Agenda a Chofnodion

Penderfynwyd ethol Mr Ian Guy yn gadeirydd ar gyfer blwyddyn ddinesig 2017-2018.

(Bu Mr Ian Guy yn llywyddu)

Penderfynwyd ethol John Andrew yn Is-gadeirydd ar gyfer blwyddyn ddinesig 2017-2018.

www.abertawe.gov.uk/DatgeliadauBuddiannau

Yn unol â'r Côd Ymddygiad a fabwysiadwyd gan Ddinas a Sir Abertawe, cyhoeddwyd y buddiannau canlynol: -

AELODAU’R BWRDD:

J Andrew – Yr agenda yn ei chyfanrwydd – Aelod o Gynllun Pensiwn Llywodraeth Leol  – personol.

I Guy – Yr agenda yn ei chyfanrwydd – Aelod o Gynllun Pensiwn Llywodraeth Leol  – personol.

y Cynghorydd A R Lockyer - Yr agenda yn ei chyfanrwydd - Aelod o Gynllun Pensiwn Llywodraeth Leol - personol.

A Thomas – Yr agenda yn ei chyfanrwydd – Aelod o Gynllun Pensiwn Llywodraeth Leol  – personol.

Y Cynghorydd T M White - Yr agenda yn ei chyfanrwydd - Aelod o Gynllun Pensiwn Llywodraeth Leol ac yn aelod o'r Pwyllgor Archwilio - personol.

Swyddogion:

J Dong – Yr agenda yn ei chyfanrwydd – Aelod o Gynllun Pensiwn Llywodraeth Leol  – personol.

L Miller – Yr agenda yn ei chyfanrwydd – Aelod o Gynllun Pensiwn Llywodraeth Leol  – personol.

J Parkhouse – Yr agenda yn ei chyfanrwydd – Aelod o Gynllun Pensiwn Llywodraeth Leol  – personol.

B Smith – Yr agenda yn ei chyfanrwydd – Aelod o Gynllun Pensiwn Llywodraeth Leol  – personol.

S Williams – Yr agenda yn ei chyfanrwydd – Aelod o Gynllun Pensiwn Llywodraeth Leol  – personol.

Cymeradwyo a llofnodi, fel cofnod cywir, gofnodion y cyfarfod(ydd) blaenorol.

PENDERFYNWYD cymeradwyo a llofnodi cofnodion cyfarfod y Bwrdd Pensiwn Lleol a gynhaliwyd ar 23 Mawrth 2017 fel cofnod cywir.

Cyflwynodd Prif Swyddog y Drysorfa a Thechnegol y datganiad drafft o gyfrifon ar gyfer Cronfa Bensiwn Dinas a Sir Abertawe.

Esboniwyd bod y cyfrifon yn ffurfio cydran arbennig ac ar wahân o Ddatganiad o Gyfrifon Dinas a Sir Abertawe ar y cyfan.  Roedd Swyddfa Archwilio Cymru wedi dechrau ei harchwiliad o Ddatganiad Drafft o Gyfrifon 2016/17 y Gronfa Bensiwn yn unol â'i chynllun archwilio a gyflwynwyd i Bwyllgor y Gronfa Bensiwn yn gynharach y flwyddyn hon. Byddai'r adroddiad yn cael ei gyflwyno i Bwyllgor y Gronfa Bensiwn ar 14 Medi 2017.

Atodir Datganiad o Gyfrifon 2016/17 y Gronfa Bensiwn yn Atodiad 1 yr adroddiad.

Gofynnodd y Pwyllgor gwestiynau/manylodd y Pwyllgor mewn perthynas ag effaith Prydael ar y gronfa, y cyfraniadau a wnaed gan Gyrff Cydnabyddedig, budd incwm buddsoddi, treuliau rheoli buddsoddiadau a chostau trosolwg a llywodraethu.

Penderfynwyd nodi Datganiad Drafft o Gyfrifon 2016/17.

Cyflwynodd Prif Swyddog y Drysorfa a Thechnegol adroddiad ‘er gwybodaeth’ a oedd yn hysbysu pwyllgor y Gronfa Bensiwn ar gynnydd Cronfa Buddsoddi Cymru Gyfan.

Roedd Atodiad 1 o'r adroddiad yn cynnwys amserlen ddiwygiedig a diweddariad ar gynnydd a gynhyrchwyd gan ymgynghorwyr Partneriaeth Pensiwn Cymru, Hymans Robertson.

Cyflwynodd Prif Swyddog y Drysorfa a Thechnegol adroddiad ‘er gwybodaeth’ a oedd yn hysbysu'r Bwrdd Pensiwn Lleol ar MIFID II a'i effaith bosib ar y CPLlL yn genedlaethol ac yn lleol.

Amlinellwyd effaith bosib y CPLlL, yr asesiad arfaethedig sydd ei angen a'r ffordd ymlaen.  Darparwyd ymateb y Gymdeithas Llywodraeth Leol yn Atodiad 1.

Cyflwynodd Prif Swyddog y Drysorfa a Thechnegol adroddiad 'er gwybodaeth' a oedd yn hysbysu'r Bwrdd Pensiwn Lleol am gôd  ymddygiad gwirfoddol newydd ar dryloywder costau yn y diwydiant cronfa fuddsoddi.

Atodwyd y Côd Ymddygiad ar gyfer Tryloywder Costau yn Atodiad 1. Cydnabuwyd bod y templed i'w gwblhau wedi'i ddatblygu ar gyfer mandadau ecwiti ar y cam hwn a bod templedi ar gyfer dosbarthiadau ased eraill yn cael eu datblygu. Fodd bynnag, bwriadwyd iddo gynnwys y rheolwyr ecwiti (rheolwyr dosbarth asedau eraill pan fydd y templedi ar gael) ac i gofrestru'r côd gwirfoddol.  Nodwyd y dylai hyn fod yn ofynnol mewn unrhyw benodiadau i'r gronfa yn y dyfodol neu i Bartneriaeth Pensiwn Cymru.

Gofynnodd y Bwrdd gwestiynau ynglŷn â Phartneriaeth Pensiwn Cymru yn cofrestru ar gyfer y côd a'r rhagolygon ar gyfer adfer costau.

Cyflwynodd Prif Swyddog y Drysorfa a Thechnegol adroddiad 'er gwybodaeth' a oedd yn hysbysu'r Bwrdd Pensiwn Lleol am unrhyw doriadau i'r Gronfa Bensiwn yn unol â'r Polisi Adrodd am Doriadau.

Atodwyd yr Adroddiad Toriadau yn Atodiad A.  Darparwyd gwybodaeth ychwanegol mewn perthynas â thaliadau cyfandaliad ymddeoliad, dyraniad dangosol i Ecwitïau Byd-eang, cyflogwyr nad ydynt yn talu cyfraniadau yn y raddfa amser ofynnol a methiant un cyflogwr (Grŵp Gwalia) i gyflwyno data i'r Gronfa Bensiwn erbyn 30 Ebrill er mwyn cysoni cyfraniadau ar ddiwedd y flwyddyn a bod tâl yn cael ei ychwanegu at gofnodion yr aelodau.

Trafododd y Bwrdd yr Adroddiad Toriadau a thrafodwyd yr opsiynau sydd ar gael er mwyn mynd i'r afael a'r toriadau hynny.

Cyflwynodd Prif Swyddog y Drysorfa a Thechnegol adroddiad 'er gwybodaeth' a oedd yn diweddaru'r Bwrdd Pensiwn Lleol ar benodiad rheolwr isadeiledd craidd.

Cafodd y Bwrdd wybod, yn dilyn cyflwyniad a gweithgaredd gwerthuso, fod Pwyllgor y Gronfa Bensiwn wedi penodi First State fel rheolwr isadeiledd craidd Cronfa Bensiwn Dinas a Sir Abertawe.

Cyflwynodd y Prif Reolwr Pensiynau adroddiad 'er gwybodaeth' a oedd yn hysbysu'r Bwrdd am yr ymarfer yr oedd yn cael ei ymgymryd ag ef er mwyn ystyried yr opsiynau sydd ar gael er mwyn cwblhau ymarfer cysoni GMP o fewn y graddfeydd amser gofynnol.

Amlygwyd bod yr ymarfer cysoni wedi defnyddio llawer o adnoddau ac amlinellwyd y risg bosib i'r Gronfa Bensiwn os nad oed y gwaith yn cael ei gwblhau erbyn y terfyn amser gofynnol.  O ganlyniad i hynny, cofrestrodd y Gronfa ar gyfer Fframwaith Cenedlaethol CPLlL er mwyn cael gafael ar wybodaeth am yr opsiynau sydd ar gael, a oedd yn cynnwys cefnogaeth ymgynghorol a chaffael gwasanaethau arbenigwr maes er mwyn cwblhau'r ymarfer o fewn y terfyn amser sydd ar ôl.

Roedd ystyriaeth o'r opsiynau'n barhaus a byddai adroddiad arall yn cael ei gyflwyno ar y cam cynharaf.

Diolchodd y Cadeirydd y Cynghorydd A Lockyer,  y Cynghorydd ymadawol, am ei waith yn ystod y flwyddyn ddinesig ddiwethaf ac am gryfhau'r cysylltiadau rhwng y Bwrdd a Phwyllgor y Gronfa Bensiwn.

Cyhoeddodd y Cadeirydd mai hwn oedd cyfarfod olaf Lynne Miller, Prif Reolwr Pensiynau, sy'n ymddeol ar ddiwedd mis Medi 2017.  Diolchodd am ei gwaith a'i hymrwymiad ac ar ran y Bwrdd Pensiwn Lleol, dymunodd ymddeoliad hir a hapus iddi.