Agenda a Chofnodion
Lleoliad: Siambr y Cyngor, Neuadd y Ddinas, Abertawe
Cyswllt: Gwasanaethau Democrataidd - 636923
Rhif | Eitem |
---|---|
Datgeliadau o fuddiannau personol a rhagfarnol. Cofnodion: Yn unol â'r Côd
Ymddygiad a fabwysiadwyd gan Ddinas a Sir Abertawe, cyhoeddwyd y cysylltiadau
canlynol: Y Cynghorydd C R Evans - Personol a Rhagfarnol -
Cofnod rhif 57 - Eitem 4 - 2018/2540/FUL - Personol a Rhagfarnol gan fod cefn fy
eiddo ar bwys y tir i'w ddatblygu - gwnes i ddatganiad dan baragraff 14(2) y
côd a gadewais cyn y drafodaeth. Y Cynghorydd R D Lewis - Personol - Cofnod rhif 57 - Eitem 5 -
2018/2646/FUL - Rydw i wedi adnabod y teulu ers sawl blwyddyn. Y Cynghorydd A H Stevens - Personol a Rhagfarnol -
Cofnod rhif 57 - Eitem 5 - 2018/2646/FUL - Perthynas bersonol agos â'r
ymgeisydd a gadawodd cyn y drafodaeth. Y Cynghorydd D G Sullivan - Personol - Cofnod rhif
57 - Eitem 3 - 2018/2508/FUL - Aelod Cyngor Cymuned Llangyfelach a
llywodraethwr yn Ysgol Llangyfelach ac Ysgol Pontlliw. |
|
Cymeradwyo a
llofnodi cofnodion y cyfarfod(ydd) blaenorol fel cofnod cywir Cofnodion: Penderfynwyd
cymeradwyo a llofnodi cofnodion cyfarfod y Pwyllgor Cynllunio a gynhaliwyd ar 5
Chwefror 2019 fel cofnod cywir. |
|
Eitemau i'w gohirio/tynnu'n ôl. Cofnodion: Dim. |
|
Penderfynu ar Geisiadau Cynllunio o dan Ddeddf Cynllunio Gwlad a Thref 1990. PDF 54 KB Dogfennau ychwanegol:
Cofnodion: Cyn y drafodaeth,
rhoddodd Aelod y Cabinet dros Gyflwyno ddiolch i aelodau a swyddogion y
Pwyllgor Cynllunio am eu gwaith a'u mewnbwn i ddatblygu Cynllun Datblygu Lleol
Abertawe 2010-2025 a fabwysiadwyd gan y cyngor yn ystod y cyfarfod a gynhaliwyd
ar 28 Chwefror. Rhoddodd y
Rheolwr Datblygu, Cadwraeth a Dylunio'r diweddaraf ar y sefyllfa ynghylch
polisïau'r CDU blaenorol nad ydynt yn berthnasol mwyach a chyfeiriodd at roi'r
polisïau newydd o fewn y CDLl ar waith a'u
goblygiadau ar wneud penderfyniadau yn y dyfodol. Cyflwynwyd cyfres
o geisiadau cynllunio ar ran Pennaeth Cynllunio ac Adfywio'r Ddinas. Adroddwyd am
ddiwygiadau/ddiweddariadau i'r atodlen hon a nodir y rhain isod â (#) Penderfynwyd: - 1) Cymeradwyo'r ceisiadau cynllunio
isod yn unol â'r amodau yn yr adroddiad a/neu a nodir isod (#): #(Eitem 1)
- Cais Cynllunio 2018/1001/RES - Adeiladu 36 uned breswyl - yn cynnwys 17 o
anheddau teras cysylltiedig, 5 pâr o dai pâr, 1 annedd ar wahân ac 8 fflat mewn
2 floc deullawr a gwaith cysylltiedig (manylion
ymddangosiad, tirlunio, cynllun a graddfa), a manylion amodau 9 (draenio), 11
(tirlunio, coed a Chanclwm Japan), 15 (triniaeth i'r ffin), ac 18 (cadw a
gwarchod coed), yn unol â chaniatâd cynllunio amlinellol 2008/0512 a roddwyd ar
8 Tachwedd 2017 ar Dir oddi ar Heol Brithwen,
Waunarlwydd, Abertawe Rhoddwyd cyflwyniad
gweledol. Anerchodd Phil
Baxter (asiant) y pwyllgor. Anerchodd y
Cynghorydd W G Lewis (Aelod Lleol) y pwyllgor ac amlinellodd ei phryderon hi a
phryderon preswylwyr lleol ynghylch diogelwch ffyrdd a'r angen i osod llinellau
melyn yn yr ardal leol. Diweddarwyd yr
adroddiad fel a ganlyn: Adroddwyd am 2 lythyr gwrthwynebiad a anfonwyd yn hwyr. #(Eitem 2) - Cais Cynllunio 2018/1014/FUL -
Adeiladu 20 o anheddau ar wahân, garejis a mynediad a gwaith tirwedd
cysylltiedig, a dymchwel rhif 188, Stryd Teilo Sant ar dir a adwaenid fel y
Gerddi gynt a chefn 188 Stryd Teilo Sant, Pontarddulais, Abertawe Rhoddwyd
cyflwyniad gweledol. Diweddarwyd yr
adroddiad fel a ganlyn: Nid oedd y cynnig hwn wedi bodloni'r trothwy tai
fforddiadwy o 25 o anheddau o fewn y CDU. Serch hynny, mae'r CDLl a fabwysiadwyd wedi gostwng y trothwy hwn i 5
uned neu fwy ar y safle hwn ac wedi
gosod trothwy o 15% ar gyfer tai fforddiadwy i'w darparu ar y safle sy'n
cyfateb i 3 uned. Hysbyswyd yr ymgeisydd o'r gofyniad hwn, a chytunwyd i ddiwygio'r
penderfyniad er mwyn cynnwys y ddarpariaeth hon o fewn y cytundeb S106. Mae'r Tîm Galluogi Tai wedi nodi bod angen i'r
unedau tai fforddiadwy gydymffurfio â Gofynion Ansawdd Datblygu, a gofyn am 3
thŷ 3 ystafell wely, i gael eu trosglwyddo i'r cyngor/Landlord
Cymdeithasol Cofrestredig (i'w benderfynu/drafod), deiliadaethau wedi'u
rhentu'n gymdeithasol. Dylai dyluniad a manyleb y tai fforddiadwy fod o safon
sy'n gyfartal â'r rhai a ddefnyddir yn yr Unedau Marchnad Agored. #(Eitem 3)
- Cais Cynllunio 2018/2508/FUL - Adeiladu 20 o anheddau preswyl fforddiadwy
gyda mynediad a gwaith tirlunio cysylltiedig ar dir oddi ar Heol Rhydypandy a Heol Mynydd Gelli Wastad, Treforys, Abertawe Rhoddwyd
cyflwyniad gweledol. Anerchodd Phil
Baxter (asiant), Gareth Davies (ymgeisydd) a Robert Bowen (asiant ar gyfer y
gwrthwynebwyr) y pwyllgor. Anerchwyd y
pwyllgor gan y Cynghorydd D G Sullivan (aelod lleol) a siaradodd yn erbyn y
cais. Diweddarwyd yr
adroddiad fel a ganlyn: Mae PABM wedi ysgrifennu er mwyn dweud bod y bwrdd wedi cyrraedd cytundeb
â'r tirfeddiannwr er mwyn cydweithio i sicrhau opsiwn addas sy'n gallu gweithio
gyda mabwysiadu'r ysbyty. O'i gymharu â'r CDU, mae sefyllfa polisi'r CDLl yn sylweddol wahanol, yn enwedig gwaharddiad
dynodiadau lletem las a chynnwys y polisi Safleoedd Tai Fforddiadwy Eithriedig.
Ystyrir bod y cynnig hwn yn bodloni polisi'r CDLl yn
fras. Mae cofnod da o'r angen am dai fforddiadwy a bydd y cynnig yn helpu i
fynd i'r afael ag anghenion bobl leol, gan gynnwys gweithwyr PABM. Mae'r Bwrdd
Iechyd yn cefnogi datblygu'r y math hwn o lety mewn lleoliadau addas fel hwn. Adroddwyd am lythyr gwrthwynebu hwyr gan breswylydd lleol. Mae asiant yr ymgeisydd wedi ymateb i'r sylwadau hyn ac wedi nodi nad yw'r polisi
yn gofyn am gynnal prawf dilyniannol. Mae asiant yr ymgeisydd wedi cyflwyno
cyfiawnhad ar gyfer y cynnig, gan ddangos bod cyfle yn bodoli i ddarparu 100% o
Dai Anghenion Lleol Fforddiadwy gyda'r gallu i'w cyflwyno o fewn 12 mis o
ddechrau. Bydd y safle yn darparu nifer cyfwerth o dai fforddiadwy a rentir yn
gymdeithasol ar yr un pryd, bydd angen safle tai marchnad â lleiafswm o 200
uned, gan ragdybio bod y safle tai marchnad yn gallu gwneud hyn yn ymarferol. Sylw swyddog: Nid oes gofyniad i gynnal prawf dilyniannol ym mholisi H6 y CDLl. Mae'r angen am dai fforddiadwy a nodwyd yn y CDLl
yn fwy na nifer y tai fforddiadwy sy'n gallu cael eu darparu trwy'r safleoedd
dyranedig a'r safleoedd annisgwyl, ac o ganlyniad i hyn, bydd angen darganfod
ffyrdd eraill i gyrraedd y targed cyffredinol. Bydd polisi H6 100% Safleoedd
Tai Fforddiadwy Eithriedig yn rhan o'r ateb hwn. Ystyrir bod y datblygwr wedi
arddangos nad oes unrhyw drefniadau amgen boddhaol i ddiwallu'r angen o fewn yr
ardal, ac o ganlyniad i hyn, mae'r cynnig yn cydymffurfio â pholisi H6. Cymeradwywyd y cais yn amodol ar gwblhau Adran 106 y Rhwymedigaeth
Gynllunio. #(Eitem 5)
- Cais Cynllunio 2018/2646/FUL - Annedd newydd ar wahân ar Fferm Lesliedale, Porth Einon, Abertawe Rhoddwyd
cyflwyniad gweledol. Diweddarwyd yr
adroddiad fel a ganlyn: Derbyniwyd llythyr gwrthwynebu hwyr gan Swyddog Ecoleg y cyngor yn gofyn i
osod amod ychwanegol (a amlinellir isod) a gosod hysbyswr ychwanegol (a
amlinellir isod); Amod Cyn i'r datblygiad ddechrau,
bydd strategaeth goleuadau sensitif (yn berthnasol i gamau adeiladu a
gweithredol y datblygiad) yn cael ei chyflwyno i'r Awdurdod Cynllunio Lleol i'w
chymeradwyo'n ysgrifenedig. Bydd y strategaeth goleuadau'n amlinellu'r mesurau
i'w hystyried er mwyn osgoi effaith goleuadau (yn ystod y cam adeiladu a'r cam
gweithredol) ar ystlumod a rhywogaethau nosol eraill. Bydd y strategaeth
goleuadau'n sicrhau nad yw'r cynefinoedd sy'n gyfagos i'r safle a thu mewn iddo'n cael eu goleuo a bod rhywogaethau a warchodir sy'n
defnyddio'r safle i deithio ac i hela yn gallu parhau i wneud hyn heb
aflonyddwch. Bydd y mesurau o fewn y
strategaeth goleuadau a gymeradwywyd yn cael eu gweithredu ar bob adeg wedi
hynny ac ni ddylai unrhyw olau allanol sy'n gwasanaethu'r datblygiad arfaethedig
wrthdaro â'r mesurau lliniaru sydd o fewn y strategaeth ar unrhyw adeg. Rheswm: Er lles ystlumod a rhywogaethau nosol
eraill. Hysbyswr Sylwer bod holl ymlusgiaid Prydeinig wedi'u
gwarchod o dan Atodlen 5 Deddf Bywyd Gwyllt a Chefn Gwlad 1981 fel y'i diwygiwyd.
Golyga hyn mai trosedd yw lladd neu niweidio gwiber, dallneidr neu fadfall yn
fwriadol. Os ydych yn dod ar draws yr ymlusgiaid uchod, mae'n rhaid i waith
ddod i ben yn syth ac mae'n rhaid gofyn am gyngor Cyfoeth Naturiol Cymru cyn
parhau ag unrhyw waith (01792 634 960). Ynghylch ymlusgiaid (ac amffibiaid): Dylid cynnal gwiriadau
ar gyfer unrhyw rywogaethau cyn adeiladu Dylid clirio unrhyw
lystyfiant gan osgoi'r prif gyfnod gaeafgwsg (mis Hydref tan fis Mawrth). #(Eitem 6) -
Cais Cynllunio 2018/2280/FUL - Adeiladu 16 o anheddau preswyl fforddiadwy gyda
mynediad, parcio, tirlunio a gwaith atodol cysylltiedig ar dir yn Lôn Brynawel,
Llansamlet, Abertawe Rhoddwyd
cyflwyniad gweledol. Anerchwyd y
cyfarfod gan Geraint John (asiant). Anerchodd y
Cynghorwyr A Pugh a P M Matthews (Aelodau Lleol) y pwyllgor gan amlinellu eu
gwrthwynebiad i golli'r mynediad presennol ar draws y safle i breswylwyr. #(Eitem 7) - Cais Cynllunio 2018/2671/S73 -
Adeiladu 80 o unedau preswyl fforddiadwy gyda mynediad a thirlunio cysylltiedig
(cael gwared ar amod 9 (Rhywogaeth a Warchodir gan Ewrop) caniatâd cynllunio
2017/0986/FUL a roddwyd ar 30 Mai 2018) ar safle'r hen Ganolfan Ddinesig,
Penllergaer, Abertawe Diweddarwyd yr
adroddiad fel a ganlyn: Yn dilyn cyflwyno cynllun tirlunio newydd, dylid
diweddaru amod 7 i gynnwys y canlynol: Dylid gweithredu'r datblygiad yn unol â'r cynllun tirlunio fel a ddangosir
ar y darluniau hyn: CA 2018 - 071 Rev D Cynigion Tirlunio Cyffredinol; CA 2018-72 Rev D Cynigion Tirlunio Coed a Bylbiau; CA 2018-73 Rev D Cynigion Tirlunio Perthi; CA 2018-74 Rev C Cynigion Tirlunio Gwelyau Plannu; CA 2018-80 Rev C Cynigion Tirlunio Brodorol a Gwair; CA Amserlen
Plannu Rev 4 Mawrth 2019 (a dderbyniwyd ar 4 Mawrth
2019). Bydd angen cyflwyno Cynllun Rheoli Tirlunio manwl yn ysgrifenedig, i'w
gymeradwyo'n ysgrifenedig gan yr Awdurdod Cynllunio Lleol, o fewn mis o
ddyddiad caniatáu hyn. Dylai'r Cynllun Rheoli Tirlunio fanylu ar yr holl waith
cadwraeth tymor hir a'r mesurau rheoli ar gyfer gwarchod a rheoli'r holl goed
sydd wedi'u cadw a'r rhai newydd a phlannu o fewn y cynllun tirlunio a
gymeradwywyd. Rheswm: Er lles cynnal cynllun tirlunio addas er mwyn amddiffyn amwynderau
gweledol yr ardal, i gynnal rhinweddau arbennig y dirwedd a'r cynefinoedd trwy
amddiffyn, creu a gwella cysylltiadau rhwng safleoedd a'u hamddiffyn am eu
gwerth o ran amwynderau, tirwedd a bioamrywiaeth. (2) Gwrthod
y ceisiadau cynllunio isod am y rhesymau a nodir isod: #(Eitem 4)
- Cais Cynllunio 2018/2540/FUL - Dymchwel yr adeilad sydd eisoes yn bodoli ar y
safle ac adeiladu datblygiadau preswyl sy'n cynnwys 40 o fflatiau fforddiadwy,
3 uned fanwerthu, lleoedd parcio, tirlunio a gwaith atodol cysylltiedig ar dir
i'r gogledd o Rodfa Fadog, Cwmrhydyceirw, Abertawe Rhoddwyd cyflwyniad gweledol. Gwnaed datganiad gan y Cynghorydd C R Evans dan
baragraff 14(2) y côd a gadawodd cyn y drafodaeth. Anerchwyd y pwyllgor gan Geraint John (asiant), Daniel Lloyd (ymgeisydd) a
Richard John (gwrthwynebydd). Anerchwyd y pwyllgor gan y Cynghorydd A S Lewis (Aelod Lleol) a siaradodd
yn erbyn y datblygiad mewn perthynas â'r dyluniad gormesol, yr effaith weledol,
problemau parcio a diffyg lle i amwynderau. Diweddarwyd yr adroddiad fel a ganlyn: Derbyniwyd gohebiaeth hwyr gan breswylydd yng Nghlôs Rhymni sy'n pryderu am
y cynnig gan nad yw'r adeilad yn cydweddu â'r ardal, ac mae'r stâd yn brysur iawn yn barod, heb ychwanegu mwy o draffig.
Nid yw'r cyngor yn gwrando ar bobl a'r hyn y maen nhw ei eisiau, a chuddiwyd y
ffaith bod Grŵp Tai Coastal yn gyfrifol. Aed i'r afael â'r pryderon hyn yn Adroddiad y Swyddog gan eu bod nhw wedi
cael eu codi gan bartïon eraill ac nad yw darparwr y Tai Cymdeithasol yn
ystyriaeth hanfodol o ran cynllunio. Gan y byddai'r cynnig yn golygu colli clwyd ystlumod, cynhaliwyd profion
rhanddirymiad sy'n dod i'r canlyniadau isod: Rheoliad 53(2)(e) (Rhesymau hollbwysig budd pennaf
i'r cyhoedd etc): Yn yr achos hwn, nid yw'r datblygiad yn debygol o gael
effaith fawr ar y rhywogaeth hon o ystlumod, a derbyniwyd y mesur lliniaru gan
Gyngor Cefn Gwlad Cymru ac Ecolegydd y cyngor. Mae budd ehangach y cyhoedd yn
cynnwys: Gwella'r
stoc tai gyda llety byw fforddiadwy o safon Gwella
amwynder gweledol yr ardal gyfagos Adfywio'r
ardal yn dilyn symud yr adeilad adfeiliedig a segur sydd eisoes yn bodoli Ailddatblygu
safle tir llwyd gyda chyfleusterau cymdogaeth ychwanegol. Rheoliad
53(9)(a) (Nid oes unrhyw drefniadau boddhaol amgen i'r gwaith arfaethedig): Mae
dau ddewis arall i ailddatblygu'r safle ar gyfer datblygiadau preswyl. Y dewis
cyntaf i'w ystyried fyddai ailddatblygu'r safle ar gyfer math arall o
ddatblygiad megis tai deulawr/byngalos, ond ystyrir y gallai'r cynlluniau
eraill hyn gael effaith debyg i'r datblygiadau preswyl arfaethedig a hefyd
arwain at gael gwared ar gyfleuster cymdogaeth. Yr ail ddewis fyddai peidio â
datblygu'r safle ond byddai hyn yn golygu colli unedau tai fforddiadwy mawr eu
hangen a thanddefnyddio'r safle tir llwyd delfrydol hwn. Rheoliad
53(9)(b) (Ni fydd y gwaith a gymeradwywyd yn niweidiol i gynnal a chadw
poblogaeth y rhywogaeth dan sylw): Bydd angen ymgynghori ag ecolegydd y cyngor
a Cyfoeth Naturiol Cymru ar y cais hwn. Gofynnodd CNC am gyflwyniad o
ddatganiad dull lliniaru. Roedd Ecolegydd y cyngor yn fodlon ar y cynlluniau a
gyflwynwyd sy'n dangos y mesur lliniaru arfaethedig e.e. blychau ystlumod/adar
ac y mae hyn yn dderbyniol i liniaru colled y glwyd ystlumod. Derbyniwyd gohebiaeth bellach gan yr Awdurdod Priffyrdd heb wrthwynebiad
i'r cynnig yn dilyn cyflwyno uwchgynllun diwygiedig,
yn destun amodau. Gellir dileu amod 14 (Dadansoddiad o Symudiad a Llwybr) bellach gan y
darparwyd y manylion ac fe'u hystyrir yn dderbyniol. Cynigwyd
yr amodau canlynol: 14. Ni ddylid dechrau ar unrhyw ddatblygiad nes y cyflwynir manylion y
trefniadau arfaethedig ar gyfer rheoli a chynnal a chadw'r strydoedd
arfaethedig yn y datblygiad yn y dyfodol i'r Awdurdod Cynllunio Lleol, a'u
cymeradwyo ganddo. Dylid cynnal a chadw'r strydoedd wedi hynny yn unol â'r
manylion rheoli a chynnal a chadw a gymeradwywyd nes sefydlwyd cwmni rheoli a
chynnal a chadw preifat. Rheswm: Er mwyn diogelwch y briffordd 15. Cyn dechrau unrhyw waith ar y safle, ac eithrio clirio'r safle, mae
angen cyflwyno Cynllun Rheoli Traffig Adeiladu i'r Awdurdod Cynllunio Lleol,
a'i gymeradwyo ganddo. Dylid glynu wrth y cynllun rheoli traffig a gymeradwywyd
ar bob adeg oni bai y cytunir yn wahanol gan yr Awdurdod Cynllunio Lleol. Rheswm: Lleihau'r tebygolrwydd o rwystro'r briffordd, peri perygl i
ddefnyddwyr y ffordd, gwarchod iechyd cyhoeddus ac amwynder lleol, er mwyn
sicrhau bod safon foddhaol o ddatblygu cynaliadwy ac er mwyn sicrhau bod safon
dda o ddatblygiad a golwg i gadw amwynderau a chymeriad pensaernïol yr ardal. 16. Ni ddylid dosbarthu nwyddau i'r unedau manwerthu rhwng 8am a 9.30am neu
rhwng 3.30pm a 5.30pm. Rheswm: I osgoi gwrthdaro â phreswylwyr yn ystod oriau brig. Ar ôl gweld adroddiad y Swyddog, mae'r ymgeisydd wedi gofyn am fân
amrywiadau i derminoleg amodau 3 (draenio) a 4 (draenio), 6 (tirlunio) ac 13
(rhywogaethau anfrodorol ymledol) er mwyn cynnig eglurder ar y manylion a'r
amserlen a gymeradwywyd ar gyfer y gwaith.
Ystyrir y newidiadau hyn yn dderbyniol. Newid yr amodau arfaethedig fel a ganlyn: Amod 3: Ychwanegu ar ôl safle ar linell 2 - 'sy'n cydymffurfio ag
egwyddorion Datganiad Cynllun Draenio 9 (Cyf:CDGA-9331- Datganiad Cynllun
Draenio -P2)' Amod 4: Gosod 'dwg SK02 R6' yn lle 'dwg SK06 R6' Amod 6: Ychwanegu '(ac eithrio'r coed i'w symud fel rhan o'r caniatâd
cynllunio hwn)' ar ôl 'Dim datblygiad..' Dylid diwygio amod 13 i ddarllen: 13. Er gwaethaf y manylion yn yr asesiad ecolegol a gyflwynwyd, os, cyn i'r
datblygiad dechrau (ar wahân i glirio coed a gymeradwywyd fel rhan o'r caniatâd
cynllunio hwn), bydd unrhyw rywogaethau anfrodorol ymledol yn cael eu darganfod
ar y safle, ni ddylid cynnal unrhyw ddatblygiad pellach nes cyflwynir datganiad
o ddull ar gyfer symud y rhywogaeth anfrodorol ymledol i'r Awdurdod Cynllunio
Lleol, a'i gymeradwyo ganddo. Caiff y cynllun ei roi ar waith yn unol â'r
manylion a gymeradwywyd. Yn ogystal â hyn, dylid ychwanegu amodau er mwyn rheoli oriau gweithredu
unedau manwerthu A1 (6.00am i 11.00pm) a chyfyngu eu defnydd i A1 yn unig. Gwrthodwyd y cais yn
groes i argymhellion y swyddog am y rhesymau canlynol: 1. Mae'r datblygiad arfaethedig, yn rhinwedd ei ddyluniad, ei raddfa a'i
fàs yn gwrthdaro â chymeriad a golwg yr ardal gyfagos er anfantais i'r amwynder
gweledol. Felly mae'r cynnig yn groes i bolisi PS2 Cynllun Datblygu Lleol
Abertawe (2019). 2. Mae'r datblygiad arfaethedig, yn rhinwedd ei raddfa, yn ddatblygiad rhy
ddwys nad yw'n darparu digon o le i amwynderau ar gyfer defnyddwyr y datblygiad
yn y dyfodol er anfantais i'r amwynder preswyl. Felly mae'r cynnig yn groes i
bolisi PS2 Cynllun Datblygu Lleol Abertawe (2019). |