Agenda a Chofnodion

www.abertawe.gov.uk/DatgeluCysylltiadau

Yn unol â’r Côd Ymddygiad a fabwysiadwyd gan Ddinas a Sir Abertawe, datganwyd y buddiannau canlynol:

Datganodd y Cynghorydd C R Evans gysylltiad personol a rhagfarnol â Chofnod Rhif 71 – Cais Cynllunio – 2020/0108/FUL – tir i'r gogledd o Rodfa Fadog, Cwmrhydyceirw, Abertawe SA4 6LQ a gadawodd y cyfarfod ar ôl gwneud datganiad personol ynghylch y cais.

Cymeradwyo a llofnodi, fel cofnod cywir, gofnodion y cyfarfod(ydd) blaenorol.

Penderfynwyd cymeradwyo a llofnodi cofnodion cyfarfod y Pwyllgor Cynllunio a gynhaliwyd ar 7 Gorffennaf 2020 fel cofnod cywir.

Dim.

Cyflwynwyd cyfres o geisiadau cynllunio ar ran Pennaeth Cynllunio ac Adfywio'r Ddinas.

Adroddwyd am ddiwygiadau/ddiweddariadau i'r atodlen hon a nodir y rhain isod â (#)

Penderfynwyd:  -

1)    CYMERADWYO'R cais cynllunio y cyfeirir ato isod yn unol ag argymhelliad yn amodol ar GYTUNDEB A106 a'r amodau diwygiedig fel y'u nodir ar y daflen ddiweddaru.

(Sylwer: Dosbarthwyd yr wybodaeth ddiweddaraf am yr adroddiad y cyfeirir ato isod i Aelodau'r Pwyllgor yn ogystal â'i chyhoeddi ar wefan y Cyngor y diwrnod cyn y cyfarfod #)

# (Eitem 1) - Cais Cynllunio 2020/0108/FUL - Dymchwel yr adeilad sydd eisoes yn bodoli ar y safle ac adeiladu datblygiad preswyl sy'n cynnwys 29 o unedau fforddiadwy (gan gynnwys 7 tŷ a 22 fflat), 3 uned manwerthu, lleoedd parcio, tirlunio a gwaith atodol cysylltiedig ar dir i'r gogledd o Rodfa Fadog, Cwmrhydyceirw, Abertawe

Rhoddwyd cyflwyniad gweledol manwl.

Hysbyswyd y Pwyllgor am:

• Un llythyr gwrthwynebu ychwanegol-copi wedi'i atodi i'r daflen newyddion.

·       I resymoli'r amodau, mae amodau 4 a 6 wedi'u cyfuno, fel y mae amodau 10 a 15. Er mwyn hwyluso'r broses o ddymchwel yr adeilad presennol ar y safle, diwygiwyd y sbardunau ar gyfer yr amodau cyn cychwyn. Atodwyd rhestr lawn o'r amodau diwygiedig i'r daflen ddiweddaru.

Anerchwyd y Pwyllgor gan Geraint John (Geraint John Planning) (asiant) a siaradodd o blaid y cynigion.

Anerchwyd y Pwyllgor gan y Cynghorydd C R Evans (Aelod Lleol) a amlinellodd ei wrthwynebiad personol i'r datblygiad arfaethedig.

2) Cymeradwyo'r cais cynllunio isod yn amodol ar yr

      amodau yn yr adroddiad.

(Eitem 2) – Cais Cynllunio 2020/0257/FUL – gosod parc solar 9MW, sy'n cynnwys hyd at 25,000 o baneli ffotofoltäig, 9 chaban mewnol/trawsnewid, adeilad rheoli sengl a gwaith cysylltiedig ar Fferm Felin Wen, Rhydypandy Road, Treforys, Abertawe

Rhoddwyd cyflwyniad gweledol manwl.

Cyflwynodd Pennaeth Cynllunio ac Adfywio'r Ddinas adroddiad 'er gwybodaeth' a oedd yn darparu gwybodaeth am benderfyniad apêl yr Arolygiaeth Gynllunio i roi caniatâd mewn perthynas â  Chais Cynllunio Cyf: 2019/1342/FUL - 2 The Bryn, Sgeti, Abertawe - dymchwel yr annedd presennol ac adeiladu 1 byngalo ar wahân a 2 annedd ar wahân.