Agenda a Chofnodion

Derbyniwyd ymddiheuriadau am absenoldeb gan y Cynghorwyr J C Bayliss a C Thomas.

www.swansea.gov.uk/disclosuresofinterests

Yn unol â'r Côd Ymddygiad a fabwysiadwyd gan Ddinas a Sir Abertawe, ni chyhoeddwyd unrhyw fuddion.

Cymeradwyo a llofnodi cofnodion y cyfarfod(ydd) blaenorol fel cofnod cywir.

PENDERFYNWYD cymeradwyo a llofnodi cofnodion Pwyllgor Cynghori'r Cabinet ar Ddatblygu a gynhaliwyd ar 16 Mawrth 2016 a Phwyllgor Arbennig Cynghori'r Cabinet ar Ddatblygu a gynhaliwyd ar 23 Mawrth 2016 fel cofnod cywir.

Keith Coxon, Rheoli Gwastraff

Rhoddodd Keith Coxon, Rheolwr Glanhau Strydoedd a Gorfodi, gyflwyniad PowerPoint a dangos fideo byr yn amlinellu rôl y “Siop Gornel” – y siop ailddefnyddio yn y Safle Byrnu, Llansamlet.

Amlinellodd y cynnydd a wnaed mewn perthynas â gwerthu eitemau a thrafodwyd y cynlluniau/ystyriaethau canlynol ar gyfer y dyfodol:

·                 Deddf Llesiant Cenedlaethau'r Dyfodol (LlCC);

·                 Ehangu maint y siop;

·                 Ystyried gweithio'n agosach gydag elusennau;

·                 Ehangu amrywiaeth y nwyddau a werthir;

·                 Defnyddio'r rhyngrwyd i roi hwb i werthiannau ac incwn;

·                 Archwilio sut gellir cynnal y siop orau.

PENDERFYNWYD ar y canlynol:

1)       Dylai'r Rheolwr Glanhau Strydoedd a Gorfodi gyflwyno adroddiad sy'n amlinellu'r opsiynau sydd ar gael;

2)       Dylid trefnu ymweliad â'r “Siop Gornel”.

Gohiriwyd yr eitem ar gyfer cyfarfod yn y dyfodol.

Stuart Davies / Mark Thomas

Rhoddodd Stuart Davies, Pennaeth Priffyrdd a Chludiant, a Mark Thomas, Arweinydd Grŵp Rheoli Traffig a’r Rhwydwaith Priffyrdd, adroddiad llafar mewn perthynas â'r opsiynau amrywiol sydd ar gael i bedestreiddio Stryd y Gwynt.

Yn ogystal, gwnaethant amlinellu ystyriaethau ychwanegol megis:

·       Gorchmynion Traffig Awdurdodau Lleol Cymru a Lloegr;

·       Mynediad i breswylwyr a dosbarthu nwyddau i fusnesau;

·       Mynediad i’r anabl;

·       Mynediad i gerbydau argyfwng.

PENDERFYNWYD rhoi copi o adroddiad sy'n amlinellu'r holl opsiynau sydd ar gael ynghyd â thystiolaeth lle mae pedestreiddio wedi bod yn llwyddiannus/aflwyddiannus mewn lleoliadau eraill o faint tebyg yng nghyfarfod cyntaf Blwyddyn Ddinesig 2016-2017.

Dywedodd y Cadeirydd fod aelodau perthnasol o'r Cabinet wedi gofyn i Bwyllgor Cynghori'r Cabinet ar Ddatblygu ystyried yr eitemau canlynol:

·                 Canolfannau Siopa Rhanbarthol - ail ymweliad safle â'r Mwmbwls.

·                 Polisi Tipio'n Anghyfreithlon (Rheoli Gwastraff)

·                 Safleoedd Amwynderau Dinesig

·                 Polisi Coed (tir y cyngor yn unig)

PENDERFYNWYD ar y canlynol:

1)       Dylai cyfarfod y Pwyllgor Arbennig a gynhelir ar 11 Mai 2016 ganolbwyntio ar y Strategaeth Mannau Agored;

2)       Dylai cyfarfod cyntaf y Pwyllgor  i'w gynnal ym Mlwyddyn Ddinesig 2015-2016 dderbyn adroddiad ar:

·                    Bedestreiddio Stryd y Gwynt.

3)       Dylai'r eitemau canlynol gael eu hystyried mewn cyfarfodydd yn y dyfodol:

·                    Y diweddaraf ar Orchmynion Diogelu Mannau Cyhoeddus;

·                    Gwelliannau i'r “Siop Gornel”, y Safle Byrnu, Llansamlet;

·                 Adborth ar Ymweliadau â Chanolfannau Siopa Rhanbarthol (ail ymweliad safle â'r Mwmbwls);

·                     Ystadau Tai sy'n Cynnwys Strydoedd nad ydynt wedi'u Mabwysiadu (Preifat);

·                     Polisi Tipio'n Anghyfreithlon (Rheoli Gwastraff);

·                     Safleoedd Amwynderau Dinesig (Rheoli Gwastraff);

·                     Polisi Coed (tir y cyngor yn unig).