Agenda a Chofnodion

www.abertawe.gov.uk/DatgeliadauBuddiannau

Yn unol â'r Côd Ymddygiad a fabwysiadwyd gan Ddinas a Sir Abertawe, ni ddatganwyd unrhyw gysylltiadau.

Cymeradwyo a llofnodi, fel cofnod cywir, gofnodion y cyfarfod blaenorol.

Penderfynwyd llofnodi cofnodion cyfarfod y Pwyllgor Datblygu Polisi Lleihau Tlodi a gynhaliwyd ar 25 Ebrill a 24 Mai 2018 a'u cymeradwyo fel cofnod cywir.

Amlinellodd y Cadeirydd y Cylch Gorchwyl i'r pwyllgor 'er gwybodaeth'.

Rhoddodd y Pennaeth Tlodi a'i Atal gyflwyniad i'r pwyllgor am Gynllun Gwaith y Pwyllgor ar gyfer 2018-2019.

Trafodwyd y canlynol yn y cyflwyniad: -

·       Ystyriaethau;

·       Cynigion ar gyfer 2018-2019;

·       Comisiwn y Gwirionedd am Dlodi/Cynllun Gweithredu Digartrefedd;

·       Benthyca llog uchel;

·       Dinas Hawliau Dynol;

·       Cyflogadwyedd.

Trafododd y pwyllgor waith sy'n parhau o'r PDChP diwethaf; canolbwyntio ar lai o bynciau; y cynigion, y canlyniadau a'r rhaglen waith ar gyfer Comisiwn y Gwirionedd am Dlodi/Cynllun Gweithredu Digartrefedd; y rhaglen waith a'r canlyniadau ar gyfer benthyca llog uchel; y rhaglen waith a’r canlyniadau ar gyfer Dinas Hawliau Dynol; ac, os oedd amser yn caniatáu, y rhaglen waith a’r canlyniadau ar gyfer cyflogadwyedd.

Penderfynwyd: -

1)    Nodi cynnwys y cyflwyniad;

2)    Cynnwys y pynciau canlynol yn Rhaglen Waith 2018-2019:

-       Cynllun Gweithredu'r Strategaeth Digartrefedd

-       Benthyca llog uchel

-       Comisiwn y Gwirionedd am Dlodi 

-       Dinas Hawliau Dynol

3)    Cadw pwnc cyflogadwyedd wrth gefn, os oedd amser yn caniatáu;

4)    Y byddai’r Pennaeth Tlodi ac Atal yn cylchredeg sleidiau'r cyflwyniad diwygiedig i'r pwyllgor;

5)    Adrodd am gynllun gwaith diwygiedig yn y cyfarfod nesaf a drefnir.

Penderfynwyd y byddai cyfarfodydd y pwyllgor yn ystod blwyddyn ddinesig 2018-2019 yn dechrau am 4pm.