurfiol ym mis Ionawr 2018.

·         Mae'r Gwasanaethau i Oedolion yn datblygu Fframwaith Arfer trosgynnol sef 'Cyflawni'r Hyn sy'n Bwysig'.  Ymyriad penodol yw hwn sy'n ystyried y canlyniadau y mae'r unigolyn am eu cyflawni. I'w rannu â'r panel ar ôl ei gwblhau.

·         Nid yw recriwtio ar gyfer meysydd penodol megis therapyddion galwedigaethol a gweithwyr cymdeithasol bellach yn broblem fawr i'r awdurdod.  Mae'r adran yn cefnogi prentisiaethau. Mae hefyd yn noddi rhai unigolion i gwblhau gradd yn y gwasanaethau cymdeithasol. Mae llai yn cael eu noddi ar hyn o bryd ond mae'n bosib cynyddu'r nifer os oes angen.

·         Mae'r adran yn meddwl bod yna le i wella o ran sut rydym yn trefnu diogelwch ac mae'n cynnig ymagwedd fwy canolog. Mae'r adran yn datblygu safonau o ran cwblhau ymchwiliadau diogelu a bydd hyn yn cael ei gynnwys yn yr adroddiadau monitro perfformiad a ddarperir i'r panel. Mae'r panel yn cefnogi'r syniad hwn.

·         Datblygu a gweithredu System Wybodaeth Gofal Cymunedol Cymru (WCCIS) – bydd hyn yn cynnwys amser ymarferydd y mae'r adran yn ystyried bod modd ei reoli gyda'r swyddi ychwanegol sy'n cael eu creu.

·         Mae'r adran yn bwriadu cefnogi taliadau uniongyrchol a bydd system cardiau rhagdaledig ar waith ar ddechrau 2018. Gall hyn gyflwyno cyfleoedd i adrannau eraill yr awdurdod. Trafododd y panel y risgiau sy'n gysylltiedig â thaliadau uniongyrchol ac unigolion nad ydynt yn eu defnyddio am y rhesymau cywir.

·         Fel rhan o'r cynigion cyllidebol drafft, mae'r cabinet yn cynnig buddsoddiad ychwanegol gwerth £3.5 miliwn yn y gwasanaethau cymdeithasol er mwyn ystyried pwysau cyllidebol anochel. Croesewir hyn ond bydd yr adran yn parhau i gael anhawster wrth fodloni ei rwymedigaethau.

Camau Gweithredu:

·         Dosbarthu adroddiad arolygiad yr AGGCC i'r panel pan fydd ar gael

·         Rhannu'r Fframwaith Arfer Gwaith Cymdeithasol gyda'r panel pan fydd ar gael, yn ogystal ag astudiaethau achos. Rhoi cyflwyniad mewn cyfarfod panel yn y dyfodol.

Derbyniwyd ac ystyriwyd y rhaglen waith gan y panel.

Camau Gweithredu:

• Anfon llythyr at Aelod y Cabinet yn dilyn y cyfarfod er gwybodaeth.

a) Llythyr y cynullydd at Aelod y Cabinet (cyfarfod 21 Tachwedd 2017)

Llythyr a dderbyniwyd ac a ystyriwyd gan y panel.