Agenda a Chofnodion

www.abertawe.gov.uk/DatgeliadauBuddiannau

Yn unol â'r Côd Ymddygiad a fabwysiadwyd gan Ddinas a Sir Abertawe, ni ddatganwyd unrhyw fuddiannau.

Cymeradwyo a llofnodi cofnodion y cyfarfod(ydd) blaenorol fel cofnod cywir.

PENDERFYNWYD cymeradwyo a llofnodi cofnodion Pwyllgor Cynghori'r Cabinet ar Ddatblygiad Arbennig a gynhaliwyd ar 6 Gorffennaf 2016 a Phwyllgor Cynghori'r Cabinet ar Ddatblygiad a gynhaliwyd ar 20 Gorffennaf 2016 yn gofnod cywir.

Rhoddodd Ian Beynon, Rheolwr Datblygu ac Allgymorth, y diweddaraf i'r pwyllgor am statws presennol y ddogfen strategaeth, a oedd bron wedi'i chwblhau. Roedd yn rhaid aros am ffigyrau mewn perthynas â Gwarchodfeydd Natur, Safleoedd o Bwysigrwydd Cadwraeth Natur a Safleoedd o Ddiddordeb Gwyddonol Arbennig.

Dosbarthodd Stephen Cable, Swyddog Chwarae i Blant, gopi o'r Adroddiad Asesiad Effaith Cydraddoldeb (AEC) drafft, a oedd gyda'r Penaethiaid Gwasanaeth priodol ar hyn o bryd, a byddai'n cael ei gyflwyno i'r Swyddogion Mynediad i Wasanaethau er mwyn ei ystyried a'i gymeradwyo. Gwnaeth ailadrodd y byddai mynediad i wasanaethau'n parhau i gymryd rhan drwy gydol y broses ymgynghori.  Byddai canlyniadau'r ymgynghoriad yn cael eu cynnwys yng nghynllun gweithredu Strategaeth Mannau Agored.

Diolchodd y Cadeirydd i'r swyddogion am y gwaith a wnaed ganddynt o ran drafftio'r ddogfen strategaeth.

PENDERFYNWYD anfon y ddogfen strategaeth derfynol at Aelod y Cabinet dros Les a Dinas Iach ar gyfer ei ystyriaeth.

Roedd Ian Whettleton, Swyddog Adrannol Rheoli Gwastraff, a Fran Williams, Arweinydd Tîm Gorfodi, Tipio'n Anghyfreithlon a Sbwriel yn bresennol er mwyn rhoi'r diweddaraf i'r pwyllgor mewn perthynas â'r canlynol:

1.       Faint o achosion erlyn oedd wedi cael eu derbyn gan swyddogion gorfodi awdurdod lleol dros y flwyddyn ddiwethaf;

2.       Sampl o 5 achos a oedd yn amlinellu sut deliwyd â'r achosion.

Trafododd y Pwyllgor y camau gweithredu amrywiol a gymerwyd mewn perthynas â phob un o'r achosion, a'r dystiolaeth ofynnol er mwyn parhau â'r erlyniadau. Gofynnodd yr aelodau amryw o gwestiynau yr atebwyd gan y swyddogion.

Esboniodd y swyddogion bod Hysbysiadau o Gosb Benodol yn gallu cael eu rhoi mewn perthynas â throseddau a gyflawnwyd o dan Adran 46 Deddf Diogelu'r Amgylchedd 1990, e.e. gwastraff cartref (sachau du) ond, o dan ddeddfwriaeth bresennol Llywodraeth Cymru, nid oedd yn bosib rhoi hysbysiadau o gosb benodol mewn perthynas ag Adran 33 ac Adran 34 (1) Deddf Diogelu'r Amgylchedd 1990, e.e. tipio'n anghyfreithlon.

Yn ychwanegol, amlinellwyd ganddynt yr wybodaeth Gwastraff Cartref a Masnachol ganlynol:

O Ebrill 2015 hyd yma

Mae 723 o hysbysiadau statudol ar gyfer gwastraff cartref wedi cael eu dosbarthu

Mae 139 o hysbysiadau o gosb benodol wedi cael eu rhoi o ganlyniad i fynd yn groes i'r hysbysiad. Caiff ffi o £100 ei gostwng i £60 os caiff ei thalu o fewn 7 niwrnod gwaith.

Mae 44 o hysbysiadau statudol wedi cael eu rhoi i fusnesau

Mae 12 o hysbysiadau o gosb benodol wedi eu cyflwyno o ganlyniad i fynd yn groes i'r hysbysiad. Caiff ffi o £180 ei gostwng i £90 os caiff ei thalu o fewn 7 niwrnod gwaith.

Pwysleisiodd y swyddogion fod cyfran fawr o'r gwaith a wneir gan y Tîm Gorfodi'n cynnwys gweithio gyda'r cyhoedd, addysgu pobl a cheisio'u helpu gydag unrhyw broblemau sbwriel y gallent eu hwynebu.

Cafwyd trafodaeth wedi hyn ynglŷn â chyhoeddi manylion am erlyniadau llwyddiannus, a chysylltu'r rhain ag ystadegau ailgylchu cadarnhaol ar wefan y cyngor.  Yn ychwanegol, awgrymodd y pwyllgor y dylai'r wybodaeth sydd ar y gwe-dudalennau tipio'n anghyfreithlon gael ei gwella i gynnwys yr hyn na ddylid ei wneud pan geir tipio anghyfreithlon.

Dywedodd y swyddogion bod oddeutu 1,000 o geisiadau am wasanaeth yn cael eu derbyn bob mis gan y Tîm Gorfodi.

Diolchodd y Cadeirydd i'r swyddogion am yr wybodaeth a ddarparwyd ganddynt.

PENDERFYNWYD y dylid nodi'r wybodaeth, a bydd y swyddogion yn darparu dadansoddiad o ffigyrau ceisiadau gwasanaeth misol erbyn y cyfarfod nesaf.

Adroddodd y Cadeirydd am y diweddariadau canlynol:

1)    Troi Stryd y Gwynt yn barth cerddwyr - Roedd Rheolwr Canol y Ddinas wedi llunio holiadur a fyddai'n cael ei ddosbarthu i'r busnesau priodol â llaw a'u casglu yn yr un modd.

2)       Marchnad Abertawe (darparu toiledau cyhoeddus) - Rhoddir y diweddaraf yn y cyfarfod nesaf a drefnir ar gyfer 21 Medi 2016;

3)     Canolfan Siopa Ranbarthol Treforys - Bydd y cadeirydd yn trefnu ail ymweliad safle ar fore dydd Mercher yn ystod yr wythnosau nesaf.

PENDERFYNWYD cofnodi'r wybodaeth ddiweddaraf gan y Cadeirydd.

Cyflwynodd y Cadeirydd y Cynllun Gwaith ar gyfer 2016-17.

PENDERFYNWYD y dylid cofnodi'r Cynllun Gwaith.