Agenda a Chofnodion
Lleoliad: Ystafell Bwyllgor 5 - Neuadd y Ddinas, Abertawe. Cyfarwyddiadau
Cyswllt: Gwasanaethau Democrataidd: - 636923
Rhif | Eitem |
---|---|
Datgeliadau o fuddiannau personol a rhagfarnol. Cofnodion: YnYn unol â'r Côd Ymddygiad a fabwysiadwyd gan Ddinas a Sir Abertawe, ni
ddatganwyd unrhyw gysylltiadau. |
|
Cymeradwyo a llofnodi, fel cofnod cywir, gofnodion y cyfarfod(ydd) blaenorol. Cofnodion: Penderfynwyd cymeradwyo a llofnodi cofnodion cyfarfod y
Pwyllgor Datblygu Polisi Lleihau Tlodi a gynhaliwyd ar 27 Mawrth 2019 fel
cofnod cywir. |
|
Hunanasesiad - Adolygiad o 2018/19 (Comisiwn Gwirionedd Tlodi). Cofnodion: Rhoddodd Anthony
Richards o’r Uned Ffyniant a Lles Oedolion y diweddaraf mewn perthynas â
Chomisiwn Gwirionedd Tlodi Abertawe (SPTC). Cyfeiriodd at ddiweddariadau blaenorol
i'r pwyllgor ar 25 Gorffennaf 2018 ac ar 22 Awst 2018. Manylodd ar rôl
Comisiwn Gwirionedd Tlodi Abertawe; ardaloedd eraill yn y wlad lle mae Comisiwn
Gwirionedd Tlodi wedi bod yn llwyddiannus; egwyddorion; cynnydd a'r pedwar cam
mewn perthynas â Chomisiwn Gwirionedd Tlodi Abertawe. Canolbwyntiodd
trafodaethau aelodau ar ddatblygu canlyniadau/blaenoriaethau Comisiwn
Gwirionedd Tlodi Abertawe; rôl y sefydliad cynnal (o ran staffio, cynnal
annibyniaeth ac aelodaeth) ac amserlenni o ran y digwyddiad agoriadol. Diolchodd y
Cadeirydd i'r swyddog am ei gyflwyniad addysgiadol. Penderfynwyd: 1)
Nodi'r
cyflwyniad; 2)
Y
bydd Swyddog y Gwasanaethau Democrataidd yn dosbarthu copi o'r cyflwyniad i
aelodau'r pwyllgor. |
|
Cyflwyniad - Llythyrau'r Cyngor i Breswylwyr. Cofnodion: Rhoddodd y Prif
Swyddog Refeniw gyflwyniad ar lythyrau Treth y Cyngor i breswylwyr. Nododd yr aelodau
y cefndir; proses statudol; problemau; y sefyllfa bresennol; arferion da
presennol; protocol treth y cyngor i Gymru; gwelliannau sy'n cael eu gwneud a
heriau parhaus. Canolbwyntiodd
trafodaethau'r aelodau ar gynnwys a chynllun y lythyr (gan ystyried rheoliadau
statudol); y broses a'r broses fonitro sy'n gysylltiedig â chasglwyr dyledion;
archwilio arfer gorau ymysg awdurdodau lleol eraill a chynnal y cydbwysedd
rhwng cynnig cyngor i unigolion a'u hannog i ymgysylltu â'r awdurdod lleol. Diolchodd y
Cadeirydd i'r Prif Swyddog Refeniw am ei gyflwyniad addysgiadol. Penderfynwyd: 1)
Nodi'r
cyflwyniad; 2)
Y
bydd Swyddog y Gwasanaethau Democrataidd yn dosbarthu copi o'r cyflwyniad i
aelodau'r pwyllgor. |
|
Hawliau Dynol ar gyfer Dinas a Sir Abertawe. Cofnodion: Cyfeiriodd
Rheolwr y Gwasanaeth Ffyniant a Lles Oedolion at drafodaethau (yn y cyfarfod ar
y 27 Mawrth 2019) ynghylch Dinas Abertawe yn dod yn Ddinas Hawliau Dynol.
Nododd fod llythyr drafft i'r Cabinet/TRhC wedi'i
ddosbarthu i'r pwyllgor er mwyn ei gymeradwyo. Penderfynwyd anfon y llythyr (gan gynnwys pwyntiau
gweithredu) at Aelod y Cabinet. |
|
Hunan-werthusiad - Adolygiad o 2018/19. Cofnodion: Rhoddodd Rheolwr
y Gwasanaeth Ffyniant a Lles Oedolion yr wybodaeth ddiweddaraf i'r pwyllgor
ynghylch: y Cynllun Gweithredu Llog Uchel a llythyr at Aelodau'r Cabinet;
diweddariad am statws Swyddog Gofal Plant Llywodraeth Cymru. Rhoddodd y
Swyddog Strategaeth a Pholisi drosolwg o'r gwaith a wnaed gan y Pwyllgor
Datblygu Polisi Tlodi yn ystod blwyddyn ddinesig 2018-2019. Nododd yr
aelodau: gylch gorchwyl; rôl a fframwaith; perthynas â chraffu; proses hunanfyfyrio; cynllun gwaith ar gyfer 2018/2019;
cyflawniadau allweddol a hunanfyfyrio. Trafododd yr
aelodau yr angen am gysondeb ynghylch materion polisi, y gwersi a ddysgwyd a
fformat cyfarfodydd y dyfodol. Diolchodd y
Cadeirydd y swyddogion am eu cyflwyniadau addysgiadol a'u cefnogaeth yn ystod y
flwyddyn. |
|
Cynllun Gwaith 2018-2019. PDF 104 KB Cofnodion: Dywedodd y
Cadeirydd y byddai cynllun gwaith y Pwyllgor Datblygu Polisi Tlodi ar gyfer
blwyddyn ddinesig 2019-2020 yn cael ei benderfynu yn y flwyddyn ddinesig newydd. |