Agenda a Chofnodion
Lleoliad: Ystafell Bwyllgor 5 - Neuadd y Ddinas, Abertawe. Cyfarwyddiadau
Cyswllt: Gwasanaethau Democrataidd: - 636923
Rhif | Eitem |
---|---|
Datgeliadau o fuddiannau personol a rhagfarnol. Cofnodion: Yn unol â'r Côd Ymddygiad a fabwysiadwyd gan Ddinas a Sir Abertawe,
datganwyd y buddiannau canlynol: Datganodd Andrew Davies, Aelod Cyfetholedig, gysylltiad personol â Chofnod 28 "Polisi Hyrwyddo Credyd Fforddiadwy Drafft". |
|
Cymeradwyo a llofnodi, fel cofnod cywir, gofnodion y cyfarfod(ydd) blaenorol. Dogfennau ychwanegol: Cofnodion: Penderfynwyd cymeradwyo a llofnodi cofnodion cyfarfod y
Pwyllgor Datblygu Polisi Lleihau Tlodi a gynhaliwyd ar 30 Medi 2019 ac 18
Tachwedd 2018 fel cofnod cywir. |
|
Cyflwyniad - Polisi Drafft Hyrwyddo Credyd Fforddiadwy. Cofnodion: Amlinellodd y
Cadeirydd y gwaith y mae'r pwyllgor eisoes wedi'i wneud yn ystod cyfarfodydd y
Gweithgor. Nododd y byddai'r polisi'n
cael ei anfon i'r Cabinet i'w fabwysiadu ar ôl i'r pwyllgor gytuno arno. Darparodd Rheolwr y Gwasanaeth Trechu Tlodi gyflwyniad a oedd yn
amlinellu'r canlynol: 1. Cyflwyniad Roedd benthyca'n angenrheidiol i nifer o breswylwyr. Mae cwmnïau credyd cost uchel yn targedu'r
rheini â chredyd gwael neu gadernid ariannol isel. Gallai hyn arwain at
or-ddyledion, diffygdalu ac ansolfedd oherwydd gall
preswylwyr dderbyn gormod o gredyd cost uchel.
Efallai
bydd nifer o breswylwyr sy'n cael eu targedu gan ddarparwyr credyd cost uchel
hefyd yn ddiamddiffyn, ac roedd gennym ddyletswydd penodol i sicrhau eu bod yn
cael eu cefnogi i wneud penderfyniadau gwybodus wrth fenthyca. Mae Strategaeth Trechu Tlodi Abertawe'n nodi ein
gweledigaeth ar gyfer Abertawe lle: ·
Nad yw tlodi incwm yn
rhwystr i fod yn llwyddiannus yn yr ysgol, cael bywyd iach a bywiog, datblygu
sgiliau ac ennill cymwysterau a chael swydd foddhaus. ·
Mae preswylwyr yn mwyafu eu hincwm ac yn cael y mwyaf o'u harian. ·
Mae preswylwyr yn osgoi
talu'r 'Premiwm Tlodi', sef y costau ychwanegol y mae'n rhaid i bobl ar incwm
isel eu talu am hanfodion megis tanwydd a chludiant. Mae Strategaeth Cynhwysiad Ariannol
(2016) Llywodraeth Cymru'n hyrwyddo cynhwysiad ariannol i holl breswylwyr
Cymru. Y nod cyffredinol yw darparu
gwybodaeth a chyngor a sicrhau bod gan breswylwyr fynediad at wasanaethau
ariannol addas a fforddiadwy. 2. Diffiniadau
Mae Benthyca Cost Uchel yn cynnwys: ·
Credyd tymor byr cost
uchel ·
Benthyciadau cost uchel
heb eu gwarantu sy'n targedu cwsmeriaid â chredyd gwael ·
Benthyciadau gwarantwr ·
Benthyciadau ar garreg
drws/wedi'u casglu o'r cartref e.e. Provident ·
Benthyciadau diwrnod
cyflog e.e. Quick Quid ·
Benthyciadau llyfrau
cofrestru/benthyciad car V5 ·
Gwystlo ·
Rhentu i Brynu e.e. Bright House Gallai hefyd gynnwys: ·
Benthycwyr anrheoledig e.e. Twyllwyr Credyd Mae nodweddion Credyd Fforddiadwy'n cynnwys: ·
Cynnyrch credyd gydag
ad-daliadau fforddiadwy ·
Cost glir y credyd a nodir ·
Gwiriadau fforddadwyedd a gynhaliwyd ·
Benthyca
cyfrifol ·
Cynyddu gallu
ariannol y benthyciwr ·
Cynnyrch
credyd moesegol, fforddiadwy a hygyrch 3. Datganiad Polisi Mae Cyngor Abertawe'n bwriadu: 1)
Atal targedu credyd cost
uchel, 2)
Atal benthyca cost uchel 3)
Hyrwyddo mynediad at gredyd
mwy cytbwys a fforddiadwy. Felly byddwn yn: ·
Hyrwyddo, annog a chefnogi
pobl i ddefnyddio cyngor diduedd, am ddim ar ddyled drwy: ·
a) ymgyrchoedd cyffredinol, a ·
b) chynnig rhagweithiol pryd bynnag y bydd preswylydd
yn datgelu ei fod mewn trafferth ariannol ·
Ymrwymo i weithio gydag
Undeb(au) Credyd Abertawe ·
Hyrwyddo a sefydlu mannau
casglu Undeb Credyd lle'n bosib. ·
Hyrwyddo ac annog
aelodaeth ag Undeb Credyd i denantiaid newydd a phresennol ·
Hyrwyddo ac annog
aelodaeth ag Undeb Credyd i staff newydd a phresennol. ·
Rhwystro gwefannau
benthyciadau diwrnod cyflog ar gyfrifiaduron y cyngor a chyfrifiaduron
cyhoeddus a chyfeirio pobl i Undeb/au Credyd
Abertawe, Cyngor ar Bopeth a'r Gwasanaeth Cynghori Ariannol. ·
Hyrwyddo cofrestr yr
Awdurdod Ymddygiad Ariannol o fenthycwyr rheoledig ar wefan y cyngor (https://register.fca.org.uk/). ·
Hyrwyddo rhoi gwybod am
unrhyw weithredoedd gan fenthyciwr arian didrwydded i Uned Benthyca Arian
Anghyfreithlon Cymru a Safonau Masnach Abertawe. ·
Rhoi hyfforddiant
Ymwybyddiaeth o Fenthycwyr Arian Didrwydded i staff a chynghorwyr y sir. 4. Cynllun Gweithredu a Monitro Byddai'r polisi'n cael ei weithredu drwy Gynllun Gweithredu tair blynedd, a
chaiff ei adolygu'n flynyddol ym mis Ionawr.
Byddai'r Cynllun Gweithredu'n nodi sut y byddai
swyddogion ac aelodau'n sicrhau bod yr holl ymrwymiadau a restrir yn y
datganiad polisi uchod yn cael eu cyflawni. Efallai y bydd hefyd yn cynnwys
gweithredodd ychwanegol yr ystyriwyd eu bod yn amserol ac yn berthnasol i'r
polisi hwn. Trafododd y pwyllgor y canlynol: ·
Pe bai modd defnyddio
canolfannau cymunedol i hyrwyddo cyngor i breswylwyr; ·
Er nad oedd y polisi wedi'i
gyd-gynhyrchu mewn gwirionedd, defnyddiwyd gwybodaeth ac adborth helaeth i
lunio'r polisi; ·
Byddai rhestr o dermau
technegol yn ddefnyddiol; ·
Angen targedau SMART er
mwyn gallu monitro a gwerthuso'r canlyniadau; ·
Angen gwella gwybodaeth y
cyhoedd o Undebau Credyd fel dewis arall i fenthyca, a hyrwyddo'u manteision; ·
Pe dylai cyrff eraill
megis Bwrdd Gwasanaethau Cyhoeddus Abertawe gofrestru ar gyfer y polisi. Cydnabuwyd y byddai angen cynnal ymgynghoriad â'r holl gyrff
perthnasol. Yn dilyn mabwysiadu'r polisi
gan y Cabinet, byddai gwaith cyhoeddi helaeth yn cael ei wneud. Penderfynwyd: 1)
Nodi'r cyflwyniad; 2)
Cyflwyno'r Polisi Hyrwyddo
Credyd Fforddiadwy Drafft i'r Cabinet. |
|
Rhaglen Waith ar Gyfer 2019-2020. PDF 126 KB Cofnodion: Cyflwynodd y
Cadeirydd y cynllun gwaith diweddaredig 'er gwybodaeth’. |