Agenda a Chofnodion

www.abertawe.gov.uk/DatgeliadauBuddiannau

Yn unol â'r Côd Ymddygiad a fabwysiadwyd gan Ddinas a Sir Abertawe, ni ddatganwyd unrhyw fuddiannau.

Cymeradwyo a llofnodi, fel cofnod cywir, gofnodion y cyfarfod(ydd) blaenorol.

Penderfynwyd cymeradwyo cofnodion y Pwyllgor Datblygu a Chyflwyno Polisi Addysg a Sgiliau a gynhaliwyd ar 13 Mis Medi 2017 fel cofnod cywir.

Rhoddodd Jane Lewis, Rheolwr RLSP De-orllewin a Chanolbarth Cymru gyflwyniad manwl ac addysgiadol a oedd yn amlinellu'r manylion cefndir, y nodau a'r amcanion, ac ymrwymiad llywodraeth leol a Llywodraeth Cymru yn y bartneriaeth.

Fel rhan o'r cyflwyniad, amlinellwyd y meysydd canlynol a chyfeiriwyd atynt:

·       3 grŵp partneriaeth yng Nghymru, grŵp y canolbarth a de-orllewin Cymru yw'r mwyaf o ran daearyddiaeth,

·       Mae sectorau gwahanol yn cymryd rhan - ôl-16, addysg bellach a diwydiant etc

·       Dibenion a chanlyniadau posib,

·       Effaith y Fargen Ddinesig,

·       Yr Arsyllfa - beth ydyw a sut mae'r data a geir ganddi'n cael ei ddefnyddio,

·       Y cynllun sgiliau rhanbarthol a lansiwyd yn ddiweddar,

·       Y prif flaenoriaethau - cyflogadwyedd, dysgu a dewis gyrfaoedd a chyfleoedd a darpariaeth,

·       Angen cynyddu nifer y cynlluniau prentisiaethau sydd ar gael,

·       Darlun economaidd o ardal a'r angen i gynyddu GGY,

·       Yr hyn sydd wedi'i gyflawni hyd yn hyn,

·       RLSP yn symud ymlaen - yr aelodaeth wedi'i diwygio ac mae'n canolbwyntio mwy ar ddiwydiant erbyn hyn,

·       Grwpiau clwstwr rhanbarthol, a'u materion a'u ffocws daearyddol a recriwtio gwahanol,

·       Angen mwyafu potensial y Fargen Ddinesig a'i 10 prif brosiect,

·       Y Fargen Ddinesig - cynigion ymyriad sgiliau,

·       Proses 5 cam ar gyfer cynorthwyo'r gweithlu,

·       Effaith bosib y Morlyn Llanw.

Bu'r aelodau'n trafod y materion a'r meysydd pwnc a godwyd gan amlygu'r cyflwyniad uchod, a gofynnwyd cyfres o gwestiynau ynghylch y meysydd canlynol, ac atebodd Rheolwr yr RLSP a'r swyddogion yn briodol:-

Darpariaeth ar gyfer pobl ifanc ag anghenion dysgu ychwanegol yn y dyfodol, yr angen i wella sgiliau digidol a pheirianneg a sgiliau "meddal", angen mwy o ymrwymiad gydag ysgolion, angen mwy o gyfranogiad gyda busnesau llai llwyddiannus, prinder graddedigion TG a pheirianneg yn yr ardal a phrinder arbenigwyr meddalwedd

Diolchodd y Cadeirydd i Reolwr yr RLSP am ei chyflwyniad.

Rhoddodd Judith James, Prifysgol Abertawe, gyflwyniad manwl a llawn gwybodaeth a oedd yn amlinellu manylion cefndir i ddatblygu Abertawe fel Dinas Dysg.

Fel rhan o'r cyflwyniad, amlinellwyd y meysydd canlynol a chyfeiriwyd atynt:

·       Rhwydwaith byd-eang UNESCO o 200 o ddinasoedd mewn 40 o wledydd,

·       Amodau hanfodol ar gyfer dyluniad y Ddinas Dysg.

·       Cyfranogiad Abertawe yn y cynllun peilot ers 2012,

·       Cyhoeddusrwydd gwych i Abertawe'n fyd-eang oherwydd ei chyfranogiad yn y cynllun,

·       Nodau byd-eang,

·       Chwe phrif gam i ddatblygu Dinas Dysg,

·       Pwysigrwydd cydnabod treftadaeth a hanes diwydiannol,

·       Angen gwella ffyniant economaidd a chynyddu GGY,

·       Dinas o ddwy hanner - effaith tlodi ac amddifadedd ar gymunedau ac mae angen mynd i'r afael â hyn drwy Strategaeth Gwrthdlodi'r Awdurdod,

·       Canlyniadau Pisa,

·       Datblygu polisïau Dinas Dysg ac uchelgeisiau Llywodraeth Cymru,

·       Llwyddiant Strategaeth Entrepreneuriaeth Ieuenctid mewn ysgolion cynradd ac uwchradd,

·       Mentrau addysg bellach/uwch a "chynnwys" cynaladwyedd pobl ifanc mewn prosiectau a syniadau,

·       Pwysigrwydd dysgu gydol oes/addysg i oedolion,

·       Mentrau cymdeithasol ac ecosystem ar gyfer entrepreneuriaid,

·       Canlyniad ac effaith 2il gampws y brifysgol yn y bae,  

·       Llwyddiant Abertawe'n cyflawni 2 wobr yn 2015,

·       Agor cyfleuster newydd Ysgol Addysg Prifysgol Abertawe (YAPA),

·       Effaith a photensial prosiectau'r Fargen Ddinesig,

·       Canfyddiadau adolygiad tlodi Sefydliad Joseph Rowntree,

·       Camau nesaf - datblygu prosiect cymdogaethau dysgu, sy'n debyg i fodel Corc.

Bu'r aelodau'n trafod y materion a'r meysydd pwnc a godwyd ac a amlygwyd yn ystod y cyflwyniad uchod, a gofynnwyd cyfres o gwestiynau ynghylch y meysydd canlynol, ymatebodd Judith James a swyddogion yn briodol:-

Datblygu'r cynllun cymdogaethau dysgu - ariannu, staffio, pa ardaloedd fyddai'n cymryd rhan, angen ymrwymiad ysgolion a diwydiant, cyswllt ag ERW, materion cynnwys pobl a chymunedau.

Diolchodd y Cadeirydd i Judith James am ei chyflwyniad.

Cyflwynodd y Prif Swyddog Addysg adroddiad a oedd yn amlinellu manylion cefndir datblygu'r asesiad o anghenion sy'n ceisio sicrhau bod trefniadau addas ar waith i gyflwyno'r Fargen Ddinesig.

Amlinellodd y cynigion a'r gwaith i'w wneud, y canlyniadau disgwyliedig, y trafodaethau angenrheidiol gyda sefydliadau partner a threfniadau llywodraethu i'w rhoi yn eu lle.

Trafododd y pwyllgor yr adroddiad gan gyfeirio at yr angen i ddatblygu sgiliau "cyfrifiadura" disgyblion, materion hyfforddi athrawon, angen hyrwyddo cynigion i Benaethiaid, llywodraethwyr ysgolion etc, ailhyfforddi/datblygu sgiliau athrawon presennol, hyrwyddo prentisiaethau a chyrsiau galwedigaethol/crefft.

Penderfynwyd trafod yr adroddiad eto yn y cyfarfod nesaf er mwyn ei gymeradwyo, cyn ei gyflwyno i Aelod y Cabinet.

Amlinellodd y Cadeirydd y cynllun gwaith ar gyfer y pwyllgor a gweddill blwyddyn ddinesig 2017/2018.

Penderfynwyd bod y cynllun gwaith fel y'i hamlinellwyd yn cael ei nodi, gan ychwanegu yn ôl adroddiad uchod