Agenda, decisions and minutes

www.abertawe.gov.uk/DatgeluCysylltiadau

Dim.

Yn unol â'r Côd Ymddygiad a fabwysiadwyd gan Ddinas a Sir Abertawe, ni ddatganwyd unrhyw fuddiannau.

Cymeradwyo a llofnodi, fel cofnod cywir, gofnodion y cyfarfod(ydd) blaenorol.

Cymeradwywyd.

Penderfynwyd cymeradwyo cofnodion cyfarfod y Pwyllgor Datblygu Polisi Lleihau Tlodi a gynhaliwyd ar 27 Medi 2021 fel cofnod cywir yn amodol ar ddiwygio Cofnod 17 - Tegwch Iechyd Gwyrdd (Tudalen 4, paragraff 5) i nodi "amddifadedd".

Nodwyd.

Rhoddodd Jon Franklin ac Amy Hawkins gyflwyniad trosolwg yn amlinellu cefndir gwaith y Cydlynwyr Ardaloedd Lleol (CALl).

Fe wnaethant fanylu ar rôl a chyfrifoldebau'r CALl sy'n cynnwys y meysydd canlynol:

·         Mae CALl bellach yn cwmpasu holl ardal Dinas a Sir Abertawe;

·         mae'r rôl yn un ataliol sy'n seiliedig ar gryfder i raddau helaeth;

·         Y nod yw cefnogi ac arwain pobl i aros yn hyderus a gwydn, eu galluogi i ddefnyddio'u hadnoddau eu hunain i reoli heriau a lleihau neu oedi eu hangen am wasanaethau ffurfiol.

·         Canolbwyntio ar helpu pobl i helpu eu hunain; a'i gilydd.

·         Creu cysylltiadau o fewn cymunedau i gefnogi pobl leol;

·         Mae staff wedi'u lleoli yn y gymuned, ac yn aml maent yn defnyddio adeiladau/ystafelloedd i helpu i sefydlu eu hunain a datblygu sylfaen a safle gweledol amlwg yn eu cymuned;

·         Mae CALl yn rhan o rwydwaith cenedlaethol; www.lacnetwork.org

·         Maent yn gweithio'n agos gyda chydweithwyr Trechu Tlodi i helpu a chynorthwyo'r cyhoedd;

·         Maent yn gweithio gyda'r trydydd sector a gwirfoddolwyr yn arbennig ar faterion sy'n ymwneud â thlodi bwyd drwy gysylltiadau rhagorol a ddatblygwyd yn ystod y pandemig;

·         Cyfranogiad Prifysgol Abertawe ac adolygiad a gwerthusiad academaidd o'r rôl ac ehangu'r ddarpariaeth CALl, yr adroddir ar ei ganlyniadau yn y dyfodol.

Yn dilyn y cyflwyniad, gofynnodd yr Aelodau amryw gwestiynau a gwnaethant sylwadau am y gwaith rhagorol a wnaed gan y CALl yn y gorffennol a'u cefnogi'n llawn gan amlinellu y bydd eu rolau'n mynd yn anoddach wrth symud ymlaen oherwydd pwysau allanol, yr ymatebodd y Swyddogion iddynt yn unol â hynny.

Nodwyd.

Cyflwynodd y Cadeirydd Gynllun Gwaith wedi'i ddiweddaru ar gyfer 2021-2022.

Amlinellodd y byddai'r adroddiad ar Bolisi Tyfu Bwyd Cymunedol yn cael ei gyflwyno i'r cyfarfod nesaf. 

Penderfynwyd nodi cynnwys diwygiedig yr adroddiad.