Agenda a Chofnodion
Lleoliad: Ystafell Bwyllgor 5 - Neuadd y Ddinas, Abertawe. Cyfarwyddiadau
Cyswllt: Gwasanaethau Democrataidd: - 636923
Rhif | Eitem | |||
---|---|---|---|---|
Datgeliadau o fuddiannau personol a rhagfarnol. Cofnodion: Yn unol â'r Côd
Ymddygiad a fabwysiadwyd gan Ddinas a Sir Abertawe, datganwyd y buddiannau
canlynol: J
Andrew – Personol – yr agenda gyfan - aelod o'r LGPS. I
Guy – Personol – yr agenda gyfan - aelod o'r LGPS.
|
||||
Cymeradwyo a llofnodi cofnodion y cyfarfod(ydd) blaenorol fel cofnod cywir. Cofnodion: PENDERFYNWYD cytuno bod cofnodion y Bwrdd Pensiwn Lleol
a gynhaliwyd ar 19 Ionawr 2016 yn gofnod cywir. Ffurflen
Datgelu Buddiannau Personol Dywedodd y
Cadeirydd ymadawol ei fod wedi cwrdd â Dirprwy Bennaeth y Gwasanaethau
Cyfreithiol a Democrataidd a Phennaeth y Gwasanaethau Democrataidd ynghylch
addasrwydd y ffurflen ar gyfer aelodau'r Bwrdd Pensiwn Lleol a dywedwyd wrtho
nad oedd angen newid y ffurflen. |
||||
Adroddiad Archwiliad Mewnol Cronfa Bensiwn 2015/16. PDF 58 KB Cofnodion: Cyflwynodd y Prif Archwilydd adroddiadau Archwilio Mewnol ar gyfer
gweithgareddau'r Gronfa Bensiwn yn 2015/16 i'r Bwrdd. Roedd
y Cynllun Archwilio Mewnol yn cynnwys yr archwiliadau canlynol o weithgareddau’r
Gronfa Bensiwn ·
Gweinyddu
Pensiynau; ·
Buddsoddiadau'r
Gronfa Bensiwn. Mae'r archwiliad Gweinyddu Pensiynau'n
cynnwys yn bennaf agweddau ar bensiynau a weithredir gan yr Is-adran Bensiynau
dan gyfarwyddyd y Pennaeth Adnoddau Dynol ac mae archwiliad Buddsoddiadau'r
Gronfa Bensiwn yn cynnwys y buddsoddiad o asedau'r gronfa gan y Drysorfa a'r
Adran Dechnegol drwy amrywiaeth o reolwyr y gronfa. Bydd archwiliad cronfa bensiwn arall yn
cael ei gynnal am y tro cyntaf yn 2016/17.
Byddai'r archwiliad hwn yn edrych ar unrhyw agweddau nad ydynt wedi'u
cynnwys mewn archwiliadau eraill e.e. unrhyw incwm neu wariant sy'n cael eu cynnwys
yng nghyfrifon y Gronfa Bensiwn nad ydynt yn cael eu harchwilio yn rhywle
arall. Ystyriwyd bod archwiliadau
Gweinyddu Pensiynau a Buddsoddiadau'r Gronfa Bensiwn yn archwiliadau sylfaenol. Cwblhawyd yr archwiliad Gweinyddu
Pensiynau'n flynyddol a chwblhawyd archwiliad Buddsoddiadau'r Gronfa Bensiwn
bob 2 flynedd. Dyma lefel y sicrwydd a ddarparwyd gan
archwiliadau'r Gronfa Bensiwn yn 2015/16. ·
Gweinyddu
Pensiynau Sylweddol ·
Buddsoddiadau'r
Gronfa Bensiwn Uchel Atodwyd copi o adroddiad
terfynol yr archwiliad Gweinyddu Pensiynau ar gyfer 2015/16 yn Atodiad 1, a
darparwyd adroddiad terfynol archwiliad Buddsoddiadau'r Gronfa Bensiwn yn
Atodiad 2. PENDERFYNWYD nodi adroddiadau'r Archwiliad Mewnol. |
||||
Dogfennau ychwanegol: Cofnodion: Cyflwynodd Prif
Swyddog y Drysorfa a Thechnegol adroddiad a oedd yn gofyn am gymeradwyaeth
agenda'r cynllun gwaith craidd ar gyfer y Bwrdd Pensiwn Lleol. Nodwyd bod y Rheolydd Pensiynau wedi cyhoeddi nodyn arweiniol côd ymarfer
rhif 14 drafft "Llywodraethu a Gweinyddu Cynlluniau Pensiwn Gwasanaeth
Cyhoeddus". Atodwyd hwn fel Atodiad
1 ac roedd yn rhoi manylion cefndir ac arweiniad ymarferol i'r côd. Mae'r côd arweiniol drafft yn cynnwys y prif
feysydd a gallai gyfeirio’r agenda graidd ar gyfer gwaith y bwrdd. Roedd y prif feysydd yn cynnwys: - ·
Llywodraethu
eich cynllun; ·
Rheoli
risgiau; ·
Gweinyddu; ·
Datrys
materion. Byddai'r rhain yn sail i'r blaengynllun gwaith craidd ar gyfer y Bwrdd
Pensiwn Lleol. Dywedodd y Bwrdd er mwyn craffu ar benderfyniadau Pwyllgor y Gronfa
Bensiwn, dylai'r Bwrdd weld eu papurau cyn eu cyhoeddi. Awgrymwyd bod y Bwrdd yn archwilio sut oedd
Byrddau eraill yn gweithredu cyn codi'r mater unwaith eto. PENDERFYNWYD ar y
canlynol: - 1)
Bod y
blaengynllun gwaith craidd ar gyfer y Bwrdd Pensiwn Lleol yn cael ei
gymeradwyo; 2) Bydd y Bwrdd yn archwilio sut mae Byrddau
eraill yn gweithredu cyn codi'r mater o gael gweld papurau Pwyllgor y Gronfa
Bensiwn cyn eu cyhoeddi. |
||||
Cofnodion: Cyflwynodd Prif
Swyddog y Drysorfa a Thechnegol adroddiad 'er gwybodaeth' a oedd yn hysbysu'r
Bwrdd Pensiwn Lleol o'r risgiau a nodwyd yn y gofrestr risgiau a rheolaeth
liniaru. Amlinellwyd bod y gofrestr risgiau, yn
Atodiad 1, yn offeryn a ddefnyddiwyd i nodi, blaenoriaethu, rheoli a monitro'n
effeithiol risgiau sy'n gysylltiedig â Chronfa Bensiwn Dinas a Sir
Abertawe. Roedd yn cynorthwyo'r Gronfa
drwy: ·
nodi risgiau a reolir a'r rhai na ellir eu
rheoli; ·
darparu ymagwedd systematig at reoli risgiau;
·
rhoi rheolaeth effeithiol ac effeithlon ar
waith; ·
nodi cyfrifoldebau; ·
nodi risgiau ar y cam cynllunio a monitro'r
risgiau; ·
helpu'r Gronfa i gyflawni ei hamcanion. Trafododd
y Bwrdd y pethau canlynol: - ·
Meddu ar staff hyfforddedig a phrofiadol a'r hyn
y mae'r Awdurdod yn ymgymryd ag ef o ran hyfforddiant, datblygiad a chynllunio
dilyniant; ·
Rheolwyr Pensiwn i reoli’r Gofrestr Risgiau i
amlygu risgiau, gweithdrefnau rheoli risgiau corfforaethol, fframwaith rheoli
risgiau ac adolygu proses y Gofrestr Risgiau; ·
Pwysigrwydd Cytundebau Lefel Gwasanaeth, yn
enwedig o ran cyflogwyr llai; ·
Rhoi sylw i risgiau ambr; ·
Methiant parhaus rheolwyr buddsoddi i
gyflawni eu derbyniadau amcanol; ·
Monitro rheoli risg yn y dyfodol. |
||||
Crynodeb o'r Adroddiad ar Ddulliau Rheoli Mewnol. PDF 174 KB Cofnodion: Cyflwynodd Prif Swyddog y Drysorfa a Thechnegol adroddiad 'er gwybodaeth' a oedd yn hysbysu'r Bwrdd Pensiwn Lleol am eitemau adroddadwy o fewn adroddiadau dulliau rheoli mewnol rheolwyr y gronfa.
|
||||
Hyfforddiant i Aelodau'r Bwrdd Pensiwn Lleol. PDF 61 KB ·
Gan
gynnwys adborth llafar am hyfforddiant Llywodraethu'r Sefydliad Siartredig Cyllid Cyhoeddus a
Chyfrifeg yr aeth y Cynghorydd Lockyer iddo ar 12 Gorffennaf 2016. Cofnodion: Cyflwynodd Prif Swyddog y Drysorfa a Thechnegol adroddiad i bennu
rhaglen hyfforddiant flynyddol i aelodau'r Bwrdd Pensiwn Lleol. Byddai'r hyfforddiant yn sicrhau
cydymffurfiad â Chôd Ymarfer Gwybodaeth a Sgiliau
Pensiynau Sector Cyhoeddus CIPFA. Rhoddodd y Cadeirydd adborth
ar hyfforddiant llywodraethu CIPFA yr aeth iddo ar 12 Gorffennaf 2016. Amlygwyd pwysigrwydd rôl Byrddau Pensiwn
Lleol a'r angen i graffu'n effeithiol. Dywedodd y Bwrdd fod angen
cael perthynas actif rhwng y Bwrdd a Phwyllgor y Gronfa Bensiwn. PENDERFYNWYD bod yr hyfforddiant a nodwyd ar gyfer aelodau'r Bwrdd
Pensiwn Lleol yn cael ei gymeradwyo. |
||||
Adolygiad o Gofnodion Pwyllgor y Gronfa Bensiwn Mawrth/Gorffennaf 2016. PDF 83 KB Cofnodion: Cyflwynodd Prif
Swyddog y Drysorfa a Thechnegol adroddiad 'er gwybodaeth' yn Atodiad 1
cofnodion cyfarfodydd blaenorol Pwyllgor y Gronfa Bensiwn ar 10 Mawrth ac 14
Gorffennaf 2016. |
||||
Cofnodion: Gofynnwyd i'r Bwrdd
wahardd y cyhoedd o'r cyfarfod er mwyn iddo ystyried yr eitem(au) f/busnes a nodwyd yn argymhellion yr adroddiad(au) ar y sail ei bod/eu bod yn debygol o ddatgelu
gwybodaeth eithriedig fel y nodir ym mharagraff gwahardd Atodlen 12A Deddf
Llywodraeth Leol 1972 fel y'i diwygiwyd gan Orchymyn Llywodraeth Leol (Mynediad
i Wybodaeth) (Amrywiad) (Cymru) 2007 mewn perthynas ag eitemau busnes a nodir
yn yr adroddiad(au). Ystyriodd y
pwyllgor brawf budd y cyhoedd wrth benderfynu a ddylid gwahardd y cyhoedd o'r
cyfarfod ar gyfer yr eitemau busnes lle'r oedd prawf budd y cyhoedd yn
berthnasol fel a nodir yn yr adroddiad. PENDERFYNWYD gwahardd y
cyhoedd ar gyfer yr eitemau busnes canlynol. (SESIWN GAEËDIG) |
||||
Cyflwyniad gan Gronfa Cymru i'r Adran Cymunedau a Llywodraeth Leol mewn ymateb i gyhoeddiad yr LGPS ym mis Tachwedd 2015: Meini Prawf ac Arweiniad Diwygio Buddsoddiad. Cofnodion: Cyflwynodd Prif
Swyddog y Drysorfa a Thechnegol adroddiad 'er gwybodaeth' a oedd yn amlinellu'r
cyflwyniad ar y cyd ar 8 Cronfa Bensiwn Cymru sy'n ymateb i Feini Prawf ac
Arweiniad Diwygio Buddsoddiad y Llywodraeth a gymeradwywyd gan Pwyllgor y
Gronfa Bensiwn ar 14 Gorffennaf 2016.
Darparwyd y cyflwyniad terfynol yn Atodiad 1 yr adroddiad. |